Վիլիի շոգենավը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Վիլիի շոգենավը
Steamboat Willie
Steamboat Willie1928.jpg
Տեսակկարճամետրաժ մուլտիպլիկացիոն ֆիլմ
Ժանրերաժշտական ֆիլմ
Թեմանավարկելու արվեստ
ԿերպարներՄիկի Մաուս, Մինի Մաուս և Pete?
Հիմնված էSteamboat Bill Jr.?[1]
ՌեժիսորՈւոլթ Դիսնեյ[1][2] և Ub Iwerks?[2]
ՍցենարիստՈւոլթ Դիսնեյ[2] և Ub Iwerks?[2]
ՀնչյունավորումՈւոլթ Դիսնեյ[2]
ՊրոդյուսերՌոյ Օլիվեր Դիսնեյ[2] և Ուոլթ Դիսնեյ[2]
ԵրաժշտությունCarl Stalling?[1][3]
ԵրկիրFlag of the United States (1912-1959).svg ԱՄՆ
Լեզուանգլերեն
ԸնկերությունՈւոլթ Դիսնեյ ընկերություն[2]
ԴիստրիբյուտորCelebrity Productions, Inc.?[2]
Տևողություն7 րոպե
Թվականհուլիսի 29, 1928[2]
ՊարգևներՖիլմերի ազգային ցուցակ

Վիլիի շոգենավը (անգլ.՝ Steamboat Willie), ամենավաղ պահպանված ձայնային մուլտֆիլմերից[4], Դիսնեյ ստուդիայի առաջին ձայանյին և Միկի Մաուսի մասնակցությամբ` երրորդ մուլտֆիլմը[5]։

Անվանման այլընտրանքային թարգմանությունն է՝ «Վիլիի շոգենավը»։

Հաջողությունից հետո Դիսնեյը մշակել է առաջին ֆիլմերը՝ նրանցում ավելացնելով ձայնային ուղի։

Մուլտֆիլմը ստեղծվել է Բաստեր Քիթոնի «Steamboat Bill Jr.» («Վիլլի շոգենավը, կրտսեր») ֆիլմի մոտիվներով, որը նույնպես դուրս է եկել 1928 թվականին[6]։

Մուլտֆիլմը 1994 թվականից[7] անիմացիայի պատմաբան Աջերի Բեկոնի 1994 թվականին կազմած 50 մեծագույն մուլտֆիմերի ցանկում զբաղեցնում է 13-րդ հորիզոնականը։

Սյուժե[խմբագրել | խմբագրել կոդը]

Միկի Մաուսը վարում է գետային շոգենավ՝ երևակայելով իրեն նավի նավապետ: Նա ուրախ սուլում է երաժշտություն և քաշում պարանից, ինչի հետևանքով շոգեքարշը արձակում է երեք շչակ։ Շուտով տախտակամածի վրա հայտնվում է իսկական կապիտանը (Փիթ) և բարկացած վռնդում է Միկիին կամրջակից։ Երբ Փիթը շրջվում է, Միկի Մաուսը բարձր փռթքում է։ Փիթը ոտքով հրում է մկնիկին, և նա, սայթաքելով աստիճանների վրայով, ընկնում է ջրով դույլի մեջ։ Նրա կողքին գտնվող թութակը սկսում է ծիծաղել Միկի Մաուսի վրա, և նա դույլը նետում է թռչունի վրա։

Վարելով նավը՝ Փիթը հանում է ծամվող սիգար և, մի քիչ կծելով, թքում է այն։ Քամու հետ թքածը հետ է վերադառնում և խփում զանգին։ Զվարթացած Փիթը կրկին կծում է սիգարից և նորից է թքում՝ այս անգամ խփելով իր իսկ դեմքին։ Որոշ ժամանակ հետո շոգենավը կանգ է առնում, որպեսզի վերցնի ընտանի կենդանուն։ Երբ շոգենավը մեկնում է, մոտ է վազում Մինին` փորձելով հասնել նավին։ Միկին չի նկատում նրան, բայց նա վազում է շոգենավի հետևից ափով։ Միկի Մաուսը, տեսնելով Մինիին, օգտագործում է բեռնակիր ամբարձիչը նրան տախտակամած բարձրացնելու համար։

Իջնելով տախտակամածին՝ Մինի Մաուսը պատահաբար ցած է գցում կիթառը և մի քանի «Turkey in the Straw» նոտաների թերթեր, որոնք ուտում է այծը։ Երկու մկնիկները այծին օգտագործում են որպես գրամոֆոն, որի վրա նրանք նվագում են՝ կենդանու պոչը օգտագործելով որպես բռնատեղ։ Միկին «նվագակցում» է՝ օգտագործելով նավի վրա գտնվող զանազան իրեր և «նվագում» է կենդանիների վրա այնպես, ինչպես երաժշտական գործիքների վրա[8]։

Վերջապես գալիս է նավապետ Փիթը և ստիպում է Միկի Մաուսին կարտոֆիլ մաքրել։ Երբ Միկին ձեռնամուխ է լինում աշխատանքին, վերադառնում է նույն թութակը և սկսում է ծիծաղել մկնիկի վրա։ Մուլտֆիլմը ավարտվում է նրանով, որ մկնիկը թութակին հարվածում է կարտոֆիլով, և թռչունը ընկնում է ջուրը, իսկ Միկին սկսում է ծիծաղել։

Մշակութային ազդեցություն[խմբագրել | խմբագրել կոդը]

  • Սթիվեն Քինգի «Կանաչ մղոն» վեպում կարևոր դեր է խաղում մկնիկը, որը բնակություն է հաստատել մահկանացուների դաշինքում։ Վերակացուները սկզբում անվանել են այն Ուիլլի շոգենավ (հետագայում բանտարկվածներից մեկը տվել է նրան մեկ ուրիշ մականուն միստր Ջինգլես) ի պատիվ մուլտֆիլմի հերոսի. «Այն օրերում մարդկանց մեծամասնությանը անվանում էին այնպես, ինչպես հայտնի մկնիկին, որը այսօր հայտնի է Միկի Մաուս անունով։ Այդ ամենը առաջին ձայնային մուլտֆիլմի պատճառով էր, որտեղ նա աչքերն էր ոլորում, պտտում էր կոնքերը և քաշում էր գոլորշին կաթսային մատակարարող պարանից»[9]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 INDUCKS — 1994.
  2. 2,0 2,1 2,2 2,3 2,4 2,5 2,6 2,7 2,8 2,9 Big Cartoon DataBase — 1998.
  3. Bendazzi G. Foundations - The Golden AgeTaylor & Francis, 2016. — P. 99. — ISBN 978-1-138-85452-9
  4. Предыстория анимации
  5. http://news.bbc.co.uk/hi/russian/entertainment/newsid_7735000/7735479.stm
  6. Steamboat Bill, Jr. (1928) — Trivia
  7. Список 50 величайших мультфильмов на сайте rateyourmusic.com
  8. «Վիլիի շոգենավը»(անգլ.) ֆիլմը Internet Movie Database կայքում
  9. Зелёная миля: Роман / С. Кинг; Пер. с англ. В. А. Вебера, Д. В. Вебера — М.: ООО «Издательство АСТ», 1999. — 496 с. ISBN 5-237-01157-8

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]