Վաշլովանի ազգային պարկ

Վաշլովանի ազգային պարկ վրաց.՝ ვაშლოვანის ეროვნული პარკი
Տեսակ	ազգային պարկ
Երկիր	Վրաստան
Վարչատարածք	Դեդոփլիս Ծղարոյի շրջան
Հիմնվել է	1935
Մակերես	251,14 կմ²

Վաշլովանի ազգային պարկ (վրաց.՝ ვაშლოვანის ეროვნული პარკი), ազգային պարկ Վրաստանի հարավ-արևելքում, Ադրբեջանի հետ սահմանագլխին։ Ստեղծված է անտառատափաստանների պաշտպանության նպատակով («լուսավոր անտառներ»)։

Պատմություն

Հիմնադրվում է 1935 թվականին՝ որպես Վաշլովանի որսարգելանոց։ 2003 թվականին ձևավորվել է որպես ազգային գոտի։ Ընդհանուր տարածքը՝ 251,14 կմ²։ 84,8 կմ² տարածք ունեցող որսարգելանոցը պարկի բաղկացուցիչ մասն է։

Կլիմա և ռելիեֆ

Պարկի կլիման չոր է, տարեկան 470 մմ տեղումներով։ Տարեկան միջին ջերմաստիճանը 11,6°։ Պարկի տարածքում է գտնվում ինչպես սաղարթավոր անտառներ, այնպես էլ անտառատափաստան, տափաստան, կիսաանապատ։ Ռելիեֆը բաղկացած հովիտներից (որոնցից մի քանիսը գտնվում են կանյոնում) և ժայռային նստվածքային լեռնազանգվածներից (բեդլենդ)։ Կան կարստե քարանձավներ։

Ֆաունա և ֆլորա

Պարկում աճում են 664 տեսակի բույս, նրանցից 40-ը էնդեմիկ են Կովկասի համար։ Ծառերի շարքում կան պիստակ, գիհի, բալենի, թխկի, տանձենի, թզենի և նռնենի։ Հանդիպում է 80 տեսակի թռչուն։ Կաթնասուններից պարկում հանդիպում են ոզնի, նապաստակ, աղվես, վայրի կատու, գայլ, գորշ արջ, փորսուղ, վարազ, շնագայլ, հավ, բորենի, կզաքիս և վիթ։ 2004 թվականին պարկի հեռավոր մասերում տեսել են ընձառյուծ։

Տես նաև

• Վրաստանի ազգային պարկերի ցանկ

Արտաքին հղումներ

• Պաշտոնական կայք Արխիվացված 2007-10-10 Wayback Machine

Վիքիպահեստն ունի նյութեր, որոնք վերաբերում են «Վաշլովանի ազգային պարկ» հոդվածին։