Տանը մենակ 3, Ռեժիսոր Ռաջի Գոսնելի «Միայնակ տանը» ամերիկյան կատակերգության երրորդ սերիան։ Չնայած անվանմանը, սյուժեն կապված չէ առաջին երկու սերիաների հետ, այլ կապված է նրանց հետ ընդհանուր գաղափարով՝ տանը լի թակարդներով։
Միջազգային հանցագործներ Պիտեր Բոպրեն (հանցագործ խմբի գլխավորը), Էլիս Ռիբոնսը, Բերտոն Ջերնիգանը աշխատում են Հյուսիսային Կորեայիահաբեկիչների մոտ։ Նրանք գողանում են Հռթիռի համար նախատեսված միկրոսխեման, որի միջոցով կարելի է շրջանցել ցանկացած հակահռթիռային պաշտպանության համակարգ։ Օդանավակայանում խնդիրներ չունենալու համար նրանք թաքցնում են միկրոսխեման խաղալիք ավտոմեքենայի մեջ։ Բայց օդանավակայանում ուղևորներից մեկը՝ տիկին Խեսը, ով վերադառնոմ էր Չիկագո, շփոթում է փաթեթները, սխալմամբ վերցնելով ավոտոմեքենայի փաթեթը։ Վերադառնալով տուն նա տալիս է մեքենան իր հարևանին՝ ութ տարեկան Ալեքս Պրյուիտին, որպես աշխատավարձ իր տան առջևի ձյունը մաքրելու համար, ասելով որ սխալմամբ վերցրել է ուրիշի փաթեթը, իսկ իրենը իր սիրելի հացով թողել է Սան Ֆրանցիսկոյում («Վերցրու սա որպես աշխատավարձ, քանի որ սրանից հնարավոր չէ ուտելիք պատրաստել» - ասում է նա Ալեքսին)։ Որոշ ժամանակ անց պարզ է դառնում, որ Ալեքսը հիվանդացել է ջրծաղիկով և պետք է մնա տանը մի քանի օր։ Նրան մենակ մնալը անհետաքրքիր է, Մոլին ու Ստենը (նրա մեծ քույրն ու եղբայրը) ամբողջ օրը դպրոցում են, իսկ ծնողները ամբողջ օրը զբաղված են, անելու բան չունենալու պատճառով Ալեքսը իր խաղալիքհեռադիտակով սկսում է ուսումնասիրել այն ամենը, ինչ որ կատարվում է դրսում։ Իր ուսումնասիրությունների ժամանակ նա նկատում է հարևան տանը անծանոթ մեկին և միանգամից զանգահարում է ոստիկանություն։ Բայց երբ ոստիկանությունը գալիս է, տանը ոչ ոք չկա և ոչինչ գողացված չէ։ Ալեքսի ծնողները ինչպես նաև Մոլին և Ստենը շատ դժգոհ են նրա պահելաձևից և չեն հավատում նրա խոսքերին։ Ալեքսը չի կարողանում հասկանալ գողերի նպատակը, քանի որ նրանք մտնում են տվյալ տեղամասի բոլոր տները բայց ոչինչ չեն գողանում։ Գողերին հետևելու երրորդ փորձը կատարում է Ալեքսը, իր նոր խաղալիք ավտոմեքենայի և տեսագրության միջոցով։ Գողության ժամանակ գողերը նկատում են իրենց հետևող մեքենան և փորձում են վերցնել այն։ Նրանց հաջողվում է վերցնել տեսագրությունը, բայց հետո ամեն ինչ ավարտվում է բարեհաջող և մեքենան վերադառնում է Ալեքսի մոտ։ Խաղալով իր մկան` Դորիսի հետ Ալեքսը բարձրաձայն մտածում է. «Եթե գողերը վերցրել են տեսագրությունը, ուրեմն էլ ինչի համար էին փորձում վերցնել մեքենան, չէ որ նրա մեջ ոչ մի թանկարժեք բան չկա»։ Այս ամենից հետո նա բացում է մեքենան և գտնում է այնտեղ թաքնված միկրոսխեման։ Միկրոսխեմայի վրա կարդալով МО և BBCԱՄՆ անվանումները նա միանգամից զանգահարում է BBC ԱՄՆ գործակալություն և հայտնում է միկրոսխեմայի կոդը, որից հետո այդ տեղեկությունը հայտնվում է գաղտնի գործակալությունում։ Այդ ժամանակ գողերը արդեն հասկանում են, որ մեքենան Ալեքսի տանն է։ Ալեքսին պարզ է դառնում հանցագործների նպատակը և նա որոշում է պաշտպանել իրեն և իր տունը։ Նա ամեն տեղ պատրաստում է թակարդներ և գողերի՝ միկրոսխեման վերցնելու բոլոր փորձերը անցնում են անհաջող, ի վերջո նրանք հայտնվում են ոստիկանների ձեռքում։
ԱՄՆ
