Գիշերային ակումբ

Վիքիպեդիայից՝ ազատ հանրագիտարանից
Ակումբային տիպիկ միջավայր

Գիշերային ակումբ (անգլ.՝ night club), դիսկոտեկ, կամ պարզապես` ակումբ, հասարակական հաստատություն` նախատեսված հաճախորդների լիցքաթափման և ժամանցի համար։ Բարերից ու փաբերից տարբերվում է այն հանգամանքով, որ հագեցված է պարահրապարակով և դիջեյի խցիկով, որտեղից էլ վերջինս հզոր ձայնահամակարգի միջոցով տարածում է երաժշտությունը, (հիմնականում՝ էլեկտրո, փոփ, հաուս, ռեգգի, հիփ հոփ, ռոք ժանրերում և դրանց ենթաոճերում)։ Որոշ ակումբներ էլ իրենց հերթին առանձնանում են միայն մեկ երաժշտական ժանրի մեջ։ Բացի ձայնագրված երաժշտություններից ակումբներում կարող են նաև ելույթ ունենալ երաժիշտները` իրենց կենդանի կատարումներով։

Ակումբներում կարող են գործել այսպես կոչված ֆեյս կոնտրոլ և դրես կոդ համակարգերը, որոնք սահմանափակում են տարբեր արտաքին տվյալները կամ հագուստային պահանջները չբավարարող անձանց մուտքն ակումբ։

Ակումբներում շատ հաճախ տարբեր առիթներով կազմակերպվում են որոշակի բովանդակություններով երեկույթներ (փարթիներ)։