Երվանդ Երկանյան

Երվանդ Երկանյան
Ծնվել է	նոյեմբերի 15, 1951 (72 տարեկան); Լենինական, Հայկական ԽՍՀ, ԽՍՀՄ
Մասնագիտություն	ջութակահար
Գործիքներ	ջութակ
Աշխատավայր	Երևանի Կոմիտասի անվան պետական կոնսերվատորիա, Տաղարան, Մադրիգալ և Բարսեղ Կանաչյանի անվան թիվ 17 արվեստի դպրոց
Կրթություն	Երևանի Կոմիտասի անվան պետական կոնսերվատորիա (1978)
Պարգևներ	Հայաստանի արվեստի վաստակավոր գործիչ և Հայաստանի մշակույթի նախարարության ոսկե մեդալ

Վիքիպեդիայում կան հոդվածներ Երկանյան ազգանունով այլ մարդկանց մասին։

Երվանդ Վահանի Երկանյան (նոյեմբերի 15, 1951(1951-11-15)^[1], Լենինական, Հայկական ԽՍՀ, ԽՍՀՄ), հայ կոմպոզիտոր, ջութակահար։ Հայաստանի արվեստի վաստակավոր գործիչ (2011)։

Դաշնակահար, դիրիժոր Սեդրակ Երկանյանի եղբայրը։

Կենսագրություն

Երվանդ Երկանյանը ծնվել է 1951 թվականին Գյումրիում։ Երաժշտական կրթություն ստացել է 5 տարեկան հասակից՝ հաճախելով ջութակի դասերի։ 1970 թվականին ավարտել է Երևանի Կոմիտասի անվան պետական կոնսերվատորիայի կոմպոզիցիայի (պրոֆեսոր` Գ. Եղիազարյան) և ջութակի (պրոֆեսոր` Հ. Վարդանյան) բաժինները։ 1978 թվականին ավարտել է նույն կոնսերվատորիայի ասպիրանտուրան՝ պրոֆեսոր Գ. Եղիազարյանի ղեկավարությամբ։ 1975-1994 թվականներին դասավանդել է Երևանի կոնսերվատորիայում։ 1987-1994 թվականներին եղել է հայկական հնագույն երաժշտության «Տաղարան» անսամբլի գեղարվեստական ղեկավարն ու դիրիժորը, որի ժամանակ մշակել է ավելի քան 150 հին հայկական շարականներ։ 1995 թվականից եղել է Բեյրութի «Գուսան» երգչախմբի ղեկավարը, 1996 թվականից՝ «Հայաստան» նվագախմբի ղեկավար, 1999 թվականից՝ «Մադրիգալ» անսամբլի ղեկավար, 2000 թվականից՝ «Բարսեղ Կանաչյան» երաժշտանոցի տնօրեն։

Երվանդ Երկանյանի գործերը հնչել են ԱՄՆ-ում, Ֆրանսիայում, Անգլիայում, Շվեդիայում, Ֆինլանդիայում, Ռուսաստանում, Հունգարիայում, Արգենտինայում, Լիբանանում և այլուր^[2]։

Ստեղծագործություններ

Օպերա՝ «Շուշանիկ» (1981)
Բալետ-օպերա՝ «Մոկաց Միրզա» (1978)
Խորեոգրաֆիկ կանտատ՝ «Վահագնի ծնունդը» (1987)
Բալետ՝ «Օրեստ» (1974)
Բալետ՝ «Էդիպ արքա» (1976) (Վաշինգտոն 1983 թվական, Մոսկվա 1984 թվական)

Սիմֆոնիաներ

N 1 «Ինքնադիտողություն» (1977)
N 2 «Հայկ և Բել» (1978)
N 3 «Անցորդների ձայներ» (1984)
N 4 «Նեմեսիս» (1986)

Սոնատաներ

Դաշնամուրի համար N 1 և N 2 (1975-1980)
Ջութակի և դաշնամուրի համար (1971)
Ֆլեյտայի և դաշնամուրի համար (1978)

Կոչումներ և մրցանակներ

Մեծի Տանն Կիլիկիո «Սուրբ Մեսրոպ Մաշտոց» շքանշան, 1993,
Հայաստանի արվեստի վաստակավոր գործիչ, 2011^[3],
Հայաստանի մշակույթի նախարարության Ոսկե մեդալ, 2016^[4],
Մովսես Խորենացու մեդալ, 2021^[5]

Ծանոթագրություններ

Արտաքին հղումներ

Վիքիդարանն ունի նյութեր, որոնք վերաբերում են «Երվանդ Երկանյան» հոդվածին։

[_5e648e98238bac3b-1] 1,0 ^1,1 Library of Congress Authorities — Library of Congress.

[2] «Երվանդ Երկանյանի կենսագրությունը zarkfoundation.com կայքում».

[3] Հայաստանի Հանրապետության պատվավոր կոչումներ շնորհելու մասին

[4] Հայ ժամանակակից երաժշտարվեստի զարգացման գործում ունեցած նշանակալի ավանդի համար, ինչպես նաև ծննդյան 65-ամյակի կապակցությամբ կոմպոզիտոր, ՀՀ վաստակավոր գործիչ Երվանդ Երկանյանը պարգևատրվել է ՀՀ մշակույթի նախարարության Ոսկե մեդալով

[5] «Հանրապետության նախագահի հրամանագրերը - Փաստաթղթեր - Հայաստանի Նախագահ». president.am. Վերցված է 2021 թ․ սեպտեմբերի 22-ին.

[1]

[2]

[3]

[4]

[5]