Ֆրից Մելբի

Վիքիպեդիայից՝ ազատ հանրագիտարանից
Jump to navigation Jump to search
Ֆրից Մելբի
Portræt af maleren Fritz Melbye.jpg
Մելբին նկարված Կամիլ Պիսսարոյի կողմից, 1857 թվականին
Ի ծնեՖրից Սիգֆրեդ Ջորջ Մելբի
Ծնվել էՕգոստոսի 24, 1826 թվական
ԾննդավայրՀելսինգյոր, Դանիա
Վախճանվել էԴեկտեմբերի14, 1869 թվական 43 տարեկան
Մահվան վայրՇանհայ, Չինաստան
ԱզգությունԴանիացի
ՔաղաքացիությունFlag of Venezuela (1811).svg Վենեսուելա
ԿրթությունԱնտոն Մելբիի մոտ
Մասնագիտություննկարիչ
Ոճռոմանտիզմ
Ժանրռոմանտիզմ
ՈւսուցիչAnton Melbye?
ԱշակերտներԿամիլ Պիսսարո
Fritz Melbye Վիքիպահեստում

Ֆրից Սիգֆրեդ Ջորջ Մելբի (օգոստոսի 24, 1826(1826-08-24)[3][4][5], Դրամեն, Նորվեգիա - դեկտեմբերի 14, 1869(1869-12-14)[1][2], Շանհայ, Սոնցզյան, Ցզյանսու, Ցին կայսրություն), դանիացի ծովանկարիչ, ծովանկարիչներ Անտոն Մելբիի և Վիլհելմ Մելբիի եղբայրը։ Նա լայնորեն ճանապարհորդում էր՝ նկարելով ծովանկարներ, ափամերձ և նավահանգիստային տեսարաններ, ինչպես նաև որոշ լանդշաֆտներ Եվրոպայում, Կարիբյան ավազանում, Վենեսուելայում, Հյուսիսային Ամերիկայում և Ասիայում։

Կենսագրություն[խմբագրել | խմբագրել կոդը]

Ֆրից Մելբին ծնվել է 1826 թվականի օգոստոսի 24-ին Դանիայի Հելսինգյոր քաղաքում։ Նա նկարել սովորել է ավագ եղբոր՝ Անտոն Մելբիի մոտ, և 1849 թվականին ճանապարհ ընկել Դանիական Անտիլյան կղզիներ ՝ բնակություն հաստատելով Սուրբ Թոմասում[6]։ Այնտեղ նա ծանոթացավ երիտասարդ Կամիլ Պիսսարոյի հետ, ում ոգեշնչեց զբաղվել նկարչությամբ՝ որպես լրիվ դրույքով մասնագիտություն։ Պիսսարոն դարձավ նրա աշակերտը, ինչպես նաև մտերիմ ընկերը[7]։

Կամիլ Պիսսարո. Մելբին և Պիսսարոն Կարարակասի իրենց արհեստանոցում, 1854 թվականին

1852 թվականի ապրիլին Մելբին գտնվում էր Սենթ-Կրուայում և պատրաստվում էր ճանապարհորդություն դեպի Վենեսուելա։ Պիսսարոն որոշեց միանալ նրան, և նախքան Պիսսարոյի Սենթ Թոմաս վերադառնալը նրանք երկու տարի միասին անցկացրեցին Կարակասում և Լա Գուայրա նավահանգստային քաղաքում։ Մելբին այնտեղ մնաց մինչև 1856 թվականը, այնուհետև կարճ ժամանակով վերադարձավ Եվրոպա՝ որոշ ժամանակ ապրելով Փարիզում, մինչ կմեկներ Հյուսիսային Ամերիկա, որտեղ Նյու Յորք քաղաքում արվեստանոց հիմնեց[8]։

Նա շարունակում էր լայնորեն ճանապարհորդել՝ հիմնականում Կարիբյան ծովում, բայց նաև հյուսիս՝ դեպի Նյուֆաունդլենդ։ Նյու Յորքի մտերիմ ընկերը և Կարիբյան ծովում իր ճանապարհորդությունների հաճախակի ուղեկիցը ամերիկացի հայտնի բնանկարիչ Ֆրեդերիկ Չըրչն էր, ով նաև արվեստանոց ուներ Նյու Յորքում։

1866 թվականին Մելբին ճանապարհորդեց դեպի Հեռավոր Արևելք՝ որոնելու նոր արկածներ, թողնելով իր արվեստանոցը Եկեղեցու հոգածության ներքո։ Ասիայում նա օգտագործում էր Պեկինը որպես հիմք՝ շրջակայքում ճանապարհորդությունների համար, ինչը նրան տանում էր նաև Ճապոնիա։ Նա մահացավ Շանհայում երեք տարի անց։

Աշխատությունները[խմբագրել | խմբագրել կոդը]

Սկզբում Ֆրից Մելբին ծովանկարներ էր նկարում ընտանեկան ավանդույթի համաձայն, ինչպես եղբայրը սովորեցրել էր իրեն, բայց նա աստիճանաբար շրջվում էր դեպի լանդշաֆտները, ափամերձ և քաղաքային տեսարանները։ Նա նախընտրում էր իրատեսական ոճը՝ հաճախ ռոմանտիկ տեսարաններով։ 1849-1858 թվականներին ցուցահանդես է անցկացրել Կոպենհագենի Շառլոթենբորգ ամրոցում։

Պեկինում նրան հանձնարարեցին նկարել Կայսերական ամառային պալատը, իսկ Ամերիկայում գտնվելու տարիներին նա ցուցահանդես ունեցավ Փենսիլվանիայի գեղարվեստի ակադեմիայում[9]։

Պատկերասրահ[խմբագրել | խմբագրել կոդը]


Ծանոթագրություններ[խմբագրել | խմբագրել կոդը]

  1. 1,0 1,1 Den Store Danske Encyklopædi (դան.) — 1994.
  2. 2,0 2,1 Kunstindeks Danmark (դան.)
  3. Benezit Dictionary of Artists — 2006. — ISBN 978-0-19-977378-7
  4. RKDartists
  5. Artists of the World Online, Allgemeines Künstlerlexikon Online (գերմ.) / Hrsg.: A. Beyer, B. SavoyB: K. G. Saur Verlag, Verlag Walter de Gruyter. — doi:10.1515/AKL
  6. «Fritz Melbye»։ Gyldendal։ Վերցված է 2010-10-05 
  7. «Exhibition»։ St. Thomas Synagogue։ Արխիվացված է օրիգինալից 2007-01-06-ին։ Վերցված է 2010-10-05 
  8. "Fritz Melbye - biografi". Kunstindeks Danmark. Retrieved 2010-10-05.
  9. "Fritz Melbye". fineartemporium.com. Retrieved 2010-10-06.