Երևանի անասնաբուծական-անասնաբուժական ինստիտուտ

Վիքիպեդիայից՝ ազատ հանրագիտարանից
Jump to navigation Jump to search
Երևանի անասնաբուծական-անասնաբուժական ինստիտուտի շենքը

Երևանի անասնաբուծական-անասնաբուժության ինստիտուտ, ԽՍՀՄ գյուղատնտեսության նախարարության անասնաբուծական, անասնաբուժական և կաթնարդյունաբերության տեխնոլոգիական բարձրագույն ուսումնական հաստատություն։ 1994 թվականին վերամիավորվել է Հայկական գյուղատնտեսական ակադեմիային[1]:

Հիմնադրում[խմբագրել | խմբագրել կոդը]

Կազմակերպվել է 1931 թվականին Անդրկովկասյան անասնաբուժական (հիմնադրվել է 1928 թվականին) և անասնաբուծական (հիմնադրվել է 1930 թվականին) ինստիտուտների միավորմամբ։ Հիմնադրմանը մասնակցել են Բ․ Մասինոն, Ս․ Սմիրենսկին, Ա․ Քալանթարը, Ա․ Թամամշևը, Բ․ Միխայլովը, Ֆ․ Միխայլովը, Ս․ Ղամբարյանը և ուրիշներ։ 1928-1974 թվականներին տվել է 8440 շրջանավարտ, որոնք աշխատանքի են անցել ԽՍՀՄ տարբեր հանրապետություններում։ 1974-1975 ուսումնական տարում սովորում էր 2650 ուսանող։ Ունի անասնաբուծական (ցերեկային և հեռակա), անասնաբուժական, կաթնարդյունաբերության, ինժեներատեխնոլոգիական և տնտեսագիտական (միամյա) ֆակուլտետներ՝ հայկական և ռուսական բաժիններով։

Ասպիրանտուրա և գիտական խորհուրդ[խմբագրել | խմբագրել կոդը]

1932 թվականից գործում է ասպիրանտուրան։ Ինստիտուտի գիտական խորհուրդը իրավունք ունի շնորհել գիտությունների թեկնածուի գիտական աստիճան և երաշխավորել դոկտորի գիտական աստիճանում հաստատվելու համար։ 1975 թվականին աշխատում էին գիտությունների 32 դոկտոր և 152 թեկնածու։ Գիտնականների ուսումնասիրությունները նվիրված են ՀԽՍՀ-ում բուծվող կենդանիների տեղական ցեղերի կատարելագործման, մարգագետինների ու արոտավայրերի բուսակազմի բերքատվության բարձրացման, կերերի սննդարարության ու տիպերի, կաթի և կաթնամթերքների արտադրության տեխնոլոգիայի, իմունոգենեզի և ախտածին մանրէների վրա անտիբիոտիկների ներգործության, հիվանդությունների ժամանակ միկրոտարրերի դերի, վարակիչ, ոչ վարակիչ, պարազիտային, ճիճվային հիվանդությունների բուժման ու դրանց դեմ պայքարի միջոցառումների պրոբլեմներին։

Վարչական կազմ[խմբագրել | խմբագրել կոդը]

Ունի 30 ամբիոն, այդ թվում՝ կաթնային գործի, նյութերի փոխանակության, անտիբիոտիկների, գյուղատնտեսական կենդանիների անպտղության, ոչ վարակիչ հիվանդությունների (Ստեփանավան), լաբորատորիաներ, ուսումնափորձնական տնտեսություն, կաթի գործարան, ոչխարաբուծական հենակետ, Երևանի անասնաբուծական-անասնաբուժական ինստիտուտի նյութերի փոխանակության լաբորատորիայում ապարան, երկու թանգարան, գրադարան (300 հզ․ կտոր գիրք), սպորտային համալիր։ Պրոֆեսորադասախոսական կազմը և ուսանողակաև գիտական ընկերությունը (ՈւԳԸ) բարեկամական ու գիտական կապերի մեջ են Վրացական ԽՍՀ-ի, Ադրբեջանական ԽՍՀ-ի, ինչպես նաև ԳԴՀ-ի, ՉԽՍՀ-ի և այլ հանրապետությունների ու երկրների համապատասխան ինստիտուտների հետ։ Ինստիտուտը հանրապետության գյուղատնտեսության աշխատողներին օգնում է ախտորոշելու և վերացնելու գյուղատնտեսական կենդանիների վարակիչ և ոչ վարակիչ հիվանդությունները, արտադրության մեջ ներդնելու գիտության նվաճումները, առաջավոր փորձը։ Կոլեկտիվ և սովետական տնտեսություններում կազմակերպում է գիտական նստաշրջաններ, մասնակցում կուլտլուսավորական միջոցառումների։ 1934 թվականից հրատարակում է աշխատությունների ժողովածու, 1957 թվականից՝ «Կադրերի համար» բազմատիրաժ թերթը։

Գրականություն[խմբագրել | խմբագրել կոդը]

Камалян Г․ В#, Ереванский зооветеринарный институт․ К 40-летию Со–ветской Армении, <Труды Ереванского зоовет․ ин-та», 1960, в․ 24․ Տ․ Մադոյան

Ծանոթագրություններ[խմբագրել | խմբագրել կոդը]

  1. Administrator։ «ANAU»։ anau.am։ Վերցված է 2016-07-22