Պուլկոգի

Վիքիպեդիայից՝ ազատ հանրագիտարանից
Պուլկոգի
Կորեական խոհանոց
Ենթատեսակտավարի մսով ուտեստ
Առաջացման երկիրԿորեա
 Bulgogi Վիքիպահեստում

Պուլկոգի (նաև անվանում են պուլգոգի, բուլգոգի) (կորեերեն՝ 불고기), ուտեստ կորեական խոհանոցից, որը առաջացել է բարբեքյուից, սովորաբար պատրաստվում է մարինացված տավարի կամ խոզի մսի բարակ պատառներով։ Տանը պատրաստելիս հաճախ եռացնում են թավայի մեջ։ Այս ուտեստի պատրաստման համար հաճախ օգտագործում են փափկամիս, կողոսկր կամ էլ կրծքամիս։ Ուտեստը ծագումով Կորեական թերակղզու հյուսիսային շրջաններից է, բայց շատ հայտնի է Հարավային Կորեայում, որտեղ այն կարելի է գտնել ցանկացած տեղում բարձրակարգ ռեստորաններից սկսած մինչև տեղական սուպերմարկետներ՝ հիմնականում կիսաֆաբրիկատ վիճակում[1][2]։

Ստուգաբանություն[խմբագրել | խմբագրել կոդը]

Պուլկոգին բառացիորեն կորեերեն նշանակում է «կրակոտ միս», անունը ծագում է բաց կրակի վրա պատրաստելու ձևից։ Գոյություն ունեն զանազան տարբերակներ, օրինակ՝ տակ պուլկոգի (կորեերեն՝ 닭불고기, dalg bulgogi)՝ հավով պուլկոգի, կամ տվեջի պուլկոգի (կորեերեն՝ 돼지 불고기, dwaeji bulgogi)՝ խոզի պուլկոգի[3]։

Պատմություն[խմբագրել | խմբագրել կոդը]

Ընդունված է, որ պուլկոգին առաջացել է Գոգուրեո պետությունում (մ․թ․ա․ 37-668), որտեղ այն անվանել են մեկչոկ (맥적)՝ խորոված միս[4]։ Մեծ Չոսոն դինաստիայում այս ուտեստը անվանում էին նոբիանի (너비아니)՝ «բարակ կտրտած» (միս)[2]։ Այն պատրաստում էին հարուստները[5]։

Պատրաստում և մատուցում[խմբագրել | խմբագրել կոդը]

Պուլկոգին պատրաստվում է մսեղիկի փափկամսից կամ այլ բարձրորակ մասերից[6]։ Մինչ պատրաստումը միսը մարինացնում են սոյայի սոուսի, շաքարավազի, քունջութի ձեթի, սխտորի, կարմիր պղպեղի և ուրիշ բաղադրիչների (կանաչ սոխի, գլուխ սոխի կամ սնկերի (հատկապես շամպինյոնը կամ էլ շիիտակեն), տանձի) խառնուրդի մեջ։ Ուտեստում կարելի է ավելացնել ֆունչոզա[2][7]։

Պուլկոգին կարելի է պատրաստել թավայի մեջ, սակայն սովորաբար խորովում են գրիլի վրա։ Սխտորի պճեղները, կտրտած պղպեղը և սոխը մսի հետ միասին են խորովում[2]։ Երբեմն պուլկոգին մատուցում են տերևավոր բանջարեղենների հետ, օրինակ՝ կաղամբի, որի մեջ միս են փաթաթում[8]։

Միջազգային մշակույթում[խմբագրել | խմբագրել կոդը]

Պուլկոգին մատուցում են Հարավային Կորեայի ռեստորաններում, նաև կա պուլկոգիով համբուրգերների տեսակներ։ Այդպիսի համբուրգերներում դնում են լոլիկներ, կաղամբ, երբեմն պանիր[9][10][11]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ Kim, Violet (2015 թ․ օգոստոսի 13). «Food map: Eat your way around South Korea». CNN. Արխիվացված է օրիգինալից 2016 թ․ հունիսի 20-ին. Վերցված է 2017 թ․ փետրվարի 27-ին. {{cite news}}: More than one of |accessdate= and |access-date= specified (օգնություն)
  2. ↑ 2,0 2,1 2,2 2,3 (кор.) Bulgogi Արխիվացված 2013-02-08 archive.today at Doosan Encyclopedia
  3. ↑ (кор.) Bulgogi Արխիվացված 2015-12-22 Wayback Machine at The National Institute of the Korean Language Dictionary
  4. ↑ The origin of bulgogi Արխիվացված 2010-02-01 Wayback Machine, official site of the Ministry of Culture, Sports and Tourism, South Korea.
  5. ↑ (кор.) [1] Արխիվացված 2011-10-11 Wayback Machine
  6. ↑ Bulgogi Արխիվացված 2012-03-08 Wayback Machine, Korean Spirit and Culture Project
  7. ↑ (кор.) Bulgogi Արխիվացված 2011-06-10 Wayback Machine at Encyclopedia of Korean Culture
  8. ↑ (кор.) Bulgogi Արխիվացված 2011-07-22 Wayback Machine, Hanwoo Board
  9. ↑ (кор.) Bulgogi burger Արխիվացված 2011-06-07 Wayback Machine, Sports Seoul, 2009-06-21. Retrieved 2010-06-27.
  10. ↑ (кор.) Bulgogi burger Արխիվացված 2011-10-06 Wayback Machine, Asia Today, 2009-09-11. Retrieved 2010-06-27.
  11. ↑ (кор.) Upgrade burgers Արխիվացված 2010-08-11 Wayback Machine, Hankook Ilbo, 2010-06-17.Retrieved 2010-06-27.
  • «Bulgogi». The Korean Culture and Information Service (KOIS). Արխիվացված օրիգինալից 2008 թ․ մարտի 28-ին. Վերցված է 2008 թ․ մայիսի 18-ին.
  • «Bulgogi». Munhwa Journal. Վերցված է 2008 թ․ մայիսի 18-ին.{{cite web}}: CS1 սպաս․ url-status (link)

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Պուլկոգի» հոդվածին։
Ստացված է «https://hy.wikipedia.org/w/index.php?title=Պուլկոգի&oldid=9732073» էջից