Քևին Ռոչ

Վիքիպեդիայից՝ ազատ հանրագիտարանից
Jump to navigation Jump to search
Քևին Ռոչ
Kevin-Roche.jpg
Ծնվել է հունիսի 14, 1922(1922-06-14)[1][2] (96 տարեկան)
Ծննդավայր Դուբլին, Leinster, Իռլանդիա
Կրթություն Դուբլինի համալսարանական քոլեջ և Իլինոյսի տեխնոլոգիայի ինստիտուտ
Ուշագրավ աշխատանքներ Bank of America Plaza
Պարգևներ Ճարտարապետների ամերիկյան ինստիտուտի ոսկե մեդալ, Twenty-five Year Award, American Academy of Arts and Letters Gold Medals և Պրիցկերի ճարտարապետական մրցանակ
Kevin Roche Վիքիպահեստում

Քևին Ռոչ (անգլ.՝ Kevin Roche, հունիսի 14, 1922(1922-06-14)[1][2], Դուբլին, Leinster, Իռլանդիա), իռլանդական ծագումով ամերիկացի ճարտարապետ: Պրիցկերի ճարտարապետական մրցանակի մրցանակակիր է (1982):

Կենսագրություն[խմբագրել | խմբագրել կոդը]

Ծնվել է 1922 թվականին Դուբլինում: 1945 թվականին ավարտել է Դուբլինի համալսարանական քոլեջը, որոշ ժամանակ աշխատել է Լոնդոնում: 1948 թվականին Ռոչը մեկնել է ԱՄՆ, որպեսզի բարձրացնի որակավորումը Իլինոյսի տեխնոլոգիական ինստիտուտում, որտեղ այդ ժամանակ դասավանդում էր Լյուդվիգ Միս վան դեր Ռոեն: 1950 թվականին Էերո Սաարինեն ուշադրություն է դարձնում երիտասարդ ճարտարապետի վրա և նրան հրավիրում իր գրասենյակ: 1954 թվականից Ռոչը դառնում է Սաարինենի ընկերության համագործակիցը` այդ ժամանակվանից մասնակցություն ունենալով իր ավագ ընկերոջ մի շարք նախագծերում: Սաարինենի մահից հետո Ռոչն ավարտին է հասցնում նրա կիսատ գործերը, այդ թվում` Արևմուտքի դարպասների կամարը, Քենեդիի անվան օդանավակայանի սպասասրահը, Դալեսի անվան օդանավակայանի գլխավոր շենքը:

1966 թվականին «Սաարինե և ընկերներ» բյուրոյի հիմքի վրա ստեղծվում է «Ռոչ և Դինկելոո» ընկերությունը: Առաջին խոշոր պատվերն է դառնում Կալիֆորնիայի թանգարանը Օքլենդում: Սակայն Ռոչին ավելի շատ հռչակ է բերում «Ֆորդի ֆոնդի» մանհեթենյան գրասենյակը, որը ատրիում ճարտարապետության վառ օրինակ է: Աշխատասենյակները տեղակայված էին մեծ այգու հարևանությամբ գտնվող 12 հարկերում[3]:

Հետագայում Ռոչը նախագծել է ևս մի քանի ինքնատիպ շինություն` «Կոլումբոսի ասպետների» 98-մետրանոց տունը Նյու Հեյվնում (1969), գրասենյակային Բուրգ համալիրը Ինդիանապոլսում (1972), «Bouygues» ընկերության գրասենյակը Ֆրանսիայում (1988), որը «ձյունաճերմակ, իսկապես կայսրական է իր մոնումենտալ թաղամասում»: Ճարտարապետի ուշ շրջանի գործերից են ԱՄՆ-ի բարձրագույն շինություններից մեկը` «Ամերիկա պլազա» բանկը Ատլանտայում (1992) և կոնֆերանս կենտրոնը Դուբլինում (2010), որն աչքի է ընկնում շուռ տված ապակե գլանով:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]