Վաղինակ Ոսկանյան

Վաղինակ Ոսկանյան
Ծնվել է	հունվարի 24, 1932(1932-01-24) Առաջաձոր, Սյունիքի մարզ, Հայաստան, ԽՍՀՄ
Մահացել է	1997
Մասնագիտություն	անասնաբույծ
Ալմա մատեր	Երևանի անասնաբուծական-անասնաբուժական ինստիտուտ
Գիտական աստիճան	գյուղատնտեսական գիտությունների դոկտոր և պրոֆեսոր
Պարգևներ	Հայկական ԽՍՀ գիտության վաստակավոր գործիչ Հայրենական պատերազմի I աստիճանի շքանշան Կարմիր Աստղի շքանշան Աշխատանքային Կարմիր դրոշի շքանշան և «Պատվո նշան» շքանշան
Կուսակցություն	ԽՄԿԿ

Վաղինակ Բոգդանի Ոսկանյան (հունվարի 24, 1932(1932-01-24), Առաջաձոր, Սյունիքի մարզ, Հայաստան, ԽՍՀՄ - 1997), հայ խորհրդային անասնաբույծ։ Գյուղատնտեսական գիտությունների դոկտոր (1962), պրոֆեսոր (1962), ՀԽՍՀ գիտության վաստակավոր գործիչ (1974)։ ԽՄԿԿ անդամ 1939 թվականից։

Կենսագրություն

Ավարտել է Երևանի անասնաբուծական-անասնաբուժական ինստիտուտը (1939), որտեղ 1947-1964 թվականներին աշխատել է որպես դոցենտ, պրոֆեսոր, միաժամանակ (1955-1964)՝ ուսումնական և գիտական աշխատանքների գծով տնօրենի տեղակալ։ Հայրենական Մեծ պատերազմի մասնակից։ 1964 թվականից եղել է ՀԽՍՀ անասնաբուծության և անասնաբուժության (այժմ՝ ՀԽՍՀ անասնաբուծության և կերարտադրման) ԳՀԻ-ի տնօրեն, գենետիկայի և բուծման բաժնի վարիչ։ Գիտական աշխատանքները վերաբերում են տեղական և խառնացեղ տավարի կոնստիտուցիայի և մթերատվության, կովկասյան գորշ տավարի ցեղի գենետիկական կոնստիտուցիայի և սելեկցիայի, մատղաշի նպատակադիր, ինտենսիվ աճեցման և բտման, արտադրական տրամախաչման, կաթի և տավարի մսի արտադրության տեխնոլոգիայի ուսումնասիրություններին։

Պարգևներ

• Հայրենական պատերազմի I աստիճանի շքանշան
• Կարմիր աստղի շքանշան
• Աշխատանքային կարմիր դրոշի շքանշան
• «Պատվո նշան» շքանշան

Երկեր

• Հայաստանի խառնացեղ տավարի կոնստիտուցիան և մթերատվությունը, Երևան, 1964։
• Տավարի մսացու մատղաշի աճեցումը և բտումը, 1966։
• Լոռվա տոհմաբուծարանը 50 տարում, 1974:

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 627)։