Ռամատ Գան
| Բնակավայր | |||||
|---|---|---|---|---|---|
| Ռամատ Գան | |||||
| եբրայերեն՝ רמת גן | |||||
| |||||
 | |||||
| Երկիր |  Իսրայել | ||||
| Ներքին բաժանում | Kiryat Borochov?, Tel HaShomer?, Kfar Azar?, Qiryat Krinitzi?, Ramat Ef'al?, Merom Nave?, Diamond Exchange District? և Tel Binyamin? | ||||
| Հիմնադրված է | 1921 թ. | ||||
| Մակերես | 12 կմ² | ||||
| ԲԾՄ | 34 մետր | ||||
| Բնակչություն | ▲159 200 մարդ (դեկտեմբերի 31, 2018)[1] | ||||
| Ժամային գոտի | UTC+2 և UTC+3 | ||||
| Փոստային դասիչ | 52001–52199 | ||||
| Պաշտոնական կայք | handasa.ramat-gan.muni.il/Pages/default.aspx(եբրայերեն) | ||||
| |||||
Ռամատ Գան (եբրայերեն՝ רמת גן, բառացի՝ «Այգու բարձունք»), քաղաք Իսրայելի կենտրոնական Գուշ-Դան ագլոմերացիայում։ Գտնվում է Թել Ավիվից արևելք՝ Ղիվաթայմ, Գիվաթ Շմուել, Բնեյ-Բրակ և Կիրյատ-Օնո քաղաքների մոտակայքում։
Պատմություն[խմբագրել | խմբագրել կոդը]
1921 թվականին Ռամատ Գանը հիմնվել է որպես մաշավ (գյուղատնտեսական բնակավայր)։ Որոշ ժամանակ անց Ռամատ Գանը ագրարային տնտեսությունից անցավ առևտրային և արդյունաբերական տնտեսության։ 1926 թվականին բրիտանական մանդատը ճանաչեց Ռամատ Գանի տեղական ինքնակառավարման խորհուրդը։
1950 թվականին բնակավայրն ստացավ քաղաքի կարգավիճակ։ 1950-ական թվականներին հիմնվել էին Ազգային այգին և մարզադաշտը, որտեղ անցկացվում էին Մակկաբիադի բացումները։ 1961 թվականին՝ քաղաքի կառավարական սահմանների ընդարձակման արդյունքում, նրա տարածքում հայտնվեցին Բար-Իլանի անվան համալսարանը, և Հաիմ Շիբայի անվան բժշկական կենտրոնը. «Շիբա» բուժկենտրոնը ամենախոշորն է Մերձավոր Արևելքում։ 1968 թվականին բացված Իսրայելի ալմաստի բորսան այսօր ամենախոշորն է աշխարհում։ Ռամատ Գանում է տեղակայված սաֆարի կենդանաբանական այգին, որտեղ կենդանիները պահվում են բնական պայմաններում։ Պետության մասշտաբով կրթության մակարդակը շատ բարձր է։ Կենսամակարդակը նորմայից բարձր է։ Քաղաքապետը Իսրաիլ Զինգերն է։
Բնակչություն[խմբագրել | խմբագրել կոդը]
Իսրայելի կենտրոնական վիճակագրական բյուրոյի տվյալներով 2018 թվականի սկզբին բնակչության թիվը կազմում էր 156 277 մարդ։
Ալմաստի բորսայի կառույցների համալիր[խմբագրել | խմբագրել կոդը]
Քաղաքի հյուսիս-արևմուտքում՝ Թել Ավիվին հարող տարածքում, կենտրոնացված են երկնաքերեր։ Դրանց թվին է պատկանում «Մոշե Ավիվը» («Քաղաքային դարպասներ») Իսրայելի ամենաբարձր կառույցը, որի բարձրությունը 244 մետր է[2], ինչպես նաև ալմաստի բորսայի կառույցը, «Լեոնարդո» հյուրանոցը, բարձրագույն տեխնոլոգիաների ձեռնարկությունները։ Այս տարածքը ունի նաև գիշերային ակումբների և ապօրինի ազարտային խաղերի կենտրոնի համբավ, սակայն 2006 թվականին մարդկանց վաճառքի պատժի օրենքը խստացվեց[3], և շնորհիվ ոստիկանության՝ այս շրջանում այդպիսի գործունեությունը դադարեցվեց[4]։
Զարգացման ծրագրեր[խմբագրել | խմբագրել կոդը]
2006 թվականին ամերիկացի Դոնալդ Թրամփը հայտարարեց քաղաքում «en:Elite Tower» (ավելի վաղ՝ «Թրամփ Պլազա Թաուեր») գրասենյակներով և շքեղ բնակարաններով հագեցած 70 հարկանի աշտարակի կառուցման մասին։ Այն կկառուցվի պատմական «Էլիտ» հրուշակեղենի գործարանի տեղում՝ դառնալով Իսրայելի ամենաբարձր կառույցը։ Այս տարածքի պատմության հիշողության պահպանման համար աշտարակի առաջին հարկերում նախատեսվում է բացել շոկոլադի թանգարան[5][6]։ Համաձայն ծրագրի՝ կառուցումը կավարտվի 2017 թվականին։
Սպորտ[խմբագրել | խմբագրել կոդը]
Քաղաքում է գտնվում այն մարզադաշտերից մեկը, որտեղ իր խաղում է Իսրայելի ֆուտբոլի ազգային հավաքականը։ Այն երկրի ամենամեծ մարզադաշտն է, և Իսրայելի երեք մարզադաշտերից մեկը, որոնք համապատասխանում են ֆուտբոլային խաղերի անցկացման համար միջազգային չափանիշներին։
Նրա տարողունակությունը 41 583 մարդ է։ Մարզադաշտի ճարտարապետը Այվոր Շոու Ֆրիբան է։ Մարզադաշտը կառուցվել է 1951 թվականին։ Իր ներկայիս տեսքը այն ստացել է 1982 թվականի վերակառուցումից հետո։ Ժամանակի ընթացքում հանդիսատեսի նստատեղերը և մարզադաշտի ներսի զարդարանքը բարելավվել է։ Բացի սպորտային միջոցառումներից՝ մարզադաշտում կայանում են նաև երաժշտական միջոցառումներ։
Ռամատ Գանի բազմաթիվ սպորտային կառույցների թվում՝ քաղաքային սպորտի սրահ «Մարոմ Նավե»-ն, սարքավորված է 380 հանդիսատեսի հաշվով։ «Մարոմ Նավե»-ի մարզադաշտում տեղի են ունենում մարզումներ և բասկետբոլի, մինի-ֆուտբոլի, վոլեյբոլի, հանդբոլի մրցումներ, ինչպես նաև մշակութային և թատերական միջոցառումներ[7]։
2014 թվականի հունվարին «Մարոմ Նավե» սպորտային համալիրում մարզվել է Ռուսաստանի գեղարվեստական մարմնամարզության հավաքականը[8]։
Քաղաքապետներ[խմբագրել | խմբագրել կոդը]
| Աբրահամ Կրինիցի | 1926-1967 |
| Իսրաիլ Պելեդ | 1967—1983 |
| Ուրի Ամիտ | 1983—1989 |
| Ցվի Բար | 1989—2013 |
| Իսրաիլ Զինգեր | 2013-մինչ օրս |
Քույր քաղաքներ[խմբագրել | խմբագրել կոդը]
.svg){kind=small}
Պատկերասրահ[խմբագրել | խմբագրել կոդը]
-
Բար Իլանի անվան համալսարան -
Սդերոտ Հա-Էլեդ փողոց -
Այգի Ռամատ Գանում -
Ռամատ Գանի բարձր կառույցները՝ Մոշե Ավիվ աշտարակով -
Ռամատ Գանն ու Թել Ավիվը բաժանող 20-րդ խճուղի -
Բյալիկի հուշարձանը -
Ծաղկային ժամացույցներ Ռամատ Գանում -
օրանգուտանգների զույգ՝ քաղաքի սաֆարի կենդանաբանական այգում
Ծանոթագրություններ[խմբագրել | խմբագրել կոդը]
- ↑ Šnatôn statîstî le-Yisra'el(բազմ․) — (untranslated). — Iss. 70. — ISSN 0081-4679
- ↑ City Gate Ramat Gan
- ↑ Knesset approves harsh punishments for human trade — Israel News, Ynetnews
- ↑ ירידה בהיקף סחר בנשים לצורך זנות — וואלה! חדשות
- ↑ Trump to build projects in Israel — Israel Business, Ynetnews
- ↑ globes
- ↑ Информация о спортивном зале «Маром Наве» на сайте городской администрации Рамат-Гана(եբրայերեն)
- ↑ Российские гимнастки перебрались в Израиль всем составом // Новостной портал IzRus, 09.01.2014
 | Վիքիպահեստն ունի նյութեր, որոնք վերաբերում են «Ռամատ Գան» հոդվածին։ |
| ||||||||||
