Վախթանգ Ճաբուկիանի

Վախթանգ Ճաբուկիանի; վրաց.՝ ვახტანგ ჭაბუკიანი
Ծնվել է	փետրվարի 27 (մարտի 12), 1910
Ծննդավայր	Թիֆլիս, Ռուսական կայսրություն
Մահացել է	ապրիլի 6, 1992 (82 տարեկան)
Մահվան վայր	Թբիլիսի, Վրաստան
Գերեզման	Մթածմինդա
Քաղաքացիություն	ԽՍՀՄ և Վրաստան
Կրթություն	Ա. Վահանովայի անվան ռուսական բալետի ակադեմիա
Մասնագիտություն	բալետի պարող, բալետմայստեր, քաղաքական գործիչ, պարուսույց, սցենարիստ, կինոռեժիսոր, կինոսցենարիստ, կինոդերասան, պարող, բալետի ուսուցիչ և պարուսույց
Աշխատատու	Մարիինսկի թատրոն
Զբաղեցրած պաշտոններ	ԽՍՀՄ գերագույն խորհրդի պատգամավոր
Պարգևներ և ; մրցանակներ	; ; Վրացական ԽՍՀ ժողովրդական արտիստ և
	Vakhtang Chabukiani Վիքիպահեստում

Վախթանգ Միխայիլի Ճաբուկիանի (վրաց.՝ ვახტანგ ჭაბუკიანი , փետրվարի 27 (մարտի 12), 1910, Թիֆլիս, Ռուսական կայսրություն^[1] - ապրիլի 6, 1992(1992-04-06)^[2], Թբիլիսի, Վրաստան), սովետական բալետի վրացի դերասան, բալետմայստեր և մանկավարժ։ ԽՍՀՄ ժողովրդական արտիստ (1950)։

Կենսագրություն

1924 թվականին ավարտել է Մ. Ի. Պերինիի ստուդիան և ընդունվել Թիֆլիսի օպերայի և բալետի թատրոն։ 1926-1929 թվականներին վերապատրաստվել է Լենինգրադի Ա. Յա. Վահանովայի անվան պարարվեստի ուսումնարանում։ 1929-1941 թվականներին՝ Լենինգրադի օպերայի և բալետի թատրոնի մենապարող, դերապարերից են՝ Բազիլ (Մինկուսի «Դոն Կիխոտ»), Ալբերտ (Ադանի «Ժիզել»), Ֆրոնդոսո (Ա. Կրեյնի «Լաուրենսիա»)։ Նույն թատրոնում բեմադրել է Բալանչիվաձեի «Լեռների սիրտը» (1938), Կրեյնի «Լաուրենսիա» (1939) և այլ բալետներ։ 1941-1973 թվականներին գլխավորել է Թբիլիսիի Զ. Փալիաշվիլու անվան օպերայի և բալետի թատրոնի բալետային խումբը, բեմադրել է Կիլաձեի «Սինաթլե» (1947), Թորաձեի «Գորդա» (1950), Մաչավարիանիի «Օթելլո» (1957), Փինցաձեի «Դևը» (1961) են։ 1933 թվականից հյուրախաղերով եղել է արտասահմանում։ 1963 թվականին Երևանում հանդես է եկել Օթելլոյի, Դորդայի, Ֆրոնդոսոյի և այլ դերապարերով։ Դասավանդել է Թբիլիսիի պարարվեստի ուսումնարանում (1950-1977 թվականներին՝ գեղ. ղեկավար), 1965-1970 թվականներին գլխավորել է Թբիլիսիի Ռուսթավելու անվան թատերական ինստիտուտի բալետմայստերական բաժինը։ Արժանացել է ԽՍՀՄ պետական (1941, 1948, 1951) և լենինյան (1958) մրցանակների։

Ծանոթագրություններ

1 2 Чабукиани Вахтанг Михайлович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.
1 2 საქართველოს ბიოგრაფიული ლექსიკონი (վրաց.) — 2001.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Վիքիպահեստն ունի նյութեր, որոնք վերաբերում են «Վախթանգ Ճաբուկիանի» հոդվածին։

[_366ed76ca6b61b4d-1] 1 2 Чабукиани Вахтанг Михайлович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[_a829d5362daec211-2] 1 2 საქართველოს ბიოგრაფიული ლექსიკონი (վրաց.) — 2001.

[1]

[2]