Սաշա Ռոյզ
| Սաշա Ռոյզ | |
|---|---|
 | |
| Ծննդյան թիվ՝ | հոկտեմբերի 21, 1973[1] (50 տարեկան) |
| Ծննդավայր՝ | Յաֆֆա, Թել Ավիվ, Իսրայել |
| Քաղաքացիություն՝ |  Կանադա Իսրայել |
| Մասնագիտություն՝ | դերասան, կինոդերասան և հեռուստատեսային դերասան |
| IMDb։ | ID 1501388 |
Սաշա Ռոյզ (անգլ.՝ Sasha Roiz, հոկտեմբերի 21, 1973[1], Յաֆֆա, Թել Ավիվ, Իսրայել), կանադացի դերասան։ Առավել հայտնի է «Կապրիկա» սերիալում Սեմ Ադամի դերով և «Գրիմ» հեռուստասերիալում կապիտան Շոն Ռենարի դերով։
Կենսագրություն
[խմբագրել | խմբագրել կոդը]Ծնվել է Յաֆֆայում (Իսրայել) ԽՍՀՄ-ից եկած ներգաղթյալներ Յակով Ռոյզմանի և Ռիմմա Կոգանի ընտանիքում[2][3]։ 1980 թվականին ծնողների և եղբոր` Իլանի հետ տեղափոխվել է Մոնրեալ (Կանադա), այնտեղ հայրը աշխատում էր որպես ինժեներ, իսկ հետագայում գլխավորում է CEATI International Inc շինարարա-էներգետիկական ընկերությունը[4][5]։
Դպրոցն ավարտելուց հետո քոլեջում պատմություն է ուսումնասիրել։ Երիտասարդ տարիներին, մինչ դերասանական արվեստին նվիրվելը, Սաշան ակտիվորեն զբաղվել է թեթև ատլետիկայով և երաժշտությամբ։ 1996-ից 1999 թվականներին եղել է թմբուկահար Ջունոի առաջադրված Tricky Woo ինդի ռոք խմբում։ Երրորդ` Sometimes I Cry ալբոմի դուրս գալուց հետո, 1999 թվականին լքում է խումբը և զբաղվում այն գործով, որով միշտ ցանկացել է զբաղվել. «Ես ընդունվել եմ թատերական դպրոց, երբ 25 տարեկան էի և սովորել եմ այնտեղ 4 տարի։ Միշտ ցանկացել եմ դերասան դառնալ, սակայն կյանքի վաղ էտապներում բավական համարձակություն չեմ ունեցել երազանքս իրականացնելու համար»[6][7]։
2002 թվականին ավարտել է Գիլֆորդի դերասանական արվեստի դպրոցը Անգլիայում։ Վերադառնալով Կանադա, Սաշա Ռոյզը մեկ տարի աշխատել է Մոնրեալի թատրոնում, հետո տեղափոխվել է Տորոնտո, որտեղ չորս տարվա ընթացքում ձեռք է բերել թատրոնի և կինոյի դերասանի փորձ։ 2005 թվականին Քվեբեկում առաջադրվել է թատերական Դիմակներ մրցանակաբաշխության «Լավագույն երկրորդ պլանի դերասան» անվանակարգում[8]։ 2007 թվականին տեղափոխվում է Լոս Անջելես, որտեղ այժմ ապրում և աշխատում է։
Կարիերա
[խմբագրել | խմբագրել կոդը]Իր հեռուստատեսային դերասանական կարիերան սկսել է 2001թվականին, երբ մասնակցել է «Լարգո» սերիալի նկարահանումներին։ 2003 թվականին Սաշային հրավիրել են Ստիվեն Լիլսի «Փլեյմեյքերները» սպորտային հեռուստադրամայում հիմնական դերերից մեկը կատարելու և նա նկարահանվել է վեց էպիզոդներում։
Դեբյուտը մեծ էկրանին տեղի է ունեցել 2004 թվականին, երբ մասնակցություն է ունեցել «Վաղը չէ մյուս օրը» ֆիլմի նկարահանումներին Ջեյք Ջիլենհոլի և Դեննիս Քուեյդի հետ։ Հաջորդ տարի նկարահանվել է «Հարձակում 13-րդ բաժնի վրա» և «Մահացածների երկիրը » ֆիլմերում, նաև միացել է «Show Me Yours» սերիալի դերասանական կազմին` խաղալով Չեզ Բենկսի դերը։ 2006թվականին դեր է ստացել «Ճանապարհ դեպի սեպտեմբերի 11-ը» աղետ-ֆիլմում և նկարահանվել է «Տարվա մարդ»-ում Ռոբին Ուիլյամսի և Քրիստոֆեր Ուոքենի հետ։ 2007 թվականին ստացել է գլխավոր դեր կանադական «Across the River to Motor City» մինի սերիալում, որտեղ խաղացել է քննիչ Բեն Ֆորդի դերը, որը ստիպված է եղել հետաքննել իր սիրելիի` բորտուղեկցուհի Քեթի Վիլտոնի անհետացումը[9]։ 2008 թվականին խաղացել է օլիմպիական չեմպիոն Ալեքս Բաումանի դերը «Վիկտոր։ Վիկտոր Դևիսի պատմութունը» ֆիլմում[10]։
Հաջորդ մի քանի տարիների ընթացքում, որպես հրավիրված դերասան մասնակցություն է ունեցել այնպիսի հանրահայտ սերիալներում, ինչպիսիք են «C.S.I.: Հանցագործության վայրը Մայամի», «Խաբիր ինձ», «Հաուս (հեռուստասերիալ)», «Մենտալիստը» և այլն։ 2009 թվականին անցել է քասթինգը և ստանձնել Սեմ Ադամի դերը ամերիկյան Կինոֆանտաստիկա ժանրի «Կապրիկա» սերիալում[11][12]։ 2011 թվականին միացել է «Գրիմ» հեռուստասերիալի հիմնական դերասանական կազմին[13], որի պրեմիերան տեղի է ունեցել NBC հեռուստաալիքով` 2011թվականի հոկտեմբերի 28-ին։ 2012 թվականին խաղացել է Թոմաս Ջեյկոբսի դերը «Էքստրակտ» ֆիլմում։
Անձնական կյանք
[խմբագրել | խմբագրել կոդը]Դերասանի ընտանիքը Կանադա տեղափոխվելուց հետո փոխել է Ռոյզման ազգանունը ավելի կարճ` Ռոյզի։ Սաշան տիրապետում է երեք լեզվի` անգլերենի, ֆրանսերենի և ռուսերենի։ Իր ընտանիքում շփման հիմնական լեզուն ռուսերենն է։ Սաշա Ռոյզը ինչպես նախկինում շատ ժամանակ է հատկացնում երաժշտությանը, նվագում է Կիթառ և Դաշնամուր, երբեմն երգում է, սակայն թմբուկի փայտիկները ինչպես նա է ասել հարցազրույցի ժամանակ «մնացել են անցյալում»[14]։
Ֆիլմագրություն
[խմբագրել | խմբագրել կոդը]| Տարի | Անվանումը հայերեն | Անվանումը անգլերեն | Դերը |
|---|---|---|---|
| 2001 | Լարգո | Largo | Սերգեյ |
| 2003 | Փլայմեյքերները | Playmakers | Ստիվեն Լիլս |
| 2003 | Իքս Մուտանտները | Mutant X | Նատանիել |
| 2004 | Դելտա նահանգ | Delta State | Սվեն |
| 2004 | Վաղը չէ մյուս օրը | The Day After Tomorrow | տեզերագնաց Փարկեր |
| 2004 | 1-800-Missing | Ռենդալլ Մակհեմ | |
| 2004 | Քեվին Հիլլ | Kevin Hill | Նիք Բրատտ |
| 2004 | Մեռած իրավաբաններ | Dead Lawyers | Ռոբերտ Բլյումենտալ |
| 2005 | Հարձակում 13-րդ բաժնի վրա | Assault on Precinct 13 | Ջեյսոն Էլիաս |
| 2005 | Խաղի վերջը | Tilt | Բլեյք |
| 2005 | Show Me Yours | Չեզ Բենքս | |
| 2005 | Մահացածների երկիրը | Land of the Dead | Մանոլետտե |
| 2005 | Գեղեցիկ մարդիկ | Beautiful People | Պարոն Տաբոր |
| 2005 | Մայիսի մեկ | Mayday | Ուեյն Ջոնսոն |
| 2005 | The Power Strikers | մարզիչ Մենզանո | |
| 2006 | 16 բլոկ | 16 Blocks | դետեկտիվ Կելլեր |
| 2006 | Ճանապարհ դեպի սեպտեմբերի 11-ը | The Path to 9/11 | Նիք Դեմոյա |
| 2006 | Տարվա մարդ | Man of the Year | Դոնալդ Թիլսոն |
| 2006 | G-Spot | Ջեկսոն | |
| 2006 | ՋԵյն շոու | The Jane Show | Թեդ |
| 2006-2007 | Ջեֆ ՍՊԸ | Jeff Ltd. | Թեյլոր Բլում |
| 2007 | Ծովային ոստիկանություն:Հատուկ ջոկատ | NCIS: Naval Criminal Investigative Service | հատուկ ագենտ Ռիք հելլ |
| 2007 | Գետի վրայով դեպի Դեթրոիդ | Across the River to Motor City | Բեն Ֆորդ |
| 2007 | C.S.I.: Հանցագործության վայրը Մայամի | CSI: Miami | Դարրեն Բաթլեր |
| 2008 | Վիկտոր։ Վիկտոր Դեվիսի պատմութունը | Victor:The Victor Davis Story | Ալեքս Բաուման |
| 2008 | Տերմինատոր:Կռիվ ապագայի համար | Terminator: The Sarah Connor Chronicles | ոստիկանության տեսուչ |
| 2008 | Պարզ տեսարանով | In Plain Sight | Անտոն Իվանով |
| 2008 | Այրվել | Burn Up | Դեվիդ Մակրեդի |
| 2009 | Մենտալիստը | The Mentalist | Կիտ Ուոլկատ |
| 2009 | Խաբիր ինձ | Lie to Me | կապիտան Դեվիդ Մարկով |
| 2009-2010 | Կապրիկա | Caprica | Սեմ Ադամ |
| 2010 | Անհնար է | Unthinkable | քննիչ Լյուբիչիչ |
| 2010 | C.S.I.:Հանցագործության վայրը | CSI: Crime Scene Investigation | Դեննի Մակլին |
| 2010 | Հաուս | House, M.D. | սերժանտ Դրիսքոլլ |
| 2010 | Crazy/Sexy/Awkward | դոկտոր Դերրիկ Լերման | |
| 2011 | Քասլ | Castle | Բոբբի Ստարկ |
| 2011 | Պահեստ 13 | Warehouse 13 | Մարկուս Դեյմոնդ |
| 2011 | Հարևաններ | Neighbors | Մարկ Լեվինս |
| 2011-2017 | Գրիմ | Grimm | կապիտան Շոն Ռենար |
| 2011 | Ֆիլադելֆիայում միշտ արևոտ է | It's Always Sunny in Philadelphia | Ադրիանո Կալվանեզե |
| 2012 | Էքստրակտ | Extracted | Թոմ |
| 2012 | Ամուսիններ | Husbands | լուսնկարիչ |
| 2014 | Pompeii | Պրոկոլ |
Ծանոթագրություններ
[խմբագրել | խմբագրել կոդը]- ↑ 1,0 1,1 filmportal.de — 2005.
- ↑ Ready for your close-up, Portland?(չաշխատող հղում)
- ↑ Яков Ройзман, Александр (Саша) и Илан Ройзман, Рима Коган
- ↑ Jacob A. Roiz
- ↑ «CEATI International». Արխիվացված է օրիգինալից 2012 թ․ հունիսի 19-ին. Վերցված է 2017 թ․ նոյեմբերի 24-ին.
- ↑ Из интервью Արխիվացված 2011-09-26 Wayback Machine(անգլ.) с Сашей Ройзом для журнала IAE Magazine
- ↑ Профиль актёра на AcrossTheRiver.tv, Արխիվացված 2015-07-08 Wayback Machine(անգլ.) оф.сайте сериала Across the River to Motor City
- ↑ Биография(անգլ.) на NBC.Com
- ↑ Kardonne, Rick (10 сентября 2007). «Canadian-US TV series looks back at turning point in history». The Jewish Tribune. Արխիվացված է օրիգինալից 2014 թ․ փետրվարի 1-ին. Վերցված է 27 сентября 2011-ին.
- ↑ «Film celebrates pool legend's life». Canada.com. 11 ноября 2006. Արխիվացված է օրիգինալից 2014 թ․ ապրիլի 28-ին. Վերցված է 27 сентября 2011-ին.
- ↑ Jevon, Phillips (16 января 2010). «'Caprica' countdown: Sasha Roiz says, 'Something ominous is coming'». Los Angeles Times. Վերցված է 27 сентября 2011-ին.
- ↑ Rudolph, Christopher (25 марта 2010). «Need To Know: Sasha Roiz». Out.com. Վերցված է 27 сентября 2011-ին.
- ↑ Berezovska, Lina (11 июля 2011). «Sasha Roiz of 'Caprica' fame talks about his role in 'Grimm'». The Epoch Times. Արխիվացված է օրիգինալից 2011 թ․ հուլիսի 14-ին. Վերցված է 27 сентября 2011-ին.
- ↑ Kates, Kathryn. «Jaffa-born actor stars in CityTV mini-series». The Canadian Jewish News. Արխիվացված է օրիգինալից 2007 թ․ հոկտեմբերի 13-ին. Վերցված է 2011 թ․ նոյեմբերի 24-ին. Архивировано из первоисточника 12 октября 2007 года с archive.org.
 | Վիքիպահեստն ունի նյութեր, որոնք վերաբերում են «Սաշա Ռոյզ» հոդվածին։ |
| ||||||||||||||
