Դուբլինի համալսարանական քոլեջ
Դուբլինի համալսարանական քոլեջ | |
|---|---|
 | |
| Տեսակ | հասարակական համալսարան և հետազոտական համալսարան |
| Հիմնադրված է | 1854 |
| Անդամակցություն | Digital Preservation Coalition[1], Եվրոպայի համալսարանների միություն[2], ORCID[3] և Կոալիցիա հանուն հետազոտությունների գնահատման առաջխաղացման[4] |
| Երկիր |  Իռլանդիա |
| Տեղագրություն | Դուբլին |
| Կայք | ucd.ie(անգլ.) |
  Դուբլինի համալսարանական քոլեջ, Իռլանդիայի Հանրապետություն | |
 University College Dublin Վիքիպահեստում | |
Դուբլինի համալսարանական քոլեջ (իռլանդերեն՝ An Coláiste Ollscoile, Baile Átha Cliath), հետազոտական համալսարան Դուբլին քաղաքում։ Համալսարանում իրականացվում է 32 հազար ուսանողների ուսուցում, աշխատում են 500 դասախոսներ և աշխատակիցներ[5], ինչը վերջինիս դարձնում է Իռլանդիայի ամենամեծ ուսումնական հաստատությունը։ Հիմնադրվել է 1854 թվականին, որպես Իռլանդիայի Կաթոլիկ համալսարան, որպեսզի իռլանդացի կաթոլիկներին ապահովեր որակյալ կրթությամբ։ Ըստ 1908 թվականի «Irish Universities Act»-ի, այն դարձել է Իռլանդիայի ազգային համլսարանի մասը, և վերանվանվել է Դուբլինի համալսարանական քոլեջ։
Պատմություն
[խմբագրել | խմբագրել կոդը]Համալսարանը բացվել է 1854 թվականին «Իռլանդիայի Կաթոլիկ համալսարան» անվամբ։ Համալսարանի հիմնադրման հիմնական նպատակը կաթոլիկներին հասանելի բարձրագույն կրթությամբ ապահովելն էր` կաթոլիկ դասախոսների կողմից, քանի որ Տրինտի քոլեջը նախատեսված էր բողոքականների համար։ Համալսարանի առաջին ռեկտորը դարձել է կարդինալ Ջոն Գենրի Նյումենը։ Լինելով մասնավոր ուսումնական հաստատություն, կաթոլիկ համալսարանը կրում էր ինչպես ծանր ֆինանսական խնդիրներ, այնպես էլ ֆորմալ բնույթի խնդիրներ, կապված դիպլոմների տրամադրման հետ։
1880 թվականին հիմնադրվել է Իռլանդիայի թագավորական համալսարանը, վերաձևակերպված Կաթոլիկ համալսարանը ընդգրկվել է վերջինիս կազմի մեջ, որպես Դուբլինի համալսարանական քոլեջ։ 19-րդ դարի վերջին և 20-րդ դարի սկզբին քոլեջը ծաղկման շրջան է ապրել. ուսանողների և դասախոսների կազմու էին` Ջերալդ Մոնլի Հոպկինսը և Ջեյմս Ջոյսը, այնտեղ սովորել են ազգային վերածննդի և անկախության համար պայքարի շատ գործիչներ, այդ թվում` Պատրիկ Պիրսը, Դուգլաս Խայդը, Ջոն Կոստելոն։ Ուսանողներն ու դասախոսները մասնակցել են Իռլանդական ապստամբությանը, 1919-1922-ական թվականներին իռլանդական առաջին խորհրդարանի նիստերը անցկացվել են համալսարանի շենքում։
1940-ական թվականներին, Համալսարանական քոլեջը դարձել է Իռլանդիայի խոշոր ուսումնական հաստատությունը։ 1960-ական թվականներին, քոլեջին նոր տարածք է հատկացվել Դուբլինի մերձակայքում` Բելֆիլդում։ 2006 թվականին հայտարարվել է համալսարանական շենքերի մասշտաբային վերակառուցման մասին։
Ավանդաբար, համալսարանի շրջանավարները նշանավոր տեղ են զբաղեցնում քաղաքական կյանքում։ Իռլանդիայի 8 նախագահներից 4-ը և 12 վարչապետներից 6-ը Համալսարանական քոլեջի շրջանավարտներն էին։ Հայտնի գրողներից, ովքեր ավարտել են քոլեջը` Ֆլեն Օ'Բրայեն և Մեյվ Բինչի։ Հայտնի գիտնականներից էր Պիտեր Մեյնը։
Քոլեջներ
[խմբագրել | խմբագրել կոդը]- College of Arts & Celtic Studies
- College of Business & Law Արխիվացված 2008-12-14 Wayback Machine
- College of Engineering, Mathematical & Physical Sciences Արխիվացված 2017-02-24 Wayback Machine
- College of Human Sciences
- College of Life Sciences
Ծանոթագրություններ
[խմբագրել | խմբագրել կոդը]- ↑ https://dpconline.org/about/members
- ↑ https://eua.eu/about/member-directory.html
- ↑ https://web.archive.org/web/20231020113811/https://orcid.org/members
- ↑ https://web.archive.org/web/20231109092552/https://coara.eu/coalition/membership/
- ↑ «University College Dublin - UCD by Numbers». www.ucd.ie. Վերցված է 2016 թ․ փետրվարի 3-ին.
Արտաքին հղումներ
[խմբագրել | խմբագրել կոդը]- www.ucd.ie
- Դուբլինի համալսարանական քոլեջ(ռուս.) The Academic Advisor
 | Վիքիպահեստն ունի նյութեր, որոնք վերաբերում են «Դուբլինի համալսարանական քոլեջ» հոդվածին։ |
| ||||||||||||||||||||||||
