Ջեսիքա Էն Նյուհեմ (անգլ.՝ Jessica Anne Newham; հոկտեմբերի 5, 1991(1991-10-05), Սիդնեյ, Ավստրալիա), առավել հայտնի է Betty Who բեմական կեղծանվամբ, ավստրալիացի երգչուհի և երգերի հեղինակ[2]։ Իր դեբյուտային սինգլը՝ «Somebody Loves You»-ն (2012)[3][4][5] և «The Movement» (2013)[6]մինի ալբոմը, ինքնուրույն թողարկելուց հետո նա պայմանագիր է կնքել RCA Records-ի հետ[7][8] և 2014 թվականին թողարկել իր առաջին՝ «Take Me When You Go» ստուդիական ալբոմը[9][10][11]։ Նրա երկրորդ ստուդիական ալբոմը՝ «The Valley»-ը (2017), առևտրային հաջողության է հասել «I Love You Always Forever» երգի իր քավեր տարբերակի շնորհիվ, որը ընդգրվել է Ավստրալիայի հիթ-շքերթի լավագույն տասնյակում և Billboard Dance Club Songs հիթ-շքերթում ԱՄՆ-ում։
Ջեսիքա Էն Նյուհեմը ծնվել է ԱվտսրալիայիՍիդնեյ քաղաքում, որտեղ ապրել է մինչև պատանեկության տարիները[9]։ 4 տարեկան հասակից թավջութակ պարապելուց հետո, 2007 թվականին նա տեղափոխվել է ԱՄՆ՝ Միչիգանի Interlochen Center for the Arts-ն ընդունվելու համար։
Նյուհեմը նաև սովորել է դաշնամուր և կիթառ նվագել, 14 տարեկանում գրել է իր առաջին երգերը և 2 տարի անց սկսել է հանդես գալ որպես երգիչ և երգերի հեղինակ[12]։ Նրա բեմական կեղծանունը գալիս է 16 տարեկանում անպատասխան սիրո մասին գրված երգի անվանումից[13]։
Սիդնեյի Ascham դպրոցից հետո Նյուհեմը հաճախել է Բոստոնի Berklee College of Music-ը, սովորելով երգիչ և երգերի հեղինակ Չարլի Փութի հետ[12]։ Այնտեղ նա հանդիպել է պրոդյուսեր Փիթեր Թոմասին, ով նույնպես հաճախում էր Berklee-ն։ Թոմասն առաջարկել է Նյուհեմի երաժշտությունը համատեղել երազկոտ արտադրության ոճի հետ։ Նրանք սկսել են նոր նյութեր գրել միասին և զարգացրել են Նյուհեմի ձայնը հաջորդ երկու տարիների ընթացքում[9]։
2014 թվականին Who-ն սկսել է հանդիպել լուսանկարիչ Զաք Քասարի՝ ռեժիսոր և պրոդյուսեր Ջոն Քասարի որդու հետ։ Զույգը հայտարարել է նշանադրության մասին 2017 թվականի նոյեմբերի 21-ին[14]։