Չինաստանի թղթադրամների տպագրության և դրամահատման կորպորացիա

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Չինաստանի թղթադրամների տպագրության և դրամահատման կորպորացիա
Տեսակդրամահատարան
ԵրկիրFlag of the People's Republic of China.svg Չինաստան
Պաշտոնական կայք

Չինաստանի թղթադրամների տպագրության և դրամահատման կորպորացիա, պետական կորպորացիա, որը, գործելով Չինաստանի Ժողովրդական Բանկի ուղղակի ղեկավարման ներքո[1], Չինաստանի Ժողովրդական Հանրապետության համար իրականացնում է չինական յուան մետաղադրամների դրամահատումը և չինական յուան թղթադրամների տպագրությունը[2]:

Չինաստանի թղթադրամների տպագրության և դրամահատման կորպորացիան օգտագործում է տպագրության, փորագրության և դրամահատման ձեռնարկությունները ամբողջ երկրով մեկ` արտադրելու թղթադրամներ և մետաղադրամներ հետագա մատակարարման համար: Թղթադրամների տպագրության ձեռնարկությունները տեղակայված են Պեկինում, Շանհայում, Չենդուում, Սիանում, Շիցզյաչժուանում և Նանչանում:

Պետական ընկերությունը, որի շտաբակայանը Պեկինի Սիչեն թաղամասն է, ինքն իրեն բնորոշում է որպես ծավալով աշխարհի ամենախոշոր դրամական տպագրիչը: Ունենալով ավելի քան 18,000 աշխատող՝ այն գործում է ավելի քան 10 Թղթադրամներ և մետաղադրամներ արտադրող բարձր անվտանգության ձեռնարկություններում[3]: Դրամահատարանները տեղակայված են Շանհայում, Շենյանում, Շենժենում և Նանջինում: Շանհայի դրամահատարանը Չինաստանի ամենահին և ամենակարևոր դրամահատարանն է: Շանհայի, Շենյանի և Շենժենի դրամահատարանները հիմնականում հատում են ֆիատ մետաղադրամներ՝ շրջանառության համար: Նանջինը հիմնականում տպում է ֆիատ թղթադրամներ, ինչպես նաև հատում է փոքր քանակությամբ չշրջանառվող ոչ ֆիատ մետաղադրամներ՝ մետաղադրամների հավաքորդների համար:

Թղթադրամների համար բարձր որակի թուղթն արտադրվում է երկու ձեռնարկություններում` Բաոդին և Կունշան: Բաոդինի ձեռնարկությունը, նրա վեբ կայքի համաձայն, աշխարհի ամենամեծ ձեռնարկությունն է` նվիրված թղթադրամների նյութի զարգացմանը[4]

Դրանից բացի, Չինաստանի ժողովրդական բանկն ունի իր սեփական տպագրության տեխնոլոգիաների հետազոտական բաժինը, որը ուսումնասիրում է թղթադրամների ստեղծման և կեղծարարությունն ավելի դժվար դարձնելու նոր մեթոդներ:

Չինաստանի թղթադրամների տպագրության և դրամահատման կորպորացիան իր արժույթի արտադրությունը հիմնում է Չինաստանի Ժողովրդական Հանրապետության մակրոէկոնոմիկ պլանավորման վրա:

Չինաստանի թղթադրամների տպագրության և դրամահատման կորպորացիան նաև արտադրում է արժույթ բազմաթիվ այլ երկրների համար, ներառյալ՝ Թայլանդը, Բանգլադեշը, Շրի Լանկան, Մալազիան, Հնդկաստանը և Բրազիլիան[3]:

Ծանոթագրություններ[խմբագրել | խմբագրել կոդը]

  1. «China Banknote Printing and Minting Corporation | IACA»։ currencyaffairs.org։ Վերցված է 2019-02-05 
  2. China Banknote Printing and Minting Archived May 4, 2013, at the Wayback Machine.
  3. 3,0 3,1 Chen Stephen (15 August 2018)։ «Why other countries are giving China a licence to print money»։ South China Morning Post։ Վերցված է 15 August 2018 
  4. 保定钞票纸厂 Archived June 16, 2007, at the Wayback Machine.