Սիրային նամակ
Սիրային նամակ, նամակ, որի հիմնական թեման, առարկան սերն է։ Սիրային նամակագրությունը կարող է լինել ինչպես տղամարդու և կնոջ միջև, այնպես էլ երկու տղամարդկանց կամ երկու կանանց (20-21-րդ դարերում երկու տղամարդկանց կամ երկու կանանց միջև ռոմանտիկ նամակագրությունը կարող է նշանակել, որ նրանք համասեռական զույգ են, սակայն 18-19-րդ դարերում ռոմանտիկ սիրահարվածությունը միշտ չի ենթադրել սեքսուալ ենթատեքստ)։ Սիրային նամակներով փոխանակվել են բազմաթիվ պատմական անձինք։ Սիրային նամակը բազմաթիվ գրական ստեղծագործությունների դիպաշարի հիմնական մասն է կազմում։ Կապված համացանցի զարգացման հետ՝ սիրային նամակագրությունը ծանոթության կայքերում դարձել է զանգվածային երևույթ։
Նամակագրություն SMS-ի միջոցով[խմբագրել | խմբագրել կոդը]
Համաձայն AMR Interactive ընկերության հարցման, որը կատարվել է ավստրալիական ապահովագրական ոլորտի համար, SMS հաղորդագրությունը որոշիչ դեր են ունեցել երիտասարդ ավստրալիացիների մեկ քառորդի սիրային կյանքում։ Ուսումնասիրողները հարցում են անցկացրել 18-25 տարեկան հազարից ավելի երիտասարդների շրջանում։ Պարզ է դարձել, որ հարցվածների 34 %-ը՝ հիմնականում կանայք, ուղարկել են սեքուալ բնույթի տեքստային հաղորդագրություններ։ Սիրահարների ծանոթությունը տեղի է ունեցել հետևյալ ձևերով՝ ընկերների կամ ընտանիքի հետ հյուրընկալությամբ (35 %), ուսումնական հաստատություններում (17 %), համացանցով (11 %)։
SMS-ի միջոցով ռոմանտիկ հաղորդագրություններ ուղարկելու սիրահարների համար ստեղծվել են սիրային թեմաներով կարճ ուղերձների ամբողջ պահոցներ։ Առաջարկվում են հետևյալ տիպի հաղորդագրություններ. «Ես ոստիկանությունում եմ։ Ինձ բռնել են և գործ բացել։ Պատճառը՝ շատ գեղեցիկ եմ։ Բոլոր հանցանշանները նրանց ձեռքում են։ Ես խուճապի մեջ եմ։ Օգնի՛ր», կամ «Եվս մեկ անգամ շնորհավոր ծնունդդ։ Սիրող ամուսին։ Ոչ, շատ սիրող ամուսին»։
Ինքնասպանների գրություններ[խմբագրել | խմբագրել կոդը]
Ինքնասպանների մահառաջի գրությունները բավականին հաճախ նվիրված են լինում սիրո թեմային։ Այդպիսի երկտողներ վերլուծության են ենթարկվել հետազոտությունների ժամանակ[1], որի ընթացքում մասնագետները դիտարկել են 262 ինքնասպանների նամակներ։ Պարզ է դարձել, որ երիտասարդ տղամարդ ինքնասպանները կանանցից հաճախ են գրում դժբախտ սիրո մասին և ավելի հազվադեպ՝ այլ հանգամանքների։ Ավագ տարիքի ինքնասպանները սիրո մասին գրում են առավել հազվադեպ։