Ջուզեպպե դե Սանտիս

Վիքիպեդիայից՝ ազատ հանրագիտարանից
Jump to navigation Jump to search
Ջուզեպպե դե Սանտիս
Giuseppe De Santis.jpg
Ծնվել էփետրվարի 11, 1917(1917-02-11)[1][2]
ԾննդավայրՖոնդի, Լատինա, Լացիո, Իտալիա[3]
Մահացել էմայիսի 16, 1997(1997-05-16)[1][4][5][2] (80 տարեկանում)
Մահվան վայրՀռոմ, Իտալիա[1]
ՔաղաքացիությունFlag of Italy.svg Իտալիա
Flag of Italy (1861–1946).svg Իտալիայի թագավորություն
ԿրթությունԿինեմատոգրաֆիայի փորձարարական կենտրոն
ԵրկերBitter Rice?
Մասնագիտությունկինոռեժիսոր և սցենարիստ
ԵրեխաներLuisa De Santis?

Ջուզեպպե դե Սանտիս (իտալ.՝ De Santis), (փետրվարի 11, 1917(1917-02-11)[1][2], Ֆոնդի, Լատինա, Լացիո, Իտալիա[3] - մայիսի 16, 1997(1997-05-16)[1][4][5][2], Հռոմ, Իտալիա[1]), իտալացի կինոռեժիսոր։

Կենսագրություն[խմբագրել | խմբագրել կոդը]

Ջուզեպպե դե Սանտիսը ծնվել է 1917 թվականին, Իտալիայի Ֆոնդի քաղաքում: Ավարտել է Հռոմի համալսարանի փիլիսոփայության ֆակուլտետը։ Նեոռեալիզմի հիմնադիրներից է: Հանդես է եկել «Չինեմա» ամսագրում՝ ընդդեմ ֆաշիստական կինեմատոգրաֆի և կուլտուրայի: 1943-1945 թթ. մասնակցել է իտալական դիմադրության շարժմանը, ընդունվել Իտալիայի կոմկուսի շարքերը։ 1942 թվականին որպես սցենարիստ մասնակցել է ռեժիսոր Լուկինո Վիսկոնտիի «Մոլեգնություն» կինոժապավենի նկարահանման աշխատանքներին: Ալդո Վերգանոյի «Արևը նորից է ծագում» նկարում երկրորդ ռեժիսորի պարտականությունը կատարած Դե Սանտեսը 1947 թվականին նկարահանում է «Ողբերգական որս» իր առաջին ինքնուրույն կինոնկարը: 1947 թվականին Վենետիկում կայացած միջազգային ութերորդ կինոփառատոնում այս կինոնկարն արժանանում է Իտալիայի նախարարների խորհրդի նախագահության մրցանակին: Իր քաղաքական «Խորտակված անուրջներ» կինոնկարում (1953 թ.), ռեժիսոր Ջուզեպպե դե Սանտիսն իր գեղարվեստական հայացքները մարմնավորել է առաջին իսկ ֆիլմում («Ողբերգական որս», 1947 թ.)։ Լավագույն կինոնկարներն են՝ «Դառը բրինձ» (1949), «Չկա խաղաղություն ձիթենիների տակ» (1950 թ.), «Հռոմը ժամը 11-ին» (1952 թ.), (1953 թ., սովետական պրոկատում՝ «Խորտակված անուրջներ»), «Սիրո օրեր» (1953), «Մարդիկ և գայլեր (1956), «Մեկ տարվա երկարությամբ ճանապարհը» (1958), «Ամուրիի բնակարանը» (1960): 1964 թ. բեմադրել է սովետա–իտալական «Նրանք գնում էին Արևելք» կինոնկարը։ Դե Սանտի կինոնկարներն ունեն խոր սոցիալական բնույթ, հագեցված են ռոմանտիկ շնչով։ Շուրջ ութ տարիների ընդմիջումից հետո, 1972 թվականին, Դե Սանտիսը նկարահանել է «Ապագայով ապահովված որակյալ մասնագետը» ժապավենը:

Կինոնկարներ[խմբագրել | խմբագրել կոդը]

  • «Չկա խաղաղություն ձիթենիների տակ»
  • «Հռոմը ժամը 11-ին»
  • «Ամուսին տվեք Աննա Զակկեոյին»
  • «Խորտակված անուրջներ»
  • «Նրանք գնում էին Արևելք»

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 352 CC-BY-SA-icon-80x15.png