«Լեոն» («Պրոֆեսիոնալը», ֆր.՝ Léon) ֆրանսիացի ռեժիսոր Լյուկ Բեսոնի կուլտային ֆիլմը, որը լույս է տեսել 1994 թ.-ին։ Նկարահանվել է Լյուկ Բեսոնի սցենարի հիման վրա։ Գլխավոր դերակատարներն են Ժան Ռենոն, Գարի Օլդմենը, Նատալի Փորտմանը և Դեննի Այելլոն։ Ֆիլմը համարվում է 250 լավագույն ֆիլմերից մեկն ըստ IMDB վարկածի։ Պրոֆեսիոնալ վարձու մարդասպան Լեոնը, որը չգիտի, թե ինչ է խղճահարությունը և գթությունը, ծանոթանում է իր հմայիչ հարևանուհու՝ Մաթիլդայի հետ, որի ընտանիքին սպանել են թմրանյութերի առևտրով զբաղվող ոստիկանները։ Այս ծանոթության շնորհիվ Լեոնն առաջին անգամ սիրահարվում է և ...
Լեոնը պրոֆեսիոնալ մարդասպան է, ով ապրում է Նյու Յորքում և ում միակ ընկերը տնային բույսն է։ Նա աշխատում է Թոնի անունով մաֆիայի անդամի մոտ։ Իսկ Մատիլդան տասնմեկամյա աղջիկ է։ Նա ապրում է Լեոնի հարևանությամբ։ Նրա հայրը տանը թմրանյութ է պահում և դրա դիմաց գումար է ստանում։ Սակայն մի օր հոր գործընկերները հայտնաբերում են, որ նա խաբում է իրենց և սպանում են ամբողջ ընտանիքին։ Մատիլդան, վերադառնալով խանութից, տեսնում է սպանված հարազատներին ու վախենալով գնում է Լեոնի տուն։ Նա շատ շուտ է հասկանում Լեոնի ով լինելը և խնդրում է նրան հոգ տանել իր մասին, սովորեցնել այն ամենն, ինչ գիտի։ Մատիլդան ցանկանում էր վրեժ լուծել փոքր եղբոր համար։ Լեոնը մեծ դժվարությամբ, բայց համաձայնվում է օգնել աղջկան։ Փոխարենը Մատիլդան սովորեցնում է Լեոնին կարդալ։ Երբ Մատիլդան սովորում է գործի բոլոր մանրամասները, Լեոնի զենքերը պայուսակի մեջ հավաքելով, գնում է Ստենսֆիլդին՝ մարդասպանին սպանելու։ Գրասենյակում նա ներկայանում է որպես առաքիչ։ Ստենսֆիլդը, նկատելով աղջկան, գնում է նրա հետևից և սենյակում մենակ մնալով պատմում է սպանության բոլոր մանրամասները, ինչպես նաև ասում է, որ Լեոնը առավոտյան սպանել է իր մարդկանցից մեկին։ Այդ ընթացքում Լեոնը երկտողից իմանում է Մատիլդայի գտնվելու վայրը և փրկում է նրան։
Մի օր Մատիլդային բռնում են Ստենսֆիլդի ուղարկած անվտանգության աշխատակիցները՝ այդ կերպ ցանկանալով մտնել Լեոնի բնակարան։ Լեոնը կարողանում է ազատել Մատիլդային և նրա համար տնից փախուստի ճանապարհ է բացում։ Նա մինչ աղջկա հեռանալը տալիս է նրան իր ծառը, ասում է, որ սիրում է նրան և որ Մատիլդան սովորեցրել է իրեն ապրել։ Մատիլդայի գնալուց հետո Լեոնին վիրավորում են, բայց նա կարողանում է փրկվել և դուրս է գալիս շենքից։ Նրան հետևում է Ստենսֆիլդը և կրակում է նրան հետևից։ Լեոնն ընկնում է, և երբ Ստենսֆիլդը մոտենում է, որ գտնի նռնակը Լեոնը բաց է թողնում նռնակն ասելով. «Մատիլդայի կողմից»։
Մատիլդան գնում է Թոնիի մոտ և աշխատանք է խնդրում։ Թոնին ասում է, որ աշխատանք չունի երեխայի համար։ Թոնին առաջարկում է աղջկան տալ Լեոնի աշխատած գումարը, ասում է, որ մոռանա ամեն ինչ և վերադառնա դպրոց։ Մատիլդան խոսում է դպրոցի տնօրենի հետ և պատմում նրան ամեն ինչ։ Ֆիլմի վերջում Մատիլդան Լեոնի ծառը տնկում է հողի մեջ, որպեսզի արմատներ տա, ինչպես նա սկզբում էր ասել Լեոնին։
Անվան այլ կիրառումների համար տե՛ս՝ Լեոն (այլ կիրառումներ)
