Այտոր Կարանկա

Այտոր Կարանկա; իսպ.՝ Aitor Karanka
Քաղաքացիությունը	Իսպանիա
Ծննդյան ամսաթիվ	սեպտեմբերի 18, 1973 (50 տարեկան)
Ծննդավայր	Վիտորիա, Իսպանիա
Հասակ	181 սանտիմետր
Դիրք	կենտրոնական պաշտպան

Այտոր Կարանկա դե լա Օս (իսպ.՝ Aitor Karanka de la Hoz; սեպտեմբերի 18, 1973(1973-09-18)^[1], Վիտորիա, Իսպանիա^[1]), իսպանացի ֆուտբոլիստ և ֆուտբոլային մարզիչ: Որպես ֆուտբոլիստ հայտնի է «Աթլետիկ Բիլբաոյի» և «Ռեալ Մադրիդի» կազմում ունեցած ելույթներից: «Ռեալի» կազմում 5 մրցաշրջաններում 3 անգամ հաղթել է ՈՒԵՖԱ-ի Չեմպիոնների լիգայում: 1 խաղ է անցկացրել Իսպանիայի հավաքականի կազմում, հանդես է եկել Բասկերի երկրի հավաքականում։

Կարիերա

Ակումբներում

Պատանեկան մակարդակում խաղացել է «Կորասոնիստասում» և «Դեպորտիվո Ալավեսում», 1991 թվականից «Աթլետիկ Բիլբաոյի» պատանեկան թիմում՝ «Բիլբաո Աթլետիկում», որի կազմում 1992 թվականին նվաճել Է Իսպանիայի պատանեկան գավաթն ու առաջնությունը, ինչպես նաև հանդես է եկել Սեգունդայում: 1993 թվականից Յուպ Հայնկեսը մտցրել է «Աթլետիկի» հիմքը։

Երբ 1997 թվականին Հայնկեսը գլխավորեց «Ռեալը», նա այնտեղ հրավիրեց Կարանկային։ Այտորը արքայական ակումբում անցկացրել է 5 մրցաշրջան՝ ի թիվս այլ բաների, նրա հետ նվաճելով երեք Չեմպիոնների Լիգա և մեկ միջմայրցամաքային գավաթ: Կորցնելով տեղը հիմնական կազմում՝ վերադարձել է բասկյան ակումբ^[2]։

2006 թվականին մրցաշրջան է անցկացրել MLS-ի «Կոլորադո Ռեփիդզ» ակումբում, որի հետ հասել է Արևմտյան կոնֆերենցիայի եզրափակիչ, որից հետո ավարտել է կարիերան։

Հավաքականներում

1995 թվականի ապրիլի 26-ին միակ հանդիպումն է անցկացրել Իսպանիայի առաջին հավաքականի կազմում՝ Երևանում ընդդեմ Հայաստանի Եվրո 1996 թվականի ընտրության շրջանակներում։ 1996 թվականին Իսպանիայի հավաքականի հետ Եվրոպայի երիտասարդական առաջնության եզրափակչում պարտվել է իտալացիներին, իսկ Ատլանտայի Օլիմպիական խաղերում հասել է քառորդ եզրափակիչ։ Բասկերի երկրի հավաքականի կազմում ունի 6 խաղ։

Մարզչական կարիերա

Ֆուտբոլիստի կարիերան ավարտելուց հետո Կարանկան աշխատել է Իսպանիայի մինչև 15 տարեկանների հավաքականի գլխավոր մարզիչ, ինչպես նաև մինչև 17 տարեկանների հավաքականի գլխավոր մարզչի օգնական: 2010 թվականի հունիսի 8-ին Կարանկան դարձավ Մադրիդի «Ռեալի» գլխավոր մարզիչ Ժոզե Մոուրինյոյի օգնական^[3]։ Այն բանից հետո, երբ պորտուգալացի մարզիչը 2013 թվականի ամռանը լքեց մադրիդյան ակումբը, Կարանկան նույնպես հեռացվեց ակումբից փոխադարձ համաձայնությամբ^[4]։

2013 թվականի նոյեմբերի 13-ին գլխավորել է անգլիական «Միդլսբրոն», որը հանդես էր գալիս Չեմպիոնշիփում՝ այդ պաշտոնում փոխարինելով Թոնի Մոուբրեյին^[5]։ Կարանկայի օրոք «Միդլսբրոյում» հայտնվեցին մի շարք իսպանացի ֆուտբոլիստներ՝ Թոմաս Մեխիասը, Էմիլիո Նսուեն, Դամիա Աբելյան, Կիկեն։ 2014/15 մրցաշրջանում նա թիմին դուրս բերեց Չեմպիոնշիփի փլեյ-օֆֆի եզրափակիչ, իսկ 2015/16 մրցաշրջանում երկրորդ տեղից անմիջապես դուրս եկավ Պրեմիեր լիգա։ 2015 թվականի օգոստոսի 7-ին ակումբի հետ կնքել է նոր 4 տարվա պայմանագիր։ 2017 թվականի մարտի 16-ին «Միդլսբրոն» և Կարանկան փոխադարձ համաձայնությամբ խզել՝ պայմանագիրը։

2018 թվականի հունվարի 8-ին նշանակվել է «Նոթինգհեմ Ֆորեստի» գլխավոր մարզիչ՝ կնքելով 2,5 տարվա պայմանագիր^[6]։

Ընտանիք

Աիտորի կրտսեր եղբայրը՝ Դավիթը (ծն. 1978), նաև պրոֆեսիոնալ ֆուտբոլիստ, հարձակվող է։ Հանդես է եկել «Աթլետիկ Բիլբաոյում», «Սպորտինգ Խիխոնում», «Մուրսիայում»։

Ձեռքբերումներ

Թիմային

Որպես խաղացող

Իսպանիայի հավաքական (մինչև 21 )

Եվրոպայի Առաջնություն (մինչև 21 տարեկան պատանիներ):
- Արծաթե մեդալակիր՝ 1996

«Ռեալ Մադրիդ»

Միջմայրցամաքային գավաթ՝
- Հաղթող՝ 1998
- Արծաթե մեդալակիր՝ 2000
ՈՒԵՖԱ Չեմպիոնների լիգա՝
- Հաղթող՝ 1997/98, 1999/2000, 2001/02
ՈՒԵՖԱ-ի սուպերգավաթ՝
- Հաղթող՝ 1997/98, 1999/2000, 2001/02
Իսպանիայի սուպեգավաթ՝
- Հաղթող՝ 1997, 2001
Իսպանիայի առաջնություն՝
- Հաղթող՝ 2000/01
- Երկրորդ տեղ՝ 1998/99
Իսպանիայի գավաթ՝
- Եզրափակչի մասնակից՝ 2001/02

Որպես մարզիչ

«Միդլսբրո»

Անգլիայի ֆուտբոլային լիգայի փոխչեմպիոն (1)՝ 2015/16

Ծանոթագրություններ

↑ ^1,0 ^1,1 ^1,2 ^1,3 ^1,4 BDFutbol (կատ.)
↑ У «Реала» скромные запросы: Роналдо, Оуэн, Виейра… Արխիվացված է Դեկտեմբեր 2, 2013 Wayback Machine-ի միջոցով: Заметка в газете «Спорт-Экспресс» от 12 июля 2002 года
↑ Каранка подписал контракт с «Реалом» Արխիվացված է Հունիս 11, 2010 Wayback Machine-ի միջոցով:
↑ «Каранка покинул «Реал»». Արխիվացված է օրիգինալից 2013-07-19-ին. Վերցված է 2013-07-16-ին. {{cite web}}: Unknown parameter |deadlink= ignored (|url-status= suggested) (օգնություն)
↑ Aitor Karanka: Middlesbrough name ex-Real Madrid man as boss Արխիվացված է Դեկտեմբեր 3, 2015 Wayback Machine-ի միջոցով:, BBC Sport (13 ноября 2013)
↑ Айтор Каранка возглавил «Ноттингем Форест» Արխիվացված է Հունվար 10, 2018 Wayback Machine-ի միջոցով:, Советский Спорт (8 января 2018)

Արտաքին հղումներ

Պրոֆիլը transfermarkt.com կայքում(անգլ.)
Այտոր Կարանկա պրոֆիլը BDFutbol կայքում
Ֆուտբոլիստի էջը MLS կայքում(անգլ.)
Վիճակագրությունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Այտոր Կարանկա» հոդվածին։

[_818a1425e1337475-1] 1,0 ^1,1 ^1,2 ^1,3 ^1,4 BDFutbol (կատ.)

[2] У «Реала» скромные запросы: Роналдо, Оуэн, Виейра… Արխիվացված է Դեկտեմբեր 2, 2013 Wayback Machine-ի միջոցով: Заметка в газете «Спорт-Экспресс» от 12 июля 2002 года

[3] Каранка подписал контракт с «Реалом» Արխիվացված է Հունիս 11, 2010 Wayback Machine-ի միջոցով:

[4] «Каранка покинул «Реал»». Արխիվացված է օրիգինալից 2013-07-19-ին. Վերցված է 2013-07-16-ին. {{cite web}}: Unknown parameter |deadlink= ignored (|url-status= suggested) (օգնություն)

[5] Aitor Karanka: Middlesbrough name ex-Real Madrid man as boss Արխիվացված է Դեկտեմբեր 3, 2015 Wayback Machine-ի միջոցով:, BBC Sport (13 ноября 2013)

[6] Айтор Каранка возглавил «Ноттингем Форест» Արխիվացված է Հունվար 10, 2018 Wayback Machine-ի միջոցով:, Советский Спорт (8 января 2018)

[1]

[2]

[3]

[4]

[5]

[6]