Աղջիկները կամրջի վրա
 | |
|---|---|
 | |
| տեսակ | կտավների խումբ |
| նկարիչ | Էդվարդ Մունկ |
| տարի | 1901 |
| բարձրություն | 83 սանտիմետր |
| հատվածն է | The Girls on the Bridge?, Աղջիկները կամրջի վրա, The Girls on the Bridge?, The Girls on the Bridge?, The Girls on the Bridge?, The Girls on the Bridge? և The Girls on the Bridge? |
Ծանոթագրություններ | |
«Աղջիկները կամրջի վրա» (նորվ.՝ Pikene på broen), նկարների շարք, որը ստեղծել է նորվեգացի նկարիչ-էքսպրեսիանիստ Էդվարդ Մունկը 1900-ական թվականների առաջին կեսն ընկած ժամանակահատվածում։ Նկարներում պատկերված են կամուրջին կանգնած և գետին նայող երեք աղջիկներ։ Նկարաշարի առաջին ստեղծագործությունը պահպանվում և ցուցադրվում է Օսլոյի արվեստի, ճարտարապետության և դիզայնի ազգային թանգարանում (1899 կամ 1901 թվականներին վրձնած)[1]։
Ստեղծման պատմություն[խմբագրել | խմբագրել կոդը]
«Աղջիկները կամրջի վրա» կտավի առավել վաղ տարբերակները Էդվարդ Մունկը վրձնել է հընթացս 1900- 1901 թվականներին, երբ գտնվում էր իր շատ սիրելի Օսգորստրաննե քաղաքում։ Այստեղ նկարիչը ամեն ամառ անցկացնում էր իր հանգիստը[2]։ Հենց Օսգորստրաննեում Մունկը վերականգնեց ֆիզիկական և հոգեբանական քայքայված առողջությունը Տուլլա Լարսենի հետ անհաջող սիրավեպից հետո։ Լիովին ապաքինվելով` նկարիչն անցավ ակտիվ աշխատանքային գործունեության[1][2]։ Առաջին ուրվանկարները հեղինակն արել է տեղի դպրոցի աղջիկների հետ, որոնք խաղում էին կամրջի վրա։ Մունկը խնդրեց նրանց, որ միաշարք կանգնեն կամրջի ճաղաշարի մոտ, որպեսզի սկսի ուրվագծել[2]։
Նկարագիր[խմբագրել | խմբագրել կոդը]
«Աղջիկները կամրջի վրա» ստեղծագործության առաջին տարբերակում աղջինկերը կանգնած են թիկունքով դեպի հեղինակը և հայացքով դեպի ճաղաշարը։ Մյուս տարբերակներում նրանք պատկերված են կամրջի կենտրոնում հակառակ դիրքով՝ հայացքով դեպի նկարիչը։ Գոյություն ունի նկարի մի տարբերակ, որտեղ պատկերված է Մունկի ընկերուհին՝ Օսե Նյորրեգորը[2][3]։ Կոմպոզիցիոն առումով նկարը մոտ է «Ճիչ» ստեղծագործությանը. այստեղ նույնպես կիրառված է հեղինակի սիրելի ոճը՝ անհետացող ճանապարհներ ու գծեր։ «Աղջիկները կամրջի վրա» կտավի խորքում միաձուլվում են, ինչպես որ «Ճիչում», ճանապարհը, կամուրջը և ճաղաշարը։ Այս նկարը փաստացիորեն նմանվում է «Ճիչ»-ի հայելային անդրադարձին։ Սակայն այս կտավում չկա տագնապն ու ընդգծված սարսափը. սա առավել գունեղ, կյանքով լեցուն կտավ է, ի հակադրություն Մունկի «Կյանքի ֆրիզ» ժամանակահատվածի շատ նկարների[2]։
Ի տարբերություն Էդվարդ Մունկի առավել վաղ ստեղծած շատ նկարների, «Աղջիկները կամրջի վրա» ստեղծագործությունը արվեստագետների, քննադատների և հանդիսատեսի կողմից արժանացավ դրական ընդունելության[2]։
Նկարի տարբերակներից մեկը հեղինակը հատուկ վրձնել է փարիզյան «Անկախների սալոն»-ի (1903 թվական) համար։ Այդտեղից կտավը գնեց ռուս արդյունաբերող, հավաքորդ Միխայիլ Աբրամովիչ Մորոզովը։ Ներկա պահին այդ կտավը պահպանվում և ցուցադրվում է Մոսկվայի Պուշկինի անվան Կերպարվեստի թանգարանում[1][4]։
Պատկերասրահ[խմբագրել | խմբագրել կոդը]
-
«Kimberley Art Museum» թանգարանում պահպանվող տարբերակը
-
Վալռաֆ-Ռիխարցի թանգարանում պահպանվող տարբերակը, Քյոլն
-
Փորագրություն
-
Վիմագրություն
_On_the_Bridge_1912._Hand_colored_lithograph_on_laid_paper_15.75_x_20_7_8.jpg)
Տե՛ս նաև[խմբագրել | խմբագրել կոդը]
Գրականություն[խմբագրել | խմբագրել կոդը]
- Stephen Farthing: 1001 Schilderijen die je gezien moet hebben. Librero, 2012, blz. 545. ISBN 978-90-8998-209-4
- Ulrich Bischoff: Edvard Munch. Images of life and death. Taschen, Keulen, 2011. ISBN 978-3-8228-5971-1
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Мунк от А до Я на сайте Норвегии в Росси»։ Արխիվացված է օրիգինալից 2014-02-09-ին։ Վերցված է 2016-11-07
- ↑ 2,0 2,1 2,2 2,3 2,4 2,5 Атле Нэсс. Эдвард Мунк: Биография художника. Издательство «Весь Мир», 2007
- ↑ Ульрих Бишофф. Эдвард Мунк. TASCHEN/Арт-родник, 2008
- ↑ «Эдвард Мунк. Белая ночь. Осгардстран (Девушки на мосту), 1902—1903» (HTML)։ Галерея искусства стран Европы и Америки XIX—XX веков։ ГМИИ имени А.С. Пушкина — www.newpaintart.ru։ Վերցված է 29.06.2014
Արտաքին հղումներ[խմբագրել | խմբագրել կոդը]
- (անգլերեն)Het schilderij op de website van het Nationaalmuseum Archived 2016-03-04 at the Wayback Machine.
- (անգլերեն)Artikel over de locatie van het schilderij
- (անգլերեն)Het schilderij op EdvardMunch.org
- (անգլերեն)Analyse van Meisjes op de pier-versies Archived 2015-03-02 at the Wayback Machine.
|
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Աղջիկները կամրջի վրա կատեգորիայում։ |