Պրիմո դե Ռիվերա

Պրիմո դե Ռիվերա (իսպ.՝ Primo de Rivera), մարկիզ դե էստելյա Միգել (1870-1930), իսպանացի պետական գործիչ, գեներալ։

1915-17-ին Կադիսի զինվորական նահանգապետն էր, այնուհետև՝ Վալենսիայի, Մադրիդի, Կատալոնիայի գեներալ-կապիտանը (զինվորական օկրուգի հրամանատար) 1923-ի սեպտեմբերին կատարել է պետական հեղաշրջում, գլխավորել կառավարությունը (զինվորական դիրեկտորիա), դարձել Իսպանիայի փաստական դիկտատոր։ 1925-ի դեկտեմբերին Պրիմո դե Ռիվերան զինվորական դիրեկտորիան փոխարինել է քաղաքացիական վարչությամբ և դարձել նրա նախագահը։ 1930-ի հունվարին տնտեսական ճգնաժամի և հեղափոխական շարժման ուժեղացման պայմաններում հարկադրված հրաժարական է տվել և տարագրվել։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։