Ինբար Լավի

Վիքիպեդիայից՝ ազատ հանրագիտարանից
Jump to navigation Jump to search
Ինբար Լավի
Inbar lavi.jpg
Ծննդյան թիվ՝հոկտեմբերի 27, 1986(1986-10-27) (33 տարեկան)
Ծննդավայր՝Ռամատ Գան, Թել Ավիվի մարզ, Իսրայել
Քաղաքացիություն՝Flag of the United States.svg ԱՄՆ
Մասնագիտություն՝դերասանուհի, թատրոնի դերասանուհի, հեռուստատեսային դերասանուհի, մոդել և կինոդերասանուհի
IMDb։ID 2819413

Ինբար Լավի (անգլ.՝ Inbar Lavi, հոկտեմբերի 27, 1986(1986-10-27), Ռամատ Գան, Թել Ավիվի մարզ, Իսրայել), իսրայելա-ամերիկացի դերասանուհի։ Առավել հայտնի է Եվայի դերում «Լյուցիֆեր» սերիալում:

Կենսագրություն[խմբագրել | խմբագրել կոդը]

Ինբար Լավին ծնվել է 1986 թվականի հոկտեմբերի 27-ին Իսրայելի Ռամատ Գան քաղաքում։ Հոլոնի Կիրյաթ Շարեթի միջնակարգ դպրոցում սովորել է բալետ և ժամանակակից պարեր։ Այնուհետև նա դերասանական վարպետություն է սովորել Թել Ավիվի Սոֆի Մոսկովիցի դպրոցում։ 2004 թվականին նա առաջին անգամ տեղափոխվել է Նյու Յորք, ապա՝ Լոս Անջելես, որտեղ սկսել է իր կարիերան։ Նկարվել է «Sports Illustrated»[1], «Maxim»[2], «FHM»[3] և այլ ամսագրերի համար[4]։

Հեռուստատեսությունում հանդես է եկել 2008 թվականից։ Առաջին տարիներին նկարահանվել է առավելապես ամերիկյան տարբեր հեռուստասերիալների դրվագներում։ 2012-2013 թվականներին նկարահանվել է «Անհաջող» սերիալում։ 2013 թվականին նկարահանվել է «Փոշու տուն» սարսափ ֆիլմի գլխավոր դերում։ Նույն թվականին նկարահանվել է «Պատանի գայլը» հեռուստասերիալի երրորդ եթերաշրջանում։ 2014 թվականին նկարահանվել է «Հանցավոր կապեր» սերիալում[5][6]։ 2015 թվականին նկարահանվել է «Վերջին նավը» սերիալում[7][8] և «Վհուկների վերջին որսորդը» ֆիլմում։ 2017 թվականից նկարահանվում է «Ինքնակոչներ» սերիալում[9]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]