Ջեսիկա Քեփշոու

Ջեսիկա Քեփշոու
Ծնվել է	օգոստոսի 9, 1976 (47 տարեկան)
Ծննդավայր	Քոլամբիա, Միսսուրի, ԱՄՆ
Կրթություն	Բրաունի համալսարան, Դրամատիկական արվեստի թագավորական ակադեմիա և Հարվարդ-Ուեստլեյք դպրոց
Քաղաքացիություն	ԱՄՆ
Մասնագիտություն	դերասանուհի, կինոդերասանուհի և հեռուստատեսային դերասանուհի
Ծնողներ	մայր՝ Քեյթ Քեփշոու
	jessicacapshaw.org

Ջեսիկա Քեփշոու (անգլ.՝ Jessica Brooke Capshaw, օգոստոսի 9, 1976(1976-08-09)^[1], Քոլամբիա, Միսսուրի, ԱՄՆ), ամերիկացի դերասանուհի, որն առավել հայտնի է «Կրքի անատոմիա» սերիալում խաղացած բժիշկ Արիզոնա Ռոբինսի դերով։

Վաղ տարիներ[խմբագրել | խմբագրել կոդը]

Ջեսիկա Քեփշոուն ծնվել է 1976 թվականի օգոստոսի 9-ին Միսսուրի նահանգի Կոլումբիա քաղաքում։ Նրա մայրը՝ Քեյթ Քեփշոուն հայտնի դերասանուհի և պրոդյուսեր էր, իսկ հայրը՝ Ռոբերտ Քեփշոուն՝ առևտրային, մարքեթինգային և դպրոցի տնօրեն^[2]։ Ջեսիկայի ծնողները բաժանվել են, երբ նա երեք տարեկան էր։ Ջեսիկան Սթիվեն Սփիլբերգի խորթ աղջիկն էր^[2], ում հետ նրա մայրը ամուսնացել է 1991 թվականի հոկտեմբերի 12-ին։

Ջեսիկա Քեփշոուն 1994 թվականին ավարտել է Harvard-Westlake School-ը, իսկ 1998 թվականին՝ Բրաունի համալսարանը, որտեղ ստացել է անգլիական գրականության ոլորտի բակալավրի աստիճան։ Այնուհետև Լոնդոնում նա դերասանական դասեր է վերցրել Դրամատիկական արվեստի թագավորական ակադեմիայում։

Կարերիա[խմբագրել | խմբագրել կոդը]

Ջեսիկա Քեփշոուն իր դերասանական կարերիան սկսել է Բրաունովի համալսարանում սովորելիս՝ մասնակցելով «Կատուն շիկացած տանիքին» և «Արկադիա» բեմականացումներին։ 1997 թվականին մեծ էկրանին «Մորեխ» ֆիլմում կայացել է նրա առաջնաելույթը։ Այնուհետև նա խաղացել է «Սիրո նամակ», իսկ 1999 թվականին որպես հատուկ հրավիրված դերասանուհի նկարահանվել է «Շտապ օգնություն» հեռուստասերիալում։

Առաջին անգամ Քեփշոուն կանոնավոր դերասանուհի է եղել «Խաղից դուրս» կատակերգական սերիալի 1999-2000 թվականների եթերաշրջնում։ Դրանից հետո միացել է «Փորձաշրջան» իրավական դրամայի վերջին երկու եթերաշրջաններին, իսկ 2009 թվականին «Կրքի անատոմիա» սերիալում ստացել է բժիշկ Արիզոնա Ռոբինսի դերը։ Սկսած վեցերորդ եթերաշրջանից՝ բարձրացվել է մինչև հիմնական կազմ։

Անձնական կյանք[խմբագրել | խմբագրել կոդը]

2004 թվականի մայիսի 22-ին Քեփշոուն ամուսնացել է «Առողջ երեխա, Առողջ աշխարհ» ոչ առևտրային կազմակերպության գլխավոր տնօրեն Քրիստոֆեր Գևիգանի հետ։ Ամուսիններն ունեն չորս երեխա։ Մեկ որդի՝ Լյուք Հադսոն Գևիգան (ծնված 2007 թվականի սեպտեմբերի 8-ին) և երեք դուստր՝ Իվ Օգոստե Գևիգան (ծնված 2010 թվականի հոկտեմբերի 20-ին), Փոփի Ջեյմս Գևիգան (ծնված 2012 թվականի հունիսի 20-ին)^[3] և Ջոզեֆին Քեյթ Գևիգան (ծնված 2016 թվականի մայիսի 2-ին)^[4]։

Ֆիլմագրություն[խմբագրել | խմբագրել կոդը]

Տարի	Հայերեն անվանում	Անգլերեն անվանում	Դեր	Ծանոթագրություն
1999	Շտապ օգնություն	ER	Սալի Մակեննա	Էպիզոդ «Rites of Spring»
1999	Սիրային նամակ	The Love Letter	Քելլի
2001	Սուրբ Վալենտինի օր	Valentine	Դորոթի Ուիլեր
2002	Հատուկ կարծիք	Minority Report	Իվան
2003	Տեսք վերևից	View from the Top	Բորտուղեկցորդուհի	Տիտրերում մատնանշված չէ
2002-2004	Փորձաշրջան	The Practice	Ջեյմի Սթրինգեր	Կանոնավոր դեր, 44 էպիզոդ
2005	Դեպի արևմուտք	Into the West	Ռեյչել Վիլլեր	Մինի սերիալ
2006	Հաստ և բարակ	Thick and Thin	Մերի	Օդաչու
2006	Ոսկորներ	Bones	Ռեբեկա Սթինսոն	Էպիզոդ «Mother and Child in the Bay» և «The Truth in the Lye»
2007	Կույր վստահություն	Blind Trust	Քեսի Ստյուարդ	Հեռուստաֆիլմ
2009-2018	Կրքերի անատոմիա	Grey’s Anatomy	Բժիշկ Արիզոնա Ռոբինս	Կանոնավոր դեր

Ծանոթագրություններ[խմբագրել | խմբագրել կոդը]

↑ ^1,0 ^1,1 GeneaStar
↑ ^2,0 ^2,1 «Биография Джессики Кэпшоу» (անգլերեն). Վերցված է 2011 թ․ փետրվարի 22-ին.
↑ Sarah Michaud, Julie Jordan. (21.6.2012). «Jessica Capshaw Welcomes Daughter Poppy James» (անգլերեն). celebritybabies.people.com. Արխիվացված օրիգինալից 2012 թ․ հուլիսի 16-ին. Վերցված է 2012 թ․ հունիսի 22-ին.
↑ «Jessica Capshaw Welcomes Daughter Josephine Kate». Արխիվացված է օրիգինալից 2016 թ․ օգոստոսի 16-ին. Վերցված է 2020 թ․ հունվարի 15-ին.

[_4bd4d5d3b7b00e30-1] 1,0 ^1,1 GeneaStar

[filmreference-2] 2,0 ^2,1 «Биография Джессики Кэпшоу» (անգլերեն). Վերցված է 2011 թ․ փետրվարի 22-ին.

[3] Sarah Michaud, Julie Jordan. (21.6.2012). «Jessica Capshaw Welcomes Daughter Poppy James» (անգլերեն). celebritybabies.people.com. Արխիվացված օրիգինալից 2012 թ․ հուլիսի 16-ին. Վերցված է 2012 թ․ հունիսի 22-ին.

[4] «Jessica Capshaw Welcomes Daughter Josephine Kate». Արխիվացված է օրիգինալից 2016 թ․ օգոստոսի 16-ին. Վերցված է 2020 թ․ հունվարի 15-ին.

[1]

[2]

[3]

[4]