Ջեքի Գլիսոն

Ջեքի Գլիսոն
Ջեքի Գլիսոն
Ծննդյան թիվ՝	փետրվարի 26, 1916[…]
Ծննդավայր՝	Բրուքլին, Նյու Յորք, Նյու Յորք, ԱՄՆ
Վախճանի թիվ՝	հունիսի 24, 1987[…] (71 տարեկան)
Վախճանի վայր՝	Ֆորթ Լոդերդեյլ, Ֆլորիդա, ԱՄՆ
Քաղաքացիություն՝	ԱՄՆ
Մասնագիտություն՝	կինոդերասան, սցենարիստ, թատրոնի դերասան, հեռուստատեսային դերասան, կոմպոզիտոր և կինոպրոդյուսեր
Պարգևներ՝	Փիբոդի պարգև, «Թոնի» մրցանակ՝ մյուզիքլում լավագույն տղամարդու դերի համար (1960) և Հոլիվուդյան փառքի ծառուղու աստղ
IMDb։	ID 0001276

Ջեքի Գլիսոն (անգլ.՝ Jackie Gleason (John Herbert Gleason), փետրվարի 26, 1916(1916-02-26)^[1]^[2]^[3]^[…], Բրուքլին, Նյու Յորք, Նյու Յորք, ԱՄՆ^[4] - հունիսի 24, 1987(1987-06-24)^[1]^[2]^[3]^[…], Ֆորթ Լոդերդեյլ, Ֆլորիդա, ԱՄՆ), ամերիկացի կատակերգական դերասան (1964 թվականին առաջադրվել է «Ոսկե գլոբուս» մրցանակի հեռուստատեսային սերիալում տղամարդու լավագույն դերի համար) և երաժիշտ, որը ձայնագրվել է «Criteria Studios» ստուդիայում։

Կենսագրություն[խմբագրել | խմբագրել կոդը]

Ծնվել է 1916 թվականի փետրվարի 26-ին Բրուքլինում՝ Իռլանդիայից ներգաղթած Հերբերտ և Մեյ Գլիսոնների ընտանիքում։ Մի քանի տարի անց՝ 1925 թվականի դեկտեմբերին, հայրը լքել է ընտանիքը, և Ջեքին ստիպված է եղել աշխատել տրանսպորտային ընկերությունում։

Հոր հեռանալուց հետո երիտասարդ Գլիսոնը մնացել է առանց հսկողության, տեղի ավազակախմբի հետ թափառել է փողոցներով, հազվադեպ է հաճախել դպրոցներ, որոնք այդպես էլ չի ավարտել։ Աշխատանքի փնտրտուքներով շրջել է թատրոններով, ուր երբեմն աշխատել է որպես կոնֆերանսիե և խաղացել է էպիզոդային դերերում (Halsey Theater և Folly Theater): Ջեքիին դաստիարակել է մայրը, որը մահացել է 1935 թվականին։ Ջեքիի առաջին ընկերուհու ընտանիքն առաջարկել է նրան տանել Նյու Յորքից, բայց նա մնացել է քաղաքում և ընկերոջ հետ, որը թատրոններից մեկի կատակերգու էր, հաստատվել է հյուրանոցային համարում։ Ընկերը Գլիսոնի համար կատակերգուի աշխատանք է գտել Ռեդինգում (Փենսիլվանիա), որտեղ նրա գործակալն ապահովել է աշխատավարձ, որը բավականացրել է Ռեդինգ գնալու և ապրելու համար։ Դա եղել է Գլիսոնի՝ որպես պրոֆեսիոնալ կատակերգակի առաջին աշխատանքը, որ կատարել է փոքր ակումբներում։

Մուտք Jackie Gleason Theater, Մայամի

Դրան հաջորդել է կատակերգուի մեծ կարիերան՝ աշխատանք շատ հայտնի թատրոնների և կինոստուդիաների հետ, նկարահանումներ հեռուստատեսությունում, գործունեություն՝ որպես երաժիշտ։

1952 թվականին CBS-ը ստեղծել է «Ջեքի Գլիսոնի շոու»-ն։ «Ջեքի Գլիսոնի շոու»-ն եղել է ժամային վարիետե (թեթև ժանրի թատրոն), որին մասնակցել են նաև պարողներ^[5]։

Ջեքի Գլիսոնը շատ է ծխել (մի քանի տուփ ծխախոտ մեկ օրում), ինչն ի վերջո հանգեցրել է առողջության հետ խնդիրների։ Նա մահացել է 1987 թվականի հունիսի 24-ին հաստ աղիքի քաղցկեղից Ֆլորիդայի իր տանը։ Թաղվել է Մայամիի «Our Lady of Mercy » կաթոլիկ գերեզմանոցում^[6]։

Գլիսոնն ամուսնացած է եղել երեք անգամ՝ Ժենևեվ Նալֆորդի (1936-1970), Բևերլի ՄաքՔիթրիկի (1970-1975) և Մերիլին Թեյլորի (1975-1987) հետ։ Առաջին կնոջից ունեցել է երկու դուստր՝ Ջերալդինա (1940) և Լինդա (1942)։

Մայամիի կատարողական արվեստի թատրոնը կրում է Ջեքի Գլիսոնի անունը։

Ընտրյալ ֆիլմագրություն[խմբագրել | խմբագրել կոդը]

1941 - «Ամբողջ գիշերվա ընթացքում»
1956 - «Նորապսակները» (հեռուստասերիալ)
1961 - «Խաբեբան»
1977 - «Ոստիկանն ու ավազակը»
1980 - «Ոստիկանն ու ավազակը 2»
1986 - «Ընդհանուր ոչինչ»

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Internet Broadway Database — 2000.
↑ ^4,0 ^4,1 ^4,2 Internet Movie Database — 1990.
↑ «Classic TV Shows - Honeymooners, Jackie Gleason, Audrey Meadows, Art Carney»։ web.archive.org։ 2003-08-12։ Արխիվացված է օրիգինալից 2003-08-12-ին։ Վերցված է 2019-10-22
↑ Jackie Gleason(անգլ.)

Արտաքին հղումներ[խմբագրել | խմբագրել կոդը]

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ջեքի Գլիսոն կատեգորիայում։

[_7773fd3d93540b07-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_73c764294ca19e5b-2] 2,0 ^2,1 ^2,2 ^2,3 ^2,4 Encyclopædia Britannica

[_3f342f3fbbfd9da1-3] 3,0 ^3,1 ^3,2 ^3,3 ^3,4 Internet Broadway Database — 2000.

[_31e324d42f767056-4] 4,0 ^4,1 ^4,2 Internet Movie Database — 1990.

[5] «Classic TV Shows - Honeymooners, Jackie Gleason, Audrey Meadows, Art Carney»։ web.archive.org։ 2003-08-12։ Արխիվացված է օրիգինալից 2003-08-12-ին։ Վերցված է 2019-10-22

[6] Jackie Gleason(անգլ.)

[1]

[2]

[3]

[4]

[5]

[6]