Jump to content

Ուլի Հյոնես

Վիքիպեդիայից՝ ազատ հանրագիտարանից
Ուլի Հյոնես
գերմ.՝ Uli Hoeneß
Քաղաքացիությունը  Գերմանիա
Ծննդյան ամսաթիվ հունվարի 5, 1952(1952-01-05)[1][2][3] (72 տարեկան)
Ծննդավայր Ուլմ, Տյուբինգեն, Գերմանիա[4]
Հասակ 180 սանտիմետր
Դիրք կիսապաշտպան և հարձակվող

Ուլրիխ Հյոնես (գերմ.՝ Ulrich Hoeneß, հունվարի 5, 1952(1952-01-05)[1][2][3], Ուլմ, Տյուբինգեն, Գերմանիա[4]), առավել հայտնի է որպես Ուլի Հյոնես (գերմ.՝ Uli Hoeneß), գերմանացի ֆուտբոլիստ և ֆուտբոլային մենեջեր։

Խաղացողի կարիերա

[խմբագրել | խմբագրել կոդը]

Ակումբային

[խմբագրել | խմբագրել կոդը]

Որպես ֆուտբոլիստ Ուլի Հյոնեսը կարիերան սկսել է ՖՖԲ-ի «Ուլմ» ակումբում։ Նրա հաջորդ ակումբը դարձել է ՍՍՖ «Ուլմ» ֆուտբոլային ակումբը։ 15 տարեկանում Ուլին դարձել է Գերմանիայի պատանեկան հավաքականի ավագ։ 1970 թվականին նա Պաուլ Բրայթների և Ռայներ Ցոբելի հետ տեղափոխվել է Մյունխենի «Բավարիա», սակայն մինչև 1972 թվականը խաղացել է միայն «Բավարիայի» սիրողական թիմում, որպեսզի կարողանա մասնակցել 1972 թվականի Մյունխենի Օլիմպիական խաղերին։ 1972 թվականից Հյոնեսը դարձել է «Բավարիայի» հիմնական կազմի և միաժամանակ Գերմանիայի հավաքականի խաղացող։ «Բավարիայի» կազմում նա դարձել է երկրի եռակի չեմպիոն (1972, 1973, 1974), Ֆուտբոլի Գերմանիայի գավաթի գավաթակիր (1971), ՈՒԵՖԱ Չեմպիոնների Լիգայի եռակի գավաթակիր (1974, 1975, 1976) և Ֆուտբոլի միջմայրցամաքային գավաթի գավաթակիր (1976)։ 1978 թվականին Հյոնեսը տեղափոխվել է «Նյուրնբերգ», սակայն մրցաշրջանի ավարտին 1975 թվականի Չեմպիոնների գավաթի եզրափակչում «Լիդս Յունայթեդի» դեմ խաղում ստացած վնասվածքից քրոնիկ ցավերի պատճառով 27 տարեկանում ավարտել է ֆուտբոլիստի կարիերան։ «Բավարիայի» կազմում Հյոնեսն անցկացրել է 336 խաղ և խփել 111 գոլ, «Նյուրնբերգի» կազմում՝ 11 խաղ։

Ազգային հավաքականում

[խմբագրել | խմբագրել կոդը]

Հավաքականում հանդես է եկել 1972 թվականից, նույն թվականին նորամուտն է նշել օլիմպիական խաղերում, որտեղ նրա հավաքականն անհաջող է հանդես եկել՝ երկրորդ խմբային փուլում գրավելով երրորդ տեղը և Դանիայի հետ կիսելով 5-6-րդ տեղերը։ Նույն 1972 թվականին նա դարձել է Եվրոպայի չեմպիոն, իսկ երկու տարի անց՝ աշխարհի չեմպիոն։ Ընդհանուր առմամբ նա Գերմանիայի հավաքականի կազմում անցկացրել է 35 խաղ և դարձել՝ 5 գոլի հեղինակ։

Մենեջերի կարիերա

[խմբագրել | խմբագրել կոդը]

1979 թվականի ամռանը խաղային կարիերայի ավարտից անմիջապես հետո Հյոնեսը ստանձնել է «Բավարիայի» գլխավոր մենեջերի պաշտոնը (դառնալով Բունդեսլիգայի պատմության ամենաերիտասարդ մենեջերը)։ 2002 թվականի փետրվարի 14-ից միաժամանակ եղել է ակումբի մարզական տնօրեն և վարչության նախագահի տեղակալ։ Այդ պաշտոններում մնացել է մինչև 2009 թվականի նոյեմբերի 30-ը։

2009 թվականի դեկտեմբերի 27-ին Հյոնեսն ընտրվել է «Բավարիայի» նախագահ՝ այդ պաշտոնում փոխարինելով մեկ այլ ակումբային լեգենդի՝ Ֆրանց Բեկենբաուերին[6]։ 2010 թվականի մարտին դարձել է նաև դիտորդ խորհրդի նախագահ։ 2014 թվականի մարտի 14-ին ստիպված է եղել լքել զբաղեցրած պաշտոնները իր նկատմամբ մեղադրական դատավճռի պատճառով[7]։

2016 թվականի նոյեմբերի 26-ին բանտից ազատվելուց անմիջապես հետո ակումբի տարեկան ժողովը Հյոնեսին կրկին ընտրել է «Բավարիայի» նախագահ՝ 987 օրվա ընդմիջումից հետո[8][8]։ Լինելով այլընտրանք չունեցող թեկնածու՝ նա ստացել է ձայների 98,5 տոկոսը[9]։ 2017 թվականի փետրվարի 6-ին կրկին ընտրվել է դիտորդ խորհրդի նախագահ[10]։ 2019 թվականի նոյեմբերի 15-ին՝ պաշտոնավարման ժամկետի ավարտից հետո, Հյոնեսը լքել է նախագահի պաշտոնը, իսկ դեկտեմբերի 9-ին՝ դիտորդ խորհրդի նախագահի պաշտոնը։

Իր հրաժարականից հետո 2019 թվականի նոյեմբերի 15-ին Հյոնեսը դարձել է «Բավարիայի» պատվավոր նախագահ[11]։ Բացի այդ, դեկտեմբերի 9-ին նա երկրորդ անգամ դարձել է ակումբի վարչության փոխնախագահ։

Հյոնեսի մենեջերական կարիերան սկսելու պահին «Բավարիան» արդեն հինգ տարի չէր հաղթել ազգային առաջնությունում և զգալի պարտքեր ուներ։ Այնուամենայնիվ, նրա ջանքերով ակումբը վերածվել է գերմանական ակումբային ֆուտբոլի հեգեմոնի և աշխարհի առաջատար ակումբներից մեկի. մյունխենցիները նվաճել են Գերմանիայի առաջնության 21 տիտղոս, ՈՒԵՖԱ գավաթ, երկու Չեմպիոնների Լիգա, ինչպես նաև ոչ շատ նշանակալի գավաթներ։

Օրենքի հետ կապված խնդիրներ

[խմբագրել | խմբագրել կոդը]

2014 թվականի սկզբին Ուլի Հյոնեսը մեղադրվել է ավելի քան մեկ միլիոն եվրո հարկերի վճարումից միջոցներ թաքցնելու մեջ։ Թաքցված միջոցների գումարն ավելացել է գործի յուրաքանչյուր լսումների ժամանակ։ Երբ Հյոնեսին մեղադրել են 3 միլիոն եվրո թաքցնելու մեջ, նա պատիժը մեղմելու համար անկեղծորեն խոստովանել է, որ ընդհանուր առմամբ 15 միլիոն եվրո է թաքցրել։ Հյոնեսի հաշվապահների ցուցմունքների արդյունքում՝ 2014 թվականի մարտի 13-ին նա դատապարտվել է 3 տարի 6 ամիս ազատազրկման՝ հարկերից խուսափելու և իր շվեյցարական հաշվում 27,2 միլիոն եվրո[12][13][14][15] թաքցնելու համար։ Հետագայում հեռացվել է գերմանական սպորտի «Փառքի սրահից»[16]։ 2016 թվականի փետրվարին վաղաժամկետ ազատ է արձակվել բանտից՝ կրելով պատժի կեսը[17]։

Անձնական կյանք

[խմբագրել | խմբագրել կոդը]

Ուլի Հյոնեսը կրտսեր եղբայր ունի՝ Դիտերը, որը հանդես է եկել 1986 թվականի աշխարհի առաջնությունում։ 1973 թվականից Հյոնեսն ամուսնացած է։ Զույգն ունի երկու երեխա և չորս թոռ։

1982 թվականին 30 տարեկան հասակում Ուլի Հյոնեսը Պորտուգալիայի հավաքականի դեմ խաղի համար Մյունխենից Հանովեր թռիչքի ժամանակ չորս տեղանոց Piper PA-34 Seneca ինքնաթիռի վթարից միակ փրկվածն է եղել։ Բայց նա ոչինչ չէր հիշում տեղի ունեցածից, քանի որ աղետի պահին քնած էր։ Միայն մեկ ժամ անց նրան պատահաբար գտել է տեղի անտառապահը[18][19]։

Ելույթների վիճակագրություն

[խմբագրել | խմբագրել կոդը]
Ակումբային կարիերա
Ակումբ Մրցաշրջան Լիգա Ֆուտբոլի Գերմանիայի գավաթ Եվրոգավաթներ[20] Այլ[21] Ընդամենը
Խաղեր գոլ Խաղեր գոլ Խաղեր գոլ Խաղեր գոլ Խաղեր գոլ
Բավարիա 1969/70 0 0 1 0 0 0 0 0 1 0
1970/71 31 6 6 0 7 1 0 0 44 7
1971/72 34 13 5 3 8 1 0 0 47 17
1972/73 34 17 6 3 6 2 0 0 46 22
1973/74 34 18 4 2 10 5 0 0 48 25
1974/75 28 8 3 1 7 1 0 0 38 10
1975/76 17 4 5 1 5 0 0 0 37 5
1976/77 27 9 4 4 6 0 4 0 41 13
1977/78 30 11 2 0 6 1 0 0 38 12
1978/79 4 0 2 0 0 0 0 0 6 0
Ընդամենը 239 86 38 14 55 11 4 0 336 111
Նյուրնբերգ 1978/79 11 0 1 0 0 0 0 0 12 0
Ընդամենը 11 0 1 0 0 0 0 0 12 0
Ընդամենը կարիերայի ընթացքում 250 86 39 14 55 11 4 0 348 111

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 filmportal.de — 2005.
  3. ↑ 3,0 3,1 Բրոքհաուզի հանրագիտարան (գերմ.)
  4. ↑ 4,0 4,1 4,2 Deutsche Nationalbibliothek Record #118705598 // Gemeinsame Normdatei (գերմ.) — 2012—2016.
  5. ↑ https://www.zeit.de/politik/deutschland/2014-12/uli-hoeness-verdienstorden
  6. ↑ Хёнесс стал президентом «Баварии»(չաշխատող հղում)
  7. ↑ «Хёнесс вновь стал президентом «Баварии»». Championat.Ru. Rambler&Co. 2016 թ․ նոյեմբերի 26. Արխիվացված է օրիգինալից 2016 թ․ նոյեմբերի 26-ին. Վերցված է 2016 թ․ նոյեմբերի 26-ին.
  8. ↑ 8,0 8,1 «Bayern welcome back beloved Ex-con Hoeness». WorldFootball.Net (անգլերեն). HEIM:SPIEL Medien GmbH & Co. KG. 2016 թ․ նոյեմբերի 24. Արխիվացված է օրիգինալից 2016 թ․ նոյեմբերի 26-ին. Վերցված է 2016 թ․ նոյեմբերի 26-ին.
  9. ↑ «Ули Хенесс снова стал президентом «Баварии»». Sport-Express.Ru. «Спорт-Экспресс», АО. 2016 թ․ նոյեմբերի 25. Արխիվացված է օրիգինալից 2016 թ․ նոյեմբերի 26-ին. Վերցված է 2016 թ․ նոյեմբերի 25-ին.
  10. ↑ Ули Хёнесс снова выбран председателем наблюдательного совета «Баварии»
  11. ↑ Ули Хёнесс удостоился особой чести
  12. ↑ Тённис: тюрьма очень изменила Хённеса, он стал намного более вдумчивым
  13. ↑ Чемпионат Германии. Ули Хёнесс сел в тюрьму
  14. ↑ Президент немецкого футбольного клуба «Бавария» Ули Хёнесс приговорен к лишению свободы на 3,5 года
  15. ↑ «Тюремные завсегдатаи». Արխիվացված է օրիգինալից 2015 թ․ մայիսի 18-ին. Վերցված է 2023 թ․ նոյեմբերի 29-ին.
  16. ↑ Хенесс исключен из «Зала славы» немецкого спорта
  17. ↑ Бывший президент «Баварии» досрочно вышел из тюрьмы, отбыв половину срока
  18. ↑ ««Меня спасло то, что я очень хотел спать»». Sovsport.Ru. «Советский спорт». 2016 թ․ մարտի 8. Արխիվացված է օրիգինալից 2016 թ․ նոյեմբերի 26-ին. Վերցված է 2016 թ․ նոյեմբերի 26-ին.
  19. ↑ 40 лет назад Ули Хенесс чудом выжил в авиакатастрофе: спас непристегнутый ремень и охотник на «Ниве»
  20. ↑ Кубок европейских чемпионов, Кубок ярмарок, Кубок УЕФА, Кубок обладателей кубков УЕФА.
  21. ↑ Суперкубок УЕФА, Межконтинентальный кубок.
Վիքիպահեստն ունի նյութեր, որոնք վերաբերում են «Ուլի Հյոնես» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ուլի_Հյոնես&oldid=9484969» էջից