Սոնա Առուստամյան

Սոնա Առուստամյան
Ծնվել է	մարտի 20, 1973(1973-03-20) (52 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի պարարվեստի պետական քոլեջ (1991)
Մասնագիտություն	բալետի պարող և ուսուցչուհի
Աշխատատու	Կրասնոդարի բալետի թատրոն, Երևանի պարարվեստի պետական քոլեջ, Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Պարգևներ և մրցանակներ	և Հայաստանի մշակույթի նախարարության ոսկե մեդալ

Սոնա Մելսի Առուստամյան (մարտի 20, 1973(1973-03-20), Երևան, Հայկական ԽՍՀ, ԽՍՀՄ), բալետի առաջատար մենապարուհի։ Հայաստանի վաստակավոր արտիստ (2011)։

Կենսագրություն

1983-1991 թվականներին սովորել է Երևանի պարարվեստի պետական ուսումնարանում՝ ստանալով բալետի պարողի և պարուսույցի որակավորում։ 1991-1995 թվականներին աշխատել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնում՝ որպես բալետի մենապարուհի։ 1995-1997 թվականներին եղել է Կրասնոդարի «Պրեմիեր» բալետային թատերախմբի մենապարուհի, որտեղ մենապարել է «Կարապի լիճ», «Ոսկե դարաշրջան», «Ժիզել», «Դոն Կիխոտ» և այլ դասական ու ժամանակակից բալետային ներկայացումներում։ 1997 թվականից Երևանի պարարվեստի ուսումնարանի դասական պարի պարուսույց է։ 1997 թվականից Ալեքսանդր Սպենդիարյանի անվան օպերայի և բալետի թատրոնի առաջատար մենապարուհի։

Հյուրախաղերով հանդես է եկել ԱՄՆ-ում, Ֆրանսիայում, Իսպանիայում, Ռուսաստանում, Եգիպտոսում, Թուրքիայում, Սիրիայում, Բահրեյնում, Քաթարում, Արաբական Միացյալ Էմիրություններում և այլուր։

Խաղացանկ

• Ծաղկավաճառ, փողոցային պարուհի՝ «Դոն Կիխոտ», Լ. Մինկուս
• Ժիզել՝ «Ժիզել», Ադոլֆ Ադան
• Կիտրի՝ «Դոն Կիխոտ», Լյուդվիգ Մինկուս
• Գայանե՝ «Գայանե», Արամ Խաչատրյան
• Կարմեն՝ «Կարմեն-սյուիտ», Բիզե-Շեդրին
• «Շոպենիանա», Ֆրեդերիկ Շոպեն
• «Տանգո», Աստոր Պիացոլա

Փոքրիկ դերեր «Կարապի լիճ», «Շելկունչիկ», «Սառցե Թագուհի» և այլ բալետային ներկայացումներում։

Մրցանակներ

• ՀՀ մշակույթի նախարարության ոսկե մեդալ (2008)
• ՀԱԹՄ կողմից «Տարվա լավագույն բալետային դերասան» մրցանակ (2001)
• Հայաստանի վաստակավոր արտիստ (2011)