Կոմսոմոլեց (թերթ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Կոմսոմոլեց (այլ կիրառումներ)
Կոմսոմոլեց
Տեսակթերթ

«Կոմսոմոլեց» («Комсомолец», «Կոմերիտական»), հանրապետական, երիտասարդական երկօրյա ռուսերեն թերթ։ Հայաստանի ԼԿԵՄ Կենտկոմի օրգան։ Լույս է տեսել 1938 թվականից (1938-1941, 1945-1954 թվականներին՝ «Ստալինեց» անվամբ), Երևանում։ Խմբագիրներ՝ Ջ. Ջաֆարով, Վ. Սիրցև, Ա. Զախարյան, Դ. Եվանգուլով, Ս. Ավթանդիլով, Ա. Սահակյան, Յ. Պետրոսյան, Է. Կանանովա, Վ. Այդինյան (1979 թվականից)։ Պայքարում էր երիտասարդության քաղաքական և ինտերնացիոնալ դաստիարակության, կոմունիստական աշխարհայացքի ձևավորման համար, օգնում իրագործելու ԽՄԿԿ, ՀամԼԿԵՄ և ՀԼԿԵՄ Կենտկոմների՝ երիտասարդությանն ուղղված որոշումներն ու միջոցառումները։ Ներկայացնում էր գյուղատնտեսության և արդյունաբերության առաջավորներին, ընդհանրացնում նրանց փորձը, վեր հանում թերությունները։ Նրա «Հայրենասեր» արտահաստիքային բաժինը հատուկ էջեր էր թողարկում խորհրդային բանակի երիտասարդ մարտիկների և զինակոչիկների համար։ «Կոմսոմոլեցը» լայն տեղ է հատկացնում գրական, մարզական կյանքին, արվեստին, մշակույթի նորություններին։ Ուներ միջազգային լուրերի բաժին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 549 CC-BY-SA-icon-80x15.png