Սպորտլանդիա (մուլտֆիլմ)

Սպորտլանդիա
Տեսակ	մուլտֆիլմ
Ռեժիսոր	Ալեքսանդր Իվանով
Հնչյունավորում	Սերաֆիմ Անիկեև, Մարիա Վինոգրադովա, Էրաստ Գարին, Ելենա Պոնսովա, Գեորգի Վիցին և Գենադի Դուդնիկ
Երաժշտություն	Ալեքսանդր Վառլամով
Օպերատոր	Ելենա Պետրովա
Երկիր	ԽՍՀՄ
Ընկերություն	Սոյուզմուլտֆիլմ
Թվական	1958

Սպորտլանդիա (ռուս.՝ Спортландия), 1958 թվականին նկարված խորհրդային մուլտիպլիկացիոն ֆիլմ։ Ժամանակակից հեքիաթ է Միտյա անունով տղայի մասին, որը Ալարկոտների աշխարհից փրկվում է ընկերների և Սպորտլանդիայի օգնությամբ։

Սյուժե[խմբագրել | խմբագրել կոդը]

Միտյան առավոտյան քնած էր մնացել։ Զարթուցիչը զնգացել էր, սակայն նա անջատել էր այն։ Ռադիոյով լսվում է «Լսեք բոլորդ»/պատրաստություն դեպի «Պիոներական արշալույս» դպրոցում ազդանշանը, սակայն նա լռեցնում է բարձրախոսը բարձով։ Երեխաները պատուհանի տակ գոռում էին, որ ամբողջ դասարանը գնացել է հանձնելու «Պատրաստ եղիր աշխատանքին և պաշտպանությանը» նորմաներին, իսկ Միտյան քնած է և բոլորին վատ վիճակում է դնում, իսկ դա նշանակում է, որ նա չի ստանա կրծքանշանը։ Սակայն Միտյան մեծ դժգոհությամբ հայտնում է, որ «Կգնամ վաղը» և ծածկվում է ծածկոցով...

Եվ այդ պահին կենդանանում է Բազմոցի Բարձը, իսկ հետո զսպանակների վրա հենված Ներքնակը։ Նրանք Միտյային առաջարկում էին գնալ իրենց հետ Ալարկոտների երկիր, որտեղ նրան հեշտությամբ կրծքանշան կտային։ Ալարկոտների դարպասների մոտ տղան ցուցանակ է տեսնում՝ «Ալարկոտ։ Ալարկոտների պալատ», իսկ ներքևում՝ «Նիստերի դահլիճ»։ Դահլիճում կային շատ փափուկ բազկաթոռներ, ներքնակներ, բարձեր։ Միտյային պառկեցնում են այն մահճակալի վրա, որտեղ կային 4 ներքնակ և 3 բարձ։ Սկսում են կուշտ կերակրել և քնեցնել, բացատրելով, որ Միտյայի համար կազմակերպվում է լռության ժամ։ Զարթուցիչը վազում է դեպի Սպորտլանդիա, որը մարզահամալիրում էր անցկացվում, և ամեն ինչ պատմում է։ Սպորտային փամփուշտները գնում են օգնության։ Գնդակը, մարզագնդերը, հրթիռները, անթացուպերը և մյուսները բարձրանում են մարմնամարզական ձիուկի ներսը, և նա ցատկոտում է դեպի Ալարկոտների երկիր։

Զարթուցիչը առաջինը ձևափոխվելով` դժվարությամբ ներս է մտնում խորքը և արթնացնում է Միտյային։ Նա հայտնում է Միտյային, որ ներքնակները և բարձերը նրան չեն ցանկանում ոչ մի պարգև, այլ փոխակերպելու են նրան և դարձնելու են ծույլ մարդ սեփական շահի համար, և որ նրան ոչ թե անհրաժեշտ է քնել, այլ վազել։ Միտյան ասում է, որ նա ձանձրացել է Ալարկոտների երկրում, բայց քանի որ նրան կուշտ կերակրում էին, նա դժվարանում է շարժվել։ Այդ ժամանակ զարթուցիչը Միտյայի համար կազմակերպում է մարմնամարզություն, բերելով նրան լավ տեսքի, ինչից հետո բարձր զնգում է։ Սկսվում է մեծամասշտաբ մարտ սպորտային փամփուշտների և փափուկ կահույքի միջև, որտեղ տղան ցուցաբերում էր մեծ մասնակցություն։ Արդյունքում նախագահ ներքնակը զարմացած էր Միտյայով, իսկ մարզական ձիուկը նրան տանում է Սպորտլանդիա, որում հիմնականը քարոզչությունն է՝ «Պատրաստ եղեք աշխատանքի և պաշտպանության համար» նորմաներ հանձնելու անհրաժեշտության վրա։

Միտյան արթնանում է իր մահճականում ռադիոյի ձայնից՝ «Որ առանց մնացորդի ոչնչացնել ալարկոտությունը, առավոտյան նախավարժանքով սկսիր օրդ»։ Նա ցատկում է, հագնվում է և գնում է մարզահամալիր, որ հասնի երեխաներին, որպեսզի միասին հանձնեն նորմաները։

Ստեղծողներ[խմբագրել | խմբագրել կոդը]

Սցենարի հեղինակ՝ Յուրի Կիրշոն
Երգի տեքստ՝ Լև Պոզդնեև
Բեմադրող ռեժիսոր՝ Ալեքսանդր Իվանով
Բեմադրող նկարիչներ՝ Վալենտին Լալայանց, Լև Պոզդնեև, Գելի Արկադև
Նկարիչ-մուլտիպլիկատորներ՝ Ելիզավետա Կոմովա, Վյաչեսլավ Կոտյոնոչկին, Լիդիա Ռեզցովա, Վլադիմիր Պեկար, Տատյանա Ֆյոդորովա, Բորիս Չանի
Կոմպոզիտոր՝ Ալեքսանդր Վարլամով
Օպերատոր՝ Ելենա Պետրովա
Հնչյունային օպերատոր՝ Բորիս Ֆիլչիկով
Ռեժիսորի օգնական՝ Ն. Պալատկինա
Դերերը հնչյունավորել են՝ Լ. Բուխարցևա (բազմոցի բարձ), Սերաֆիմ Անիկեև, Մարիա Վինոգրադովա (Միտյա), Էրաստ Գարին (Ներքնակ նախագահ), Ելենա Պոնսովա (բազկաթոռ), Գեորգի Վիցին (Խոտաբիչը գրքից), Գենադի Դուդնիկ, Իրինա Պոտոցկայա, Գեորգի Միլլյա (Բազկաթոռ - Ալարկոտների պալատի անդամ), Յուրի Խրժանովսկի

Հետաքրքիր տեղեկություններ[խմբագրել | խմբագրել կոդը]

Միտինի երազում գրքերի պահարանից իջնում են գրքեր։ Առաջինը հայտվում են Դոն Կիխոտը և Սանչո Պանսան, երկրորդը՝ Ծերունի Խոտտաբիչըը։ Նրանք ասում էին, որ Միտյան շատ գրքեր է կարդացել։

Մուլտֆիլմի մասին[խմբագրել | խմբագրել կոդը]

«Սոյուզմուլտֆիլմ» կինոստուդիայի ամենահայտնի աշխատանքներից է 1955-59 թվականներին նկարահանվածները՝ Զինաիդա և Վալենտինա Բրումբերգի «Սխալների կղզի» (1955), «Ծովային Ստյոպան» (1955) և «Ցանկությունների իրականացում» (1957), Ա. Իվանովի «Սպորդլանդիա» (1958) մուլտֆիլմերը։

- Գեորգի Բորոդին, «Կարճ պատմական ակնարկ»^[1]