Աղջիկները կամրջի վրա

Աղջիկները կամրջի վրա;
տեսակ	կտավների խումբ
նկարիչ	Էդվարդ Մունկ
տարի	1901
բարձրություն	83 սանտիմետր
հատվածն է	Աղջիկները կամրջի վրա, Աղջիկները կամրջի վրա, The Girls on the Bridge?, The Girls on the Bridge?, The Girls on the Bridge?, The Girls on the Bridge? և Girls on the Pier?
	Ծանոթագրություններ;

«Աղջիկները կամրջի վրա» (նորվ.՝ Pikene på broen), նկարների շարք, որը ստեղծել է նորվեգացի նկարիչ-էքսպրեսիանիստ Էդվարդ Մունկը 1900-ական թվականների առաջին կեսն ընկած ժամանակահատվածում։ Նկարներում պատկերված են կամուրջին կանգնած և գետին նայող երեք աղջիկներ։ Նկարաշարի առաջին ստեղծագործությունը պահպանվում և ցուցադրվում է Օսլոյի արվեստի, ճարտարապետության և դիզայնի ազգային թանգարանում (1899 կամ 1901 թվականներին վրձնած)^[1]։

Ստեղծման պատմություն

«Աղջիկները կամրջի վրա» կտավի առավել վաղ տարբերակները Էդվարդ Մունկը վրձնել է հընթացս 1900- 1901 թվականներին, երբ գտնվում էր իր շատ սիրելի Օսգորստրաննե քաղաքում։ Այստեղ նկարիչը ամեն ամառ անցկացնում էր իր հանգիստը^[2]։ Հենց Օսգորստրաննեում Մունկը վերականգնեց ֆիզիկական և հոգեբանական քայքայված առողջությունը Տուլլա Լարսենի հետ անհաջող սիրավեպից հետո։ Լիովին ապաքինվելով` նկարիչն անցավ ակտիվ աշխատանքային գործունեության^[1]^[2]։ Առաջին ուրվանկարները հեղինակն արել է տեղի դպրոցի աղջիկների հետ, որոնք խաղում էին կամրջի վրա։ Մունկը խնդրեց նրանց, որ միաշարք կանգնեն կամրջի ճաղաշարի մոտ, որպեսզի սկսի ուրվագծել^[2]։

Նկարագիր

«Աղջիկները կամրջի վրա» ստեղծագործության առաջին տարբերակում աղջինկերը կանգնած են թիկունքով դեպի հեղինակը և հայացքով դեպի ճաղաշարը։ Մյուս տարբերակներում նրանք պատկերված են կամրջի կենտրոնում հակառակ դիրքով՝ հայացքով դեպի նկարիչը։ Գոյություն ունի նկարի մի տարբերակ, որտեղ պատկերված է Մունկի ընկերուհին՝ Օսե Նյորրեգորը^[2]^[3]։ Կոմպոզիցիոն առումով նկարը մոտ է «Ճիչ» ստեղծագործությանը. այստեղ նույնպես կիրառված է հեղինակի սիրելի ոճը՝ անհետացող ճանապարհներ ու գծեր։ «Աղջիկները կամրջի վրա» կտավի խորքում միաձուլվում են, ինչպես որ «Ճիչում», ճանապարհը, կամուրջը և ճաղաշարը։ Այս նկարը փաստացիորեն նմանվում է «Ճիչ»-ի հայելային անդրադարձին։ Սակայն այս կտավում չկա տագնապն ու ընդգծված սարսափը. սա առավել գունեղ, կյանքով լեցուն կտավ է, ի հակադրություն Մունկի «Կյանքի ֆրիզ» ժամանակահատվածի շատ նկարների^[2]։

Ի տարբերություն Էդվարդ Մունկի առավել վաղ ստեղծած շատ նկարների, «Աղջիկները կամրջի վրա» ստեղծագործությունը արվեստագետների, քննադատների և հանդիսատեսի կողմից արժանացավ դրական ընդունելության^[2]։

Նկարի տարբերակներից մեկը հեղինակը հատուկ վրձնել է փարիզյան «Անկախների սալոն»-ի (1903 թվական) համար։ Այդտեղից կտավը գնեց ռուս արդյունաբերող, հավաքորդ Միխայիլ Աբրամովիչ Մորոզովը։ Ներկա պահին այդ կտավը պահպանվում և ցուցադրվում է Մոսկվայի Պուշկինի անվան Կերպարվեստի թանգարանում^[1]^[4]։

Պատկերասրահ

«Kimberley Art Museum» թանգարանում պահպանվող տարբերակը
Վալռաֆ-Ռիխարցի թանգարանում պահպանվող տարբերակը, Քյոլն
Փորագրություն
Վիմագրություն

Տես նաև

Ծանոթագրություններ

↑ ^1,0 ^1,1 ^1,2 «Мунк от А до Я на сайте Норвегии в Росси». Արխիվացված է օրիգինալից 2014 թ․ փետրվարի 9-ին. Վերցված է 2016 թ․ նոյեմբերի 7-ին.
↑ ^2,0 ^2,1 ^2,2 ^2,3 ^2,4 ^2,5 Атле Нэсс. Эдвард Мунк: Биография художника. Издательство «Весь Мир», 2007
↑ Ульрих Бишофф. Эдвард Мунк. TASCHEN/Арт-родник, 2008
↑ «Эдвард Мунк. Белая ночь. Осгардстран (Девушки на мосту), 1902—1903» (HTML). Галерея искусства стран Европы и Америки XIX—XX веков. ГМИИ имени А.С. Пушкина — www.newpaintart.ru. Վերցված է 29.06.2014-ին.

Գրականություն

Stephen Farthing: 1001 Schilderijen die je gezien moet hebben. Librero, 2012, blz. 545. ISBN 978-90-8998-209-4
Ulrich Bischoff: Edvard Munch. Images of life and death. Taschen, Keulen, 2011. ISBN 978-3-8228-5971-1

Արտաքին հղումներ

(անգլերեն)Het schilderij op de website van het Nationaalmuseum Արխիվացված 2016-03-04 Wayback Machine
(անգլերեն)Artikel over de locatie van het schilderij
(անգլերեն)Het schilderij op EdvardMunch.org
(անգլերեն)Analyse van Meisjes op de pier-versies Արխիվացված 2015-03-02 Wayback Machine

[norwaymunch-1] 1,0 ^1,1 ^1,2 «Мунк от А до Я на сайте Норвегии в Росси». Արխիվացված է օրիգինալից 2014 թ․ փետրվարի 9-ին. Վերցված է 2016 թ․ նոյեմբերի 7-ին.

[ness-2] 2,0 ^2,1 ^2,2 ^2,3 ^2,4 ^2,5 Атле Нэсс. Эдвард Мунк: Биография художника. Издательство «Весь Мир», 2007

[3] Ульрих Бишофф. Эдвард Мунк. TASCHEN/Арт-родник, 2008

[gmii3-4] «Эдвард Мунк. Белая ночь. Осгардстран (Девушки на мосту), 1902—1903» (HTML). Галерея искусства стран Европы и Америки XIX—XX веков. ГМИИ имени А.С. Пушкина — www.newpaintart.ru. Վերցված է 29.06.2014-ին.

[1]

[2]

[3]

[4]