Ուռեկի

Բնակավայր
	վրաց.՝ ურეკი
Երկիր	Վրաստան
Մակերես	14,48 կմ²
ԲԾՄ	4 մետր
Պաշտոնական լեզու	վրացերեն
Բնակչություն	▲1495 մարդ (2022)
Ժամային գոտի	UTC+4
	Ուռեկի Վիքիպահեստում

Ուռեկի (վրաց.՝ ურეკი), քաղաքատիպ ավան Վրաստանի Օզուրգեթի շրջանում։ Հայտնի է մագնիսային ավազներով հարուստ լողափներով^[2]։

Ավանի կոչումը ստացել է 1953 թվականին։

Դիրք[խմբագրել | խմբագրել կոդը]

Գտնվում է 4 մ բարձրության վրա՝ Սև ծովի ափին։ Շրջկենտրոն Օզուրգեթից հեռու է 24 կմ։

Կլիմա[խմբագրել | խմբագրել կոդը]

Ուռեկին ծովափնյա հանգստավայր է։ Ձմեռները այստեղ մեղմ են (միջին ջերմաստիճանը՝ 5,8 °C), ամառները՝ շոգ (միջին ջերմաստիճանը՝ 22,6 °C)։ Տարեկան տեղումների քանակը հասնում է 2080 մմ-ի։

Ծովափնյա ավազը մագնիտ և այլ մետաղներ է պարունակում։ Դրանք արդյունք են Սուփսա գետի էրոզիոն աշխատանքի։ Մագնիտային ափի երկարությունը հասնում է 1.5 կմ, լայնությունը՝ 60-80 մ։

Բնակչություն[խմբագրել | խմբագրել կոդը]

Ավանի բնակչությունը տարեցտարի նվազում է։ 2014 թվականի տվյալներով այլ պակասել է շուրջ 1.5 անգամ՝ հասնելով 1166 ^[3]։ Հիմնական բնակիչները վրացիներն են (94,9 %), ռուսները (2,7 %) և Հայեր (1,0 %)^[4]։

Տնտեսություն[խմբագրել | խմբագրել կոդը]

Ուռեկի ավանի տնտեսության հիմնական ճյուղը տուրիզմն է։ Բնակչությունը զբաղվում է նաև գյուղատնտեսությամբ և այգեգործությամբ։ Աշխատանքով ապահովված է մարդկանց 8 տոկոսը։

Ավանում են գտնվում պետական բուծարանը, հանգստյան տունը և պանսիոնատը։ Ուռեկիում են գտնվում նաև բազմաթիվ մասնավոր հյուրանոցներ և հյուրատներ։