Արթուր Այվազյան
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Վիքիպեդիայում կան հոդվածներ Այվազյան ազգանունով այլ մարդկանց մասին։
| Արթուր Այվազյան | |
|---|---|
 | |
| Ծնվել է | հունվարի 14, 1973 (51 տարեկան) |
| Ծննդավայր | Երևան, ՀԽՍՀ |
| Քաղաքացիություն |  ԽՍՀՄ ( .svg){kind=small} Հայկական ԽՍՀ) →  Ուկրաինա |
| Ազգություն | հայ |
| Կրթություն | Լվովի ֆիզիկական կուլտուրային պետական ինստիտուտ |
| Մասնագիտություն | հրաձիգ |
| Պարգևներ և մրցանակներ | |
Արթուր Այվազյան (հունվարի 14, 1973, Երևան, Հայկական ԽՍՀ, ԽՍՀՄ), Ուկրաինայում բնակվող հայ հրաձիգ, որը հանդես է գալիս փոքր տրամաչափի և օդամղիչ հրացաններով հրաձգության ձևերում։ Սպորտի վաստակավոր վարպետ։ Հասակը՝ 176 սմ, քաշը՝ 82 կգ։ 2008 թվականի Պեկինի ամառային օլիմպիական խաղերի չեմպիոն։
Կենսագրություն
[խմբագրել | խմբագրել կոդը]Ծնվել է 1973 թվականին Երևանում։ 1985 թվականից, թեթև աթլետիկայից տեղափոխվելուց հետո, Հայաստանի վաստակավոր մարզիչ Ռոբերտ Հակոբյանի ղեկավարությամբ Երևանի մարզահրաձգային ակումբում սկսել է զբաղվել հրաձգությամբ։ Եղել է Հայկական ԽՍՀ հավաքականի անդամ։
1990-ին ընդունվել է Լվովի ֆիզիկական կուլտուրայի պետական ինստիտուտ, շուտով դարձել է Ուկրաինական ԽՍՀ և ԽՍՀՄ հավաքականների անդամ։ 1995 թ., բուհն ավարտելուց հետո, զորակոչվել է Ուկրաինայի զինված ուժեր (ծառայությունն անցել է մարզական վաշտում), որտեղ շարունակում է ծառայել մինչ օրս (2008-ին ստացել է Ուկրաինայի սահմանային զորքերի ավագ լեյտենենտի կոչում)։ 1997-ին տեղափոխվել է Սիմֆերոպոլ, որտեղ սկսել է մարզվել Վադիմ Կլիմենկոյի ղեկավարությամբ, դարձել է Ղրիմի հանրապետական «Դինամո» մարզական ընկերության անդամ։ Ներկայիս մարզիչն է Նինա Կլիմենկոն։
Մարզական նվաճումներ
[խմբագրել | խմբագրել կոդը]- 1993 - Եվրոպայի առաջնություն (Բռնո) - 3-րդ տեղ
- 1994 - աշխարհի առաջնություն (Միլան) - 1-ին և 2-րդ տեղեր թիմային հաշվարկում
- 1998 - աշխարհի առաջնություն (Բարսելոն) - 1-ին տեղ թիմային հաշվարկում
- 1998 - աշխարհի գավաթի փուլ (Բուենոս Այրես) - 1-ին տեղ
- 1999 - Եվրոպայի առաջնություն (Արնհեմ) - 1-ին տեղ թիմային հաշվարկում
- 1999 - Եվրոպայի առաջնություն (Բորդո) - 1-ին տեղ թիմային հաշվարկում, 3-րդ տեղ անհատական հաշվարկում
- 2000 - աշխարհի գավաթի փուլ (Միլան) - 1-ին տեղ անհատական հաշվարկում
- 2000 - աշխարհի գավաթի փուլ (Մյունխեն) - 2-րդ տեղ անհատական հաշվարկում
- 2000 - XXVII ամառային օլիմպիական խաղեր (Սիդնեյ) - 5-րդ տեղ անհատական հաշվարկում
- 2004 - XXVIII ամառային օլիմպիական խաղեր (Աթենք) - 7-րդ տեղ անհատական հաշվարկում
- 2007 - Եվրոպայի առաջնություն - 3-րդ տեղ անհատական հաշվարկում
- 2008 - XXIX ամառային օլիմպիական խաղեր (Պեկին) - 1-ին տեղ անհատական հաշվարկում 50 մ պառկած վարժությունում։ Արդեն որակավորման փուլում Այվազյանը ցույց տվեց առաջաին արդյունքը՝ 599 միավոր 600 հնարավորից, իսկ եզրափակիչ կրակահերթում վաստակեց 103, 7 միավոր (ընդամենը՝ 702, 7)։
Արտաքին հղումներ
[խմբագրել | խմբագրել կոդը]- Արթուր Այվազյան. «Սպասվածին երեք տարի՞ են սպասում»
- Արթուր Այվազյան. «Չեմ կարող ապրել առանց բորշչի»(չաշխատող հղում)
- Արթուր Այվազյանը երկրորդ ոսկին է պարգևում Ուկրաինային(չաշխատող հղում)
- Ղրիմի ականավոր մարզիկները(չաշխատող հղում)
- Ղրիմցի դինամոյական Արթուր Այվազյանը դարձավ օլիմպիական չեմպիոն(չաշխատող հղում)
- Արթուր Այվազյան(չաշխատող հղում)
- Արթուր Այվազյան
- Արթուր Այվազյանի հարցազրույցը
|
