Ջոն Բերբերյան

Վիքիպեդիայից՝ ազատ հանրագիտարանից
Jump to navigation Jump to search
Ջոն Բերբերյան
Ծնվել էհոկտեմբերի 9, 1941(1941-10-09) (80 տարեկան)
Նյու Յորք, Նյու Յորք, ԱՄՆ
ԵրկիրFlag of the United States.svg ԱՄՆ
Մասնագիտություներաժիշտ
ԿրթությունԿոլումբիայի համալսարան և Հարվարդի բիզնես դպրոց

Ջոն Ջ. Բերբերյան (անգլ.՝ John J. Berberian, հոկտեմբերի 9, 1941(1941-10-09), Նյու Յորք, Նյու Յորք, ԱՄՆ), ամերիկահայ երաժիշտ, ուդահար։

Կենսագրություն[խմբագրել | խմբագրել կոդը]

Ջոն Բերբերյանը ծնվել է Նյու Յորքում, հայ ներգաղթյալների ընտանիքում։ Նրա հայրը՝ Երվանդ Բերբերյանը, փորձառու ուդահար էր և նվագարաններ պատրաստող։ Նրանց տուն էին հաճախում հայկական, թուրքական և հունական ծագմամբ ուդագործ վարպետներ։ Ջոն Բերբերյանն իր երաժշտական կրթությունը սկսել է ջութակ սովորելով, բայց 10 տարեկանում սկսել է ուդով ընդօրինակել հորը։ 16 տարեկանում նա որպես երաժիշտ ունեցել է իր առաջին աշխատանքը. նա ուդ է նվագել Ուիթինսվիլի (Մասաչուսեթս նահանգ) նվագախմբում[1]։

Ավարտել է Կոլումբիայի համալսարանը՝ տնտեսագիտության բակալավրի աստիճանով, իսկ մագիստրոսի աստիճանը ստացել է Հարվարդի բիզնես դպրոցից։ Ուսանողական տարիներին նա կանոնավոր կերպով ելույթ է ունեցել Մանհեթենի գիշերային ակումբներում։ 1960-ական թվականների սկզբից նա ձայնագրվել է մի շարք լեյբլների համար, ներառյալ՝ MGM, RCA, Roulette, Verve և Mainstream Records[1]։

Էթնիկ երաժշտության շուկայից դուրս է եկել 1960-ական թվականների կեսերին, «համաշխարհային երաժշտությունը» նորաձև դառնալուց տասնամյակներ առաջ՝ թողարկելով մի շարք սկավառակներ, որոնցում ուսումնասիրվում էին Մերձավոր Արևելքի ավանդական երաժշտության, հոգեբանական ռոքի և ջազի միաձուլումները։ Դրանց թվում էին Express East (1964), Music of the Middle East (1966) և Middle East Rock (1969) սկավառակները՝ կիթառահար Ջո Բեքի մասնակցությամբ։ Բերբերյանը ստեղծել է իր ձայնագրման ստուդիան և ձայնագրման լեյբլը՝ Olympia-ն։ Երաժիշտի կարիերային զուգահեռ նա աշխատել է որպես գնումների գործակալ Նյու Յորքում[1]։

Բերբերյանը վաստակել է ողջ աշխարհի երաժիշտների հարգանքը։ Նա մասնակցել է բազմաթիվ համերգների ԱՄՆ-ում, Կանադայում և Հարավային Ամերիկայում և աշխարհում մի քանի երաժիշտներից մեկն է, ում շնորհվել է Ուդի (ուդի վարպետ) կոչումը։

Բերբերյանն այժմ ապրում է Մասաչուսեթսում։

Անձնական կյանք[խմբագրել | խմբագրել կոդը]

Ջոն Ջ. Բերբերյանն ամուսնացած է եղել Բարբարա Կոշկարյանի հետ։ Նրանք ունեն երեք զավակ՝ Նիկոլ, Քրիստեն և Ադամ, և վեց թոռ[1]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]