Ստեփան Ալավերդյան
| Ստեփան Ալավերդյան | |
|---|---|
 | |
| Ծնվել է | 1888[1] |
| Ծննդավայր | Քութայիս, Ռուսական կայսրություն |
| Մահացել է | օգոստոսի 14, 1920[2] |
| Մահվան վայր | Երևան, Երևանի նահանգ |
| Գերեզման | Անգլիական այգի |
| Քաղաքացիություն |  Ռուսական կայսրություն, .svg){kind=small} ՌԽՖՍՀ և Խորհրդային Ռուսաստան |
| Ազգություն | հայ |
| Կրթություն | Պլեխանովի անվան ռուսական տնտեսագիտական ինստիտուտ (1915) |
| Մասնագիտություն | հեղափոխական |
| Քաղաքական կուսակցություն | ԽՄԿԿ |
Ստեփան Կարապետի Ալավերդյան (1888[1], Քութայիս, Ռուսական կայսրություն - օգոստոսի 14, 1920[2], Երևան, Երևանի նահանգ), հայ հեղափոխական գործիչ, Հայաստանում խորհրդային վարչակարգի հաստատման մասնակից։
Կենսագրություն[խմբագրել | խմբագրել կոդը]
1907 թվականին ընդունվել և մինչև 1915 թվականը ընդմիջումներով սովորել է Մոսկվայի առևտրի ինստիտուտի տնտեսագիտական ֆակուլտետում։ Հաջողությամբ պաշտպանել է «Բնակարանային հարցը Մոսկվայում» թեմայով դիպլոմային աշխատանքը։ Աշխատակցել է «Կովկազսկի ռաբոչի» թերթին։ 1919 թվականի սեպտեմբերին, երբ ստեղծվեց Հայաստանի բոլշևիկյան կազմակերպությունների ղեկավար կենտրոնը՝ Արմենկոմը, Ստեփան Ալավերդյանը ևս ընտրվեց նրա կազմում։ Ստեփան Ալավերդյանին հանձնարարվեց ամրապնդել Երևանի բոլշևիկյան կազմակերպությունը և ուժեղացնել հեղափոխական աշխատանքը։ Եղել է 1920 թվականի Մայիսյան ապստամբության ակտիվ մասնակիցներից։ Ալեքսանդրապոլում (այժմ՝ Գյումրի) կարմիր դրոշ բարձրացրեց «Վարդանի զորավար» զրահագնացքը։ Ապստամբեցին Կարսում, Սարիղամիշում, Նոր Բայազետում, Դիլիջանում և այլ վայրերում։ Դաշնակցականներին հաջողվեց ճնշել Մայիսյան ապստամբությունը, ձերբակալել նրա ղեկավարներին ու նետել բանտ։ Ստեփան Ալավերդյանին դուրս բերեցին բանտից և ծածուկ, առանց դատելու, գնդակահարեցին Նորքի ձորում 1920 թվականի օգոստոսի 14-ի գիշերը, 32 տարեկանում։ Թաղված է Երևանում՝ 26 կոմիսարների անվան այգում։ 1961 թվականին Երևանում ռուսերենով լույս է տեսել Ստեփան Ալավերդյանի «Բնակարանային հարցը Մոսկվայում» գիրքը[3]։
,_ArmAg.JPG)
Խորհրդային տարիներին Ալավերդյանի անունով էին անվանել Երևանի կենտրոնական փողոցներից մեկը[4], որը Հայաստանի անկախանալուց հետո կոչվեց Հանրապետության փողոց[5]։
Գրականություն[խմբագրել | խմբագրել կոդը]
- Գ. Ղարիբջանյան, Ստեփան Ալավերդյան, Երևան, 1952։
Ծանոթագրություններ[խմբագրել | խմբագրել կոդը]
- ↑ 1,0 1,1 Национальная библиотека Польши — 1928.
- ↑ 2,0 2,1 2,2 Алавердян Степан Карапетович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ Ասատուր Փաշայան, Հայ մշակույթի վաղամեռիկ գործիչներ, Ե., 2002, էջ 23։
- ↑ Երևան քաղաքի հասցեների տեղեկատու, Երևան, 1983, էջեր 369-506, Երևան քաղաքի փողոցների անվանումները
- ↑ Սերգեյ Ավագյան, Երևանի փողոցները, Երևան, «ՎՄՎ-ՊՐԻՆՏ», 2010 — 272 էջ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 141)։ 
|