Լիզա Լամպանելլի

Վիքիպեդիայից՝ ազատ հանրագիտարանից
Լիզա Լամպանելլի
Ծննդյան թիվ՝հուլիսի 19, 1961(1961-07-19)[1] (62 տարեկան)
Ծննդավայր՝Trumbull[2]
Քաղաքացիություն՝ ԱՄՆ
Մասնագիտություն՝դերասանուհի, ստենդ ափ երգիծաբան, հեռուստատեսային դերասանուհի և կինոդերասանուհի
IMDb։ID 1800369
insultcomic.com

Լիզա Լամպանելլի (անգլ.՝ Lisa Lampanelli, հուլիսի 19, 1961(1961-07-19)[1], Trumbull[2]), ծագումով իտալացի և լեհ ամերիկացի սթենդափ կոմիկ, կինոյի և հեռուստատեսության կատակերգական դերասանուհի։

Վաղ տարիներ[խմբագրել | խմբագրել կոդը]

Լայզա Մեյրի Լեմպյունեյլը (դերասանուհու իրական անունը) ծնվել է 1961 թվականի հուլիսի 19-ին Թրամբալլում, Կոնեկտիկուտ նահանգ։ Ունեցել է երկուական եղբայր և քույր, երեք քառորդով իտալուհի է[3], քառորդով՝ լեհ։ Նրա մայրը՝ Գլորիա Լեմպյունեյլը (օրիորդական ազգանունը՝ Վելգոթ, ծնված 1927 թվականին[4]), ոստիկանությունում աշխատել է մեքենագրուհի, հայրը՝ Լեոնարդ Լեմպյունեյլը, աշխատել է Sikorsky Aircraft ձեռնարկությունում, ապա դարձել է նկարիչ[5]։

Լիզան սովորել է իր հայրենի քաղաքի Սուրբ Իոսիֆի հռոմեա-կաթոլիկական դպրոցում[4], ապա Բոսթոնի քոլեջում և Սիրաքյուսի համալսարանում ուսանել է ժուռնալիստիկա[6], Հարվարդի համալսարանում անցել է որակավորման բարձրացման դասընթացներ[7]։ Կրթությունն ավարտելուց հետո աշխատել է խմբագիր (անգլ.՝ Copy editing) «Հանրաճանաչ մեխանիկա» հանդեսում և խմբագրի օգնական «Rolling Stone» ամսագրում[8], կապ է ունեցել մի քանի այլ թերթերի հետ[5]։ Որոշ ժամանակ անց նա հասկացել է, որ լրագրությունը նրան չի հետաքրքրում և որոշել է դառնալ ուսուցչուհի, ինչի համար ընդունվել է Կոլումբիայի համալսարան, սակայն արագորեն հրաժարվել է նաև մանկավարժությունից[7]։ Արդյունքում ՝ Լիզան հայտնվեց կատակերգական ակումբների բեմում։

Գործունեություն[խմբագրել | խմբագրել կոդը]

Լիզայի գործունեությունը (բեմական մականունը՝ Queen of Mean[3][9]) որպես սթենդափ կատակերգու սկսվել է 1990-ական թվականների սկզբին Նյու Յորքում[10]։ Նրա ելույթների ժանրերն են՝ Insult comedy, իմպրովիզացիա, Observational comedy, Լամպանելլիի կատակների հիմնական օբյեկտները դառնում են ռասային-էթնիկական փոխադարձ հարաբերությունները (էթնիկական կատակներ), սեքս, առօրյա կյանք[11]։ Հենց Լամպանելլիի խոսքերով ասած՝ իր մանրապատումների ոճի վրա ամենամեծ ազդեցությունն ունեցել են Դին Մարտինը[10] և Դոն Ռիքլսը[5][12]։

Լամպանելլի մանրապատումներից մեկի օրինակ.

— Քանի՞ լատինոս է պետք լոգարանը մաքրելու համար։ — Ոչ մի։ Դա նեգրերի աշխատանք է։
— Ի՞նչ կանվանեք սևամորթ կնոջը, որը յոթ աբորտ է արել։ — Հանցագործության դեմ մարտնչող։
— Սարա Փեյլինը հինգ երեխա ունի։ Ի՞նչ է, նա սևամո՞րթ է։

Ընտրյալ ֆիլմագրություն[խմբագրել | խմբագրել կոդը]

  • 2006` Առողջության հսկող / Larry the Cable Guy: Health Inspector՝ Ջեյնի մայր
  • 2007` «Դելտա ֆարս» գործողություն / Delta Farce՝ Կոննի
  • 2007—2008 — Ռինո 911! / Reno 911!՝ սուրբ Գոլդբերգ (2 էպիզոդներում)
  • 2008՝ Ողջ մնալու դպրոց / Drillbit Taylor՝ կամեո, Ռոննի Լամպանելլիի մայրը[8]
  • 2010՝ Խմբակային սեքս / Group Sex՝ Լիզա, մատուցողուհի
  • 2011՝ Ուիթնի / Whitney՝ միսիս Ջենքս (1 էպիզոդում)
  • 2012` Aqua Teen Hunger Force / Aqua Teen Hunger Force — Դարլին (1 էպիզոդում, հնչյունավորում)
  • 2012 — Մի՛ անհետացիր / Not Fade Away՝մորաքույր Ջոզի
  • 2013` Սիմփսոնները / The Simpsons — Ռամոնա («Վտանգ գնացքում» էպիզոդում, հնչյունավորում)

2012 թվականին Լիզա Լամպանելլին մասնակցել է Celebrity Apprentice խաղային ռեալիթի շոուի 12-րդ եթերաշրջանին[14]։ Նրա հումորները ժամանակ առ ժամանակ շարժել են հեռուստադիտողների զայրույթը, նա բացահայտ հանդես է եկել այլ մասնակից-ընկերների դեմ, որոնց թվում էին Արսենիո Հոլլը, Լուի Ֆեռինյոն և Դայանա Մենդոսան[15]։ Լիզան հրաժարվել է ներողություն խնդրել այդ մասնակիցներից զայրացուցիչ պահվածքի և լատինամերիկացիների մասին կատակների համար։ Չնայած այդ ամենին՝ նա այդ շոուում 130 հազար դոլար է աշխատել, որոնք փոխանցել է «Գեյ տղամարդկանց առողջության ճգնաժամ» կազմակերպությանը։

Անձնական կյանք[խմբագրել | խմբագրել կոդը]

Լամպանելլին առաջին անգամ ամուսնացել է 1991 թվականին, սակայն այդ ամուսնությունը կարճ ժամանակում փլուզվել է, թեպետ զույգը պահպանել է ընկերական հարաբերությունները[9]։ Նրա նախկին ամուսինը մահացել է 2008 թվականին[3]։ 2010 թվականի հոկտեմբերի 2-ին Լիզան ամուսնացել է երկրորդ անգամ։ Նրա ընտրյալը եղել է Ջիմմի Կաննիցարոն (ծնված 1961 թվականին), որը տավերնի նախկին սեփականատեր էր, Վալլի Սթրիմ գյուղից (Նյու Յորք նահանգ), որի հետ ծանոթացել էր ամուսնությունից չորս տարի առաջ։ Պսակադրության արարողությունն անցկացվել է Friars մասնավոր ակումբում[9]։ 2014 թվականի մայիսին Լամպանելլին ամուսնալուծության հայտ է ներկայացրել[16]։

Այլ փաստեր[խմբագրել | խմբագրել կոդը]

2011 թվականի մայիսի 20-ին Լամպանելլին նախատեսել է ելույթ ունենալ Տոպիկա քաղաքում (Կանզաս)։ Իմանալով այդ մասին՝ Ուեսթբորո բապտիստական եկեղեցու անդամները (որը հայտնի իրենց ծայրահեղ հայացքներով, հատկապես վառ արտահայտված հոմոֆոբիայով) բողոքի գործողության մասին են հայտարարել՝ ընդդեմ այդ իրադարձության։ Ի պատասխան Լամպանելլին հայտնել է, որ «Գեյ տղամարդկանց առողջության ճգնաժամ» կազմակերպությանն է փոխանցելու 1000 դոլար յուրաքանչյուր բողոքողի համար։ Ցույցին եկել էր 44[17] մարդ (ներառյալ երեխաները), և Լիզան վերոնշյալ կազմակերպությանն է փոխանցել 50 000 դոլար[18]։

Մատենագրություն[խմբագրել | խմբագրել կոդը]

  • Chocolate, Please: My Adventures in Food, Fat, and Freaks[19] (2009, տպ. HarperCollins)

Ծանոթագրություններ[խմբագրել | խմբագրել կոդը]

  1. ↑ 1,0 1,1 Discogs — 2000.
  2. ↑ 2,0 2,1 2,2 Freebase տվյալների վերբեռնում — Google.
  3. ↑ 3,0 3,1 3,2 3,3 Марк. Д. Аллан. Queen of Mean: Lisa Lampanelli (անգլ.) на сайте nuvo.net, 18 марта 2009
  4. ↑ 4,0 4,1 Джо Амаранте. Bunker, Rickles, Clay and… Lisa Lampanelli? (անգլ.) на сайте nhregister.com, 19 марта 2010
  5. ↑ 5,0 5,1 5,2 Пол Фари. Lampanelli Adds Insult To Ingenuity (անգլ.) на сайте washingtonpost.com, 24 января 2009
  6. ↑ Энн Фармер. Fearlessly Foul, and on the Verge of Respectability (անգլ.) на сайте nytimes.com, 10 февраля 2008
  7. ↑ 7,0 7,1 Терри Моррой. Lampanelli is building career on celebrity roasts Արխիվացված 2014-03-08 Wayback Machine (անգլ.) на сайте courierpress.com, 22 декабря 2006
  8. ↑ 8,0 8,1 Скотт Гордон. Интервью с Лизой Лампанелли (անգլ.) на сайте avclub.com, 21 декабря 2006
  9. ↑ 9,0 9,1 9,2 Дуглас Мартин. Lisa Lampanelli and Jimmy Cannizzaro (անգլ.) на сайте nytimes.com, 15 октября 2010
  10. ↑ 10,0 10,1 Дилан П. Гадино. Lisa Lampanelli: Highly Insulting! Արխիվացված 2014-03-08 Wayback Machine (անգլ.) на сайте laughspin.com, 5 февраля 2006
  11. ↑ 11,0 11,1 Джинин Бадд. Lisa Lampanelli insults her way through NU (անգլ.) на сайте huntnewsnu.com, 27 февраля 2008
  12. ↑ Мэтт Шоу. 12.08 Lisa Lampanelli (անգլ.) на сайте thepulsemag.com, 1 декабря 2008
  13. ↑ Корнелиус Рендж. Why comedians shouldn’t apologize (անգլ.) на сайте thedp.com, 20 сентября 2011
  14. ↑ Далтон Росс. Celebrity Apprentice: And the fired celebrities are… Արխիվացված 2014-03-08 Wayback Machine (անգլ.) на сайте popwatch.ew.com, 6 мая 2012
  15. ↑ Celebrity Apprentice: Lisa Lampanelli Unloads On Lou Ferrigno, Arsenio Hall And Dayana Mendoza (անգլ.) на сайте huffingtonpost.com, 9 апреля 2012
  16. ↑ Boardman, Madeline (2014 թ․ մայիսի 1). «Lisa Lampanelli Files for Divorce from Husband Jimmy Cannizzaro». Us Weekly (անգլերեն). Վերցված է 2018 թ․ մայիսի 5-ին.
  17. ↑ В том году Баптистская церковь Уэстборо[en] насчитывала как раз около 40 членов Արխիվացված 2012-01-10 Wayback Machine.
  18. ↑ Билл Бланкеншип. Comic's check to AIDS center credits WBC (անգլ.) на сайте cjonline.com, 25 мая 2011
  19. ↑ Chocolate, Please: My Adventures in Food, Fat, and Freaks amazon.com կայքում

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Լիզա Լամպանելլի» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
ISNI: 0000000039165575 · LCCN: n2008083364 · VIAF: 65952124 · WorldCat VIAF: 65952124
Ստացված է «https://hy.wikipedia.org/w/index.php?title=Լիզա_Լամպանելլի&oldid=9248531» էջից