Ջոննի Նոքսվիլ

Ջոննի Նոքսվիլ; անգլ.՝ Johnny Knoxville
Ծնվել է	մարտի 11, 1971 (55 տարեկան)
Ծննդավայր	Նոքսվիլ, Թենեսի, ԱՄՆ
Կրթություն	South-Doyle High School?
Քաղաքացիություն	ԱՄՆ
Մասնագիտություն	դերասան, սցենարիստ, կինոդերասան, հնչյունավորող, հնարքներ բանեցնող, կինոպրոդյուսեր և հեռուստատեսային դերասան
Ակտիվ շրջան	1992 մինչև այսօր
Ամուսին(ներ)	անհայտ, անհայտ և անհայտ
Անդամություն	Ամերիկա Ուեսթի գրողների գիլդիա

Ֆիլիպ Ջոն Կլեպ (անգլ.՝ Philip John Clapp, մարտի 11, 1971(1971-03-11)^[1], Նոքսվիլ, Թենեսի, ԱՄՆ) հայտնի է Ջոննի Նոքսվիլ անունով (Johnny Knoxville)՝ ամերիկացի դերասան, սցենարիստ, պրոդյուսեր և կասկադյոր։

Կենսագրություն

Ջոննի Նոքսվիլը ծնվել է 1971 թվականի մարտի 11-ին Նոքսվիլում (Թենեսի նահանգ)։ 4 տարի միաժամանակ հիվանդացել է գրիպով, թոքաբորբով և բրոնխաբորբով, մինչև հիմա տառապում է բրոնխային հեղձուկ հիվանդությամբ։ Դեռևս դպրոցական տարիներից հակված էր խուլիգանությունների։ 1990 թվականին տեղափոխվել է Լոս Անջելես։

Կարիերա

Դերասանական վարպետություն ուսանել է Կալիֆոռնիայի Դրամատիկական արվեստի ակադեմիայում և նույնիսկ նկարահանվել է մի քանի ֆիլմերում։ 2000 թվականին հրավիրվեց հեռուստատեսություն, որպեսզի ստեղծի «Խենթեր» շոուն, որի մասնակիցներն իրենց և ուրիշների հետ հիմար և վտանգավոր փորձարկումներ էին կատարում։ Շոուի գաղափարների վրա նա աշխատել է Սպայկ Ջոնզ ռեժիսորի հետ միասին։ Առաջին անգամ եթեր է հեռարձակվել 2001 թվականին MTV ալիքով։ Շոուն բաղկացած էր կեսժամյա դրվագներից։ Ծայրահեղ սպորտի տեսակների մասին հայտնի ամսագրի խնդրանքով Ջոննի Նոքսվիլն իր վրա փորձարկեց ինքնապաշտպանական միջոցները։ Նրա կարծիքով ամենադժվարն արցունքաբեր գազի փորձարկումն էր։ «Այն մնում է աչքերում 15 րոպե,- ասում է Ջոնը։ Ինչ-որ մեկը խորհուրդ է տվել լվանալ աչքերը կաթով, սակայն դա չօգնեց»։ Այդ բոլոր փորձարկումների տեսահոլովակները նա ուղարկում էր ամսագրի խմբագիրներին։ «Ես նույնիսկ չէի ենթադրում, որ այս ամենից շոու կստացվի,- ասում է Ջոնը։ Ես ուղղակի անում էի այդ ամենը չմտածելով հետևանքների մասին»։

Անձնական կյանք

1995 թվականի մայիսի 15-ին նա ամուսնացել է Մելանի Լին Քեյթսի հետ։ 1996 թվականին ծնվեց նրանց դուստրը՝ Մեդիսոնը։ 2007 թվականի փետրվարին Մելանին և Ջոնը հայտարարեցին իրենց ամուսնալուծության մասին։ 2008 թվականի մարտի 20-ին նրանք վերջնական ամուսնալուծվեցին։ 2008 թվականի սեպտեմբերին Ջոնը սկսեց հանդիպել Նաոմի Նելսոնի հետ։ 2009 թվականի դեկտեմբերի 21-ին նա երկրորդ անգամ դարձավ հայր։ Նրանք ունեցան որդի, որին անվանեցին Ռոկո Ակիրա Կլեպ։ 2010 թվականի սեպտեմբերի 24-ին նա օրինականացրեց իր և Նաոմիի հարաբերությունները, իսկ 2011 թվականի հոկտեմբերի 6-ին նրանք ունեցան դուստր՝ Էրլո Կլեպ։

Ֆիլմագրություն

Թվական	Հայերեն անվանում	Բնօրինակ անվանում
1995	Desert Blues	Desert Blues
2000	Կեղտոտ կոյոտ բար	Coyote Ugly
2001	Ռոմանտիկ հանցագործություն	Life Without Dick
2002	Մեծ անհաջողություններ	Big Trouble
2002	Սևազգեստ մարդիկ 2	Men in Black II
2002	Խենթեր	Jackass: The Movie
2004	Մեծ քայլերով (ֆիլմ, 2004)	Walking Tall
2005	Դալտի Քալհուն	Daltry Calhoun
2005	Սիմուլյանտ	The Ringer
2011	Հանճարեղ հայրիկ (ֆիլմ)	Father of Invention
2013	Հերոսի վերադարձը	The Last Stand
2014	Նինջա - կրիաներ	Teenage Mutant Ninja Turtles
2016	Անհուսալի գործընկերներ	Skiptrace
2016	Նինջա - կրիաներ 2	Teenage Mutant Ninja Turtles: Out of the Shadows

Անվանակարգեր

MTV Movie Awards 2003 — «Լավագույն հումորային կատարում» («Խենթեր»).

Ծանոթագրություններ

1 2 Deutsche Nationalbibliothek Record #140980504 // Gemeinsame Normdatei (գերմ.) — 2012—2016.
↑ WGA Find a Writer

Արտաքին հղումներ

Վիքիպահեստն ունի նյութեր, որոնք վերաբերում են «Ջոննի Նոքսվիլ» հոդվածին։

[_a02529e09fb1f454-1] 1 2 Deutsche Nationalbibliothek Record #140980504 // Gemeinsame Normdatei (գերմ.) — 2012—2016.

[_b65736a9037cbc75-2] WGA Find a Writer

[1]

[2]