Վահե Ահարոնյան (դաշնակահար)
| Վահե Ահարոնյան | |
|---|---|
 | |
| Հիմնական տվյալներ | |
| Ծնվել է | հոկտեմբերի 20, 1933 Սոֆիա, Բուլղարիա |
| Մահացել է | սեպտեմբերի 18, 1994 (60 տարեկանում) Երևան, Հայաստան |
| Մասնագիտություն | դաշնակահար |
| Գործիքներ | դաշնամուր |
| Աշխատավայր | Երևանի Կոմիտասի անվան պետական կոնսերվատորիա |
| Շրջանավարտ | Երևանի Կոմիտասի անվան պետական կոնսերվատորիա |
Վահե Գրիգորի Ահարոնյան (1933, հոկտեմբերի 20, Սոֆիա - 1994, սեպտեմբերի 18, Երևան), հայ դաշնակահար, ՀԽՍՀ վաստակավոր արտիստ (1974)։
ՀԽՍՀ ժողովրդական նկարիչ, քանդակագործ Գրիգոր Ահարոնյանի որդին է։
Կենսագրություն[խմբագրել | խմբագրել կոդը]
Վահե Ահարոնյանը ծնվել է Սոֆիայում։ 1946 թվականին հայրենադարձել է։ 1957 թվականին ավարտել է Երևանի Կոմիտասի անվան պետական կոնսերվատորիան: 1960-1994 թթ. դասավանդել է նույն կոնսերվատորիայում, 1987 թվականից՝ պրոֆեսոր, 1987-1994 թթ.` ամբիոնի վարիչ: Դասավանդել է նաև Վանաձորի, Երևանի երաժշտական ուսումնարաններում, դպրոցներում:
Համագործակցել է դիրիժորներ Դ. Խանջյանի, Գ. Օբերֆրանկի (Հունգարիա), մենակատարներ Ժան Տեր-Մերկերյանի, Սվետլանա Նավասարդյանի, Վ. Մոկացյանի, Ն. Նովիկի, Ռ. Խարաջանյանի և այլոց հետ: Նվագացանկում` եվրոպական, հայկական դասական և ժամանակակից կոմպոզիտորների երկեր են եղել[1][2]:
Պարգևներ[խմբագրել | խմբագրել կոդը]
- Հայաստանի երիտասարդների 1-ին փառատոնի ոսկե մեդալակիր
- Մոսկվայի Համամիութենական մրցույթի դափնեկիր, 1957 թ.
- Բաքվի Անդրկովկասյան մրցույթի դափնեկիր, 1960 թ.
- ՀԽՍՀ վաստակավոր արտիստ, 1974 թ.
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005
- ↑ Վահե Ահարոնյան
