Jump to content

Դայան Բեյքեր

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Бейкер
Դայան Բեյքեր
Ծնվել էփետրվարի 25, 1938(1938-02-25)[1] (86 տարեկան)
ԾննդավայրՀոլիվուդ, Լոս Անջելես, Կալիֆոռնիա, ԱՄՆ
ԿրթությունՎան Նույսի ավագ դպրոց
Քաղաքացիություն ԱՄՆ
Մասնագիտությունդերասանուհի, կինոպրոդյուսեր, հեռուստատեսային դերասանուհի և կինոդերասանուհի
ԱշխատավայրAcademy of Art University?
Դայան Բեյքեր ( անգլ.՝ Diane Baker.  փետրվարի 25, 1938(1938-02-25)[1], Հոլիվուդ, Լոս Անջելես, Կալիֆոռնիա, ԱՄՆ), ամերիկացի դերասանուհի, պրոդյուսեր և մանկավարժ, ում կարիերան ձգվում է շուրջ 50 տարի[2] :.

Կենսագրություն

[խմբագրել | խմբագրել կոդը]

Դայան Քերոլ Բեյքերը ծնվել է 1938 թվականի փետրվարի 25-ին Հոլիվուդում, ավտոմեքենաներ վաճառող Քլայդ Լյուսիուս Բեյքերի և նրա կնոջ՝ դերասանուհի Դորոթի Հելեն Հարինգթոնի ընտանիքում. վերջինս նկարահանվել է Մարքս եղբայրների վաղ շրջանի ֆիլմերում։ Դայանն ուներ երկու կրտսեր քույր՝ Պատրիսիան և Շերիլը[3]։ 1956-ին, դպրոցն ավարտելուց հետո, նա տեղափոխվեց Նյու Յորք, որտեղ դերասանական վարպետություն սովորեց Չարլզ Կոնրադի և բալետ՝ Նինա Ֆոնարոֆի մոտ։

Պայմանագիր կնքելով 20th Century Fox ստուդիայի հետ՝ Դայանը 1959 թվականին իր դեբյուտը կատարեց մեծ էկրանին Ջորջ Սթիվենսի «Աննա Ֆրանկի օրագիրը» ֆիլմում՝ հանդես գալով գլխավոր հերոսի ավագ քրոջ՝ Մարգո Ֆրանկի դերում։ Ապա նկարահանվեց «Ուղևորություն դեպի Երկրի կենտրոն» ֆիլմում՝ Ջեյմս Մեյսոնի հետ և «Լավագույնը» կինոնկարում՝ Հոուփ Լանգի ու Ջոան Քրոուֆորդի հետ։ 1963 թվականին Փոլ Նյումանի հետ հանդես եկավ «Նոբելյան մրցանակ» ֆիլմում, որի համար առաջադրվեց «Ոսկե գլոբուս » մրցանակի՝ որպես ֆիլմի երկրորդ պլանի լավագույն դերակատարուհի ։ Հաջորդ տարի Ջոան Քրոուֆորդի հետ խաղաց «Ուղիղ բաճկոն» թրիլլերում և Ալֆրեդ Հիչքոկի «Մարնի» ֆիլմում։ 1965 թվականին Գրեգորի Պեկի հետ նկարահանվեց Էդուարդ Դմիտրիկի «Միրաժ» թրիլլերում։ 1966 թվականին Հոլմարկի փառքի սրահում սերիալի «Ժառանգել քամի» դրվագում իր տպավորիչ դերակատարման համար առաջադրվեց «Փրայմթայմ Էմմի» մրցանակի՝ դրամատիկ սերիալում երկրորդ պլանի լավագույն դերասանուհու անվանակարգում։ 1968 թվականին խաղաց գլխավոր դերերից մեկը Մաքսիմիլիան Շելի «Կրակատաու, Ճավայի արևելք» աղետի մասին ֆիլմում։

1970-ականներից Բեյքերի կարիերան անկում է ապրել, և նա հիմնականում նկարահանվել է հեռուստատեսությամբ։ 1976 թվականին նա հիմնեց իր սեփական ստուդիան՝ Artemis Productions-ը, որը հենց հաջորդ տարում հեռուստաֆիլմ թողարկեց ABC հեռուստաալիքի համար։ 1985 թվականին նա որպես պրոդյուսեր առաջադրվել է «Փրայմթայմ Էմմի» մրցանակի լավագույն մինի սերիալ անվանակարգում «Կանացի կերպար» ֆիլմի ( անգլ.՝ A Woman of Substance ) համար, որը հիմնված էր Բարբարա Թեյլոր Բրեդֆորդի համանուն վեպի վրա։ 1990-ականների սկզբին նա վերադարձավ մեծ էկրան՝ կատարելով երկրորդական դերեր «Գառների լռությունը» (1991թ.), «Քսան դոլար» (1993թ.), «Ցանցը» (1995թ.), «Կաբելագործը» ֆիլմերում։ (1996), «Քաջություն կրակի տակ» (1996) և «Սպանություն Սպիտակ տանը» (1997) ֆիլմերում։ Հիշարժան է նաև «Դոկտոր Հաուս» սերիալի գլխավոր հերոսի մոր՝ Բլայս Հաուսի կերպարի բեյքերյան մարմնավորումը։

Նա դերասանական վարպետություն է դասավանդել Սան Ֆրանցիսկոյի Արվեստի համալսարանում[4][5][6]։

Անձնական կյանք

[խմբագրել | խմբագրել կոդը]

Բեյքերը երբևէ չի ամուսնացել, երեխաներ չի ունեցել։ Տարբեր ժամանակներում հանդիպել է դերասաններ Ուորեն Բիթիի, Գարդներ Մաքքեյի, Ֆրենկ Լանջելայի, Մայքլ Լերների, Ջոն Սաքսոնի հետ[7]։

Ֆիլմագրություն

[խմբագրել | խմբագրել կոդը]
Տարի Հայերեն անվանում Բնօրինակ անվանում Դեր
1959 ֆ Աննա Ֆրանկի օրագիրը The Diary of Anne Frank Մարգո Ֆրանկ
1959 ֆ Ուղևորություն դեպի Երկրի կենտրոն Journey to the Center of the Earth Ջեննի Լինդենբրուք
1959 ֆ Ամենալավը The Best of Everything Էյփրիլ Մորիսոն
1960 ֆ Թեսսը՝ փոթորկոտ երկրից Tess of the Storm Country Թեսս Մաքլին
1962 ֆ 300 սպարտացիներ The 300 Spartans Էլլա
1962 ֆ Երիտասարդ Հեմինգուեյի արկածները Hemingway's Adventures of a Young Man Քերոլին
1963 ֆ Մրցանակը The Prize Էմիլի Սրաթմեն
1964 ֆ Ուղիղ բաճկոն Strait-Jacket Քերոլ Քաթլեր
1964 ֆ Մառնի Marnie Լիլ Մեյնուորինգ
1964 ֆ Դելլա Della Ջեննի Չեփել
1965 ֆ Միրաժ Mirage Շեյլա
1965 ս Մեծ հովիտը The Big Valley Էսթեր
1965 ս Հոլմարկի փառքի սրահը. Ժառանգել քամի Hallmark Hall of Fame: Intherit the Wind Ռեյչել Բրաուն
1966 ս ԿՎՀ The F.B.R. Էլիս Քոլտոն
1967-1971 ս Բոնանզա Bonanza Մերի Ուորտոն / Նորմա О'Քեյսի
1968 ֆ Կրակատաու. Ճավայի արևելք Krakatoa, East of Java Լորա Թրևիս
1970 ֆ Ծերունին, որ ճչում էր՝ "Գա՛յլը" The Old Man Who Cried Wolf Փեգգի Պուլսկա
1975 ս Սան Ֆրանցիկոյի փողոցը The Street of San Francisco տեսուչ Այրին Մարտին
1976 ս Կոլոմբո.Վերջին ողջույնը հրամանատարին Columbo: Last Salute to the Commodore Ջոաննա Քլեյ
1978 ս Սիրո նավը The Love Boat Ռութ Նյումեն
1980 ֆ Օդաչուն The Pilot Փեթ Սիմփսոն
1982 հֆ Կապույտն ու մոխրագույնը The Blue and the Gray Էվելին
1983 ս Երևակայության կղզին Fantasy Island Ֆրեն Վուդս
1990-1992 ս Նա գրեց՝ սպանություն Murder, She Wrote Աննա Լուիզա Բարլոու / Մերի Ֆորսայթ
1991 ֆ Գառների լռությունը The Silence of the Lambs սենատոր Ռութ Մարտին
1991 հֆ Հետապնդում The Haunted Էդ և Լորեյն Ուորեն / Լորեյն Ուորեն
1993 ֆ Քսան դոլար Twenty Bucks Ռութ Ադամս
1995 ս Չիկագոյի հույսը Chicago Hope Էլեն Ռոլստոն
1995 ֆ Ցանցը The Net միսիս Բենեթ
1996 ֆ Մալուխագործը The Cable Guy միսիս Քովաքս
1996 ֆ Խիզախություն՝ կրակի տակ Courage Under Fire Լուիզա Բոյլեր
1997 ֆ Սպանություն Սպիտակ տանը Murder at 1600 ԱՄՆ-ի առաջին տիկին Քիթի Նեյլ
1998 ս Դայակը The Nanny Ռոբերտա
2000 ս Շտապօգնություն E.R. Լուիզա Դաֆի
2000 հֆ Ջեքի Բուվիե Քենեդի Օնասիս Jackie Bouvier Kennedy Onassis Ռոզա Քենեդի
2001 ս Օրենք ուկարգ. Հատուկ կորպուս Law & Order: Special Viktims Unit Մարգո Նելսոն
2005 ֆ Պահպանողը. Լեգենդ Օմար Խայամի մասին The Keeper: The Legend of Omar Khayyam միսս Թեյլոր
2005 ս Դոկտոր Հաուս. Հայրիկի տղան House: Daddy's Boy Բլեյս Հաուս
2010 ս Խաբիր ինձ Lie to Me դատավոր Քվին
2012 հֆ Հեմինգուեյ և Գելհորն Hemingway & Gellhorn միսիս Գելհորն

Առաջադրումներ

[խմբագրել | խմբագրել կոդը]

Ոսկե գլոբուս

  • 1960 թ — Լավագույն նորեկ դերասանուհի անվանակարգում ( Աննա Ֆրանկի օրագիրը )։
  • 1964 թ — Կինոֆիլմի երկրորդ պլանի լավագույն դերակատարուհի անվանակարգում (Նոբելյան մրցանակ)։

Էմմի ( փրայմ թայմ )

  • 1966 թ — Առաջադրվել է Դրամատիկ սերիալում երկրորդ պլանի լավագույն դերակատարուհի անվանակարգում (Hallmark Hall of Fame: Inherit the Wind):
  • 1985 թ — Լավագույն մինի սերիալ անվանակարգում (Կանացի կերպար)։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 SNAC — 2010.
  2. ↑ «Diane Baker». catalog.afi.com. Արխիվացված է օրիգինալից 2022 թ․ մարտի 6-ին. Վերցված է 2022 թ․ մարտի 6-ին.
  3. ↑ Blair, Doniphan (13 серпня 2010). «Diane Baker: Creating Films, Schools, and Communities». CineSOURCE Magazine. Արխիվացված է օրիգինալից 16 липня 2022-ին.
  4. ↑ https://web.archive.org/web/20141221173349/http://www.academyart.edu/academics/acting/faculty
  5. ↑ Stein, Ruthe (27 серпня 2004). «'Extraordinary adventure' lures ex-ingenue». San Francisco Chronicle.
  6. ↑ «Academy of Art University School of Acting – Faculty». Academy of Art University. Արխիվացված է օրիգինալից 21 грудня 2014-ին. Վերցված է 2 листопада 2014-ին.
  7. ↑ «Архівована копія». Արխիվացված է օրիգինալից 11 січня 2022-ին. Վերցված է 25 травня 2022-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Դայան Բեյքեր» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Դայան_Բեյքեր&oldid=9825408» էջից