Տրոշելի խխունջ

Տրոշելի խխունջ
Դասակարգում
Թագավորություն	Կենդանիներ (Animalia)
Տիպ/Բաժին	Փափկամարմիններ (Mollusca)
Ենթատիպ	Conchifera
Դաս	Փորոտանիներ (Gastropoda)
Կարգ	Architaenioglossa
Ընտանիք	Բիթինիդներ (Bithyniidae)
Ցեղ	Bithynia
Տեսակ	Տրոշելի խխունջ (B. troschelii)
Միջազգային անվանում
Bithynia troschelii

Տրոշելի խխունջ (լատին․՝ Bithynia troscheli), բիթիդների ընտանիքին պատկանող փափկամարմին կենդանի։ Գրանցված է Հայաստանի Հանրապետության Կարմիր գրքում։

Նկարագրություն

8,5 մմ բարձրությամբ դեղնաեղջրագույն կրային կափարիչով խեցին բավականին լայն և բարձր կոնաձև է։

Տարածվածություն

Տարածված է Եվրոպայում, Արևմտյան Սիբիրում, Ղազախստանում, Կովկասում և Հայաստանում (Գեղարքունիքի մարզում, Մասրիկ գետ՝ Սևանա լիճ թափվելու հատվածում)։

Էկոլոգիա

Բնակվում են գետերի արագահոս ափամերձ շրջաններում։ Նստում են բույսերի ստորջրյա մասերի վրա։ Կենսաբանական առանձնահատկություններ հայտնի չեն։

Պահպանություն

Սառցային շրջանի ռելիկտ տեսակ է, որը բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ։ Թվաքանակի փոփոխություններ հայտնի չեն։

Տեսակին սպառնացող վտանգներից է Մասրիկ գետի հիդրոլոգիական ռեժիմի խախտումը և ջրի աղտոտումը։

Պահպանվում է «Սևան» ազգային պարկում։

Ծանոթագրություններ

Վիքիպահեստն ունի նյութեր, որոնք վերաբերում են «Տրոշելի խխունջ» հոդվածին։