Ալյոխինի հուշամրցաշար 2013

մարզական մրցաշարի խաղարկություն
Երկիր	Ռուսաստան
Վարչատարածքային միավոր	Սանկտ Պետերբուրգ
Թվական	2013
Սկսած	20 Ապրիլի 2013
Ավարտված	2 Մայիսի 2013
Մասնակիցների թիվը	10

Ալյոխինի հուշամրցաշար 2013, շախմատի միջազգային մրցաշար, որն անցկացվել է 2013 թվականի ապրիլի 20-ից մայիսի 2-ին Փարիզում և Սանկտ Պետերբուրգում։ Մրցաշարի առաջին հատվածը կայացավ Լուվրում, իսկ երկրորդը՝ Պետական ռուսական թանգարանի Միխայլովյան դղյակում։ Համաձայն մամուլի տվյալների՝ մրցանակային հիմնադրամը 100 000 եվրո էր^[1]։ Մրցաշարի հաղթողն է Հայաստանի շախմատային առաջատար Լևոն Արոնյանը։

Մրցաշարն անցկացնելու գաղափար

Ռուս շախմատիստ, աշխարհի 4-րդ չեմպիոն Ալեքսանդր Ալյոխինի հիշատակին նվիրված այս մրցաշարն անցկացվում էր Ֆրանսիայի և Ռուսաստանի մշակութային և մարզական կապերն ամրապնդելուն ուղղված նախաձեռնությունների համալիրի շրջանակում^[2]։ Փարիզի և Սանկտ Պետերբուրգի ընտրությունը պատահական չէ. Ռուսաստանում ծնված Ալյոխինը 1931-ին բնակության է տեղափոխվել Ֆրանսիա^[3], իսկ Սանկտ Պետերբուրգում սկսվել է նրա շախմատային կարիերան^[4]։

Մամուլի ասուլիսը, բացման արարողությունը և մրցաշարի վիճակահանությունը կայացան Լուվրի Թյուիլրի այգում, ապրիլի 20-ին^[5]։ Վիճակահանությամբ Արոնյանին բաժին է հասել 9-րդ համարը։

Մրցաշարը 20-րդ կարգի էր (միջին վարկանիշը՝ 2750)։

Մասնակիցներ

¹) վարկանիշերը տրված են 2013-ի ապրիլի 1-ի դրությամբ

Գլխավոր մրցավար` միջազգային կարգի մրցավար Բորիս Պոստովսկի (ԱՄՆ)։

Կանոնակարգ

Միավորների հավասարության դեպքում տեղերը բաշխվում էին հետևյալ լրացուցիչ չափանիշներով.

սև խաղաքարերով խաղացած պարտիաների քանակ
ավելի շատ հաղթանակներ
անձնական պարտիայի արդյունք
Կոյի գործակից
Բերգերի գործակից

Մրցաշարային աղյուսակ

№	Մասնակից	Երկիր	1	2	3	4	5	6	7	8	9	10	+	−	=	Միավոր	Տեղ
1	Մաքսիմ Վաշիե-Լագրավ	Ֆրանսիա		1	½	½	1	½	½	0	0	½	2	2	5	4,5	4-8
2	Դին Լիժեն	Չինաստան	0		½	0	½	0	½	½	1	½	1	3	5	3,5	9
3	Վլադիմիր Կրամնիկ	Ռուսաստան	½	½		½	½	½	1	1	0	0	2	2	5	4,5	4-8
4	Վիշվանաթան Անանդ	Հնդկաստան	½	1	½		½	½	0	½	½	1	2	1	6	5	3
5	Պյոտր Սվիդլեր	Ռուսաստան	0	½	½	½		½	0	½	0	½		3	6	3	10
6	Բորիս Գելֆանդ	Իսրայել	½	1	½	½	½		1	½	½	½	2		7	5,5	2
7	Մայքլ Ադամս	Անգլիա	½	½	0	1	1	0		½	½	½	2	2	5	4,5	4-8
8	Նիկիտա Վիտյուգով	Ռուսաստան	1	½	0	½	½	½	½		½	½	1	1	7	4,5	4-8
9	Լևոն Արոնյան	Հայաստան	1	0	1	½	1	½	½	½		½	3	1	5	5,5	1
10	Լորան Ֆրեսինե	Ֆրանսիա	½	½	1	0	½	½	½	½	½		1	1	7	4,5	4-8