Շեյխ Զայիդի մզկիթ

Վիքիպեդիայից՝ ազատ հանրագիտարանից
Շեյխ Զայիդի մզկիթ
Տեսակմզկիթ և տեսարժան վայր
Երկիր ԱՄԷ
ՎարչատարածքԱբու Դաբի
Հիմնվել էդեկտեմբերի 20, 2007
Բացվեց2007
Անվանված էԶաիդ բին Սուլթան Ալ-Նախայան
Ճարտարապետություն
ՃարտարապետYusef Abdelki?
ՈճMughal architecture? և մավրիտանական ճարտարապետություն
Քարտեզ
Քարտեզ
Պաշտոնական կայքէջ

Շեյխ Զայիդի մզկիթ (արաբ․՝ مسجد الشيخ زايد‎‎), աշխարհի վեց ամենամեծ մզկիթներից մեկը[1][2][3]։ Գտնվում է Արաբական Միացյալ Էմիրությունների մայրաքաղաք Աբու Դաբիում։ Անվանվել է ի պատիվ հիմնադիր և Արաբական Միացյալ Էմիրությունների առաջին նախագահ շեյխ Զայիդ իբն Սուլտան ալ-Նահյանի, վերջինս հուղարկավորված է մզկիթի հարևանությամբ։ Մզկիթը պաշտոնապես բացվել է 2007 թվականի Ռամադանի ժամանակ։

Այս մզկիթը Դուբայի Ջումեյրա մզկիթի հետ միասին բացառություն են կազմում. այս երկու մզկիթներ կարող են մտնել բոլոր (ոչ միայն մուսուլմանները) ցանկացողները։ Զբոսաշրջության նախարարությունը հայտարարել է, որ մզկիթում ինչպես մուսուլման, այնպես էլ ոչ մուսուլման զբոսաշրջիկների համար էքսկուրսիաներն անցկացվում են 2008 թվականի մարտի կեսերից[4]։ Զայիդ մզկիթի մուտքն ու էքսկուրսիաներն անվճար են։ Ըստ հանրահայտ TripAdvisor-ի տեղեկությունների՝ շեյխ Զայիդի մզկիթը երկու անգամ ճանաչվել է որպես աշխարհի երկրորդ ամենատարածված զբոսաշրջային վայր։

Համաշխարհային ռեկորդներ[խմբագրել | խմբագրել կոդը]

  • Նման ընդարձակ տարածքում փռված գորգը համարվում է աշխարհում ամենամեծ գորգը։ Այն պատրաստվել է «Իրանի գորգեր» ընկերության կողմից՝ ըստ իրանցի նկարիչ Ալի Խալիկի նկարի[5]։ Գորգի մակերեսը 5627 քառակուսի մետր է, այն պատրաստել է շուրջ 1200 ջուլհակ, 20 տեխնիկական խումբ և 30 աշխատակից։ Գորգի քաշը կազմում է 47 տոննա՝ 35 տոննա բուրդ և 12 տոննա բամբակ։ Գորգի կառուցվածքի մեջ կա 2 268 000 հանգույց։
  • Մզկիթի սրահներում կախված է գերմանական արտադրության յոթ ջահ՝ զարդարված նրբաթերթ ոսկով և ավստրիական Սվարովսկի ընկերության արտադրության բյուրեղներով։ Մզկիթի գլխավոր ջահը աշխարհում ամենամեծն էր (10 մետր տրամագծով, 15 մետր բարձրությամբ և մետ 12 տոննա քաշով[6]) մինչև 2010 թվականի հունիսի 26-ը, երբ հարևան Քաթարում կախվեց ավելի մեծ ջահ[7]։ Այնուամենայնիվ, այն համարվում է մզկիթում կախված ամենամեծ ջահը[8]։

Ճարտարապետություն[խմբագրել | խմբագրել կոդը]

Մզկիթում միաժամանակ կարող է տեղավորվել 50 հազար հավատացյալ։ Աղոթքի գլխավոր դահլիճը նախատեսված է 7 հազար աղոթողի համար։ Գլխավոր դահլիճի հարևանությամբ գտնվող երկու սրահներից յուրաքանչյուրում տեղավորվում է մինչև 1500 մարդ։ Այս երկու սենյակները նախատեսված են կանանց համար։

Մզկիթի չորս անկյուններում կանգնած են չորս մինարեթները, որոնք բարձրանում են մոտ 170 մետր։ Գլխավոր շենքի արտաքին շերտը ծածկում են 82 գմբեթները։ Գմբեթները զարդարված են սպիտակ մարմարով, նրանց ներքին գեղարվեստական ձևավորումը ևս իրականացված է մարմարով։ Ներքին բակը պատված է գունավոր մարմարով և կազմում է մոտ 17 400 մ²։

Ծանոթագրություններ[խմբագրել | խմբագրել կոդը]

  1. ↑ Sheikh Zayed Bin Sultan Al Nahyan Mosque — Abu Dhabi Արխիվացված 2009-06-01 Wayback Machine(անգլ.)(Ստուգված է 23 Ապրիլի 2009)
  2. ↑ Islamic architecture provides inspiration for MELDA winner Արխիվացված 2016-03-03 Wayback Machine(անգլ.)(Ստուգված է 23 Ապրիլի 2009)
  3. ↑ Regional buildings have never looked so good Արխիվացված 2021-09-01 Wayback Machine(անգլ.)(Ստուգված է 23 Ապրիլի 2009)
  4. ↑ «Zayed mosque to allow guided tours». Gulf News. 2008 թ․ փետրվարի 20. Արխիվացված է օրիգինալից 2008 թ․ սեպտեմբերի 21-ին. Վերցված է 2009 թ․ ապրիլի 23-ին.(անգլ.)
  5. ↑ Webindia123.com — Iran weaves world’s largest carpet Արխիվացված 2018-02-11 Wayback Machine(անգլ.)(Ստուգված է 23 Ապրիլի 2009)
  6. ↑ Khaleej Times — Sheikh Zayed Mosque to open in Ramadan Արխիվացված 2014-03-23 Wayback Machine(անգլ.)(Ստուգված է 23 Ապրիլի 2009)
  7. ↑ Риановости «Самая большая и яркая люстра в мире зажжена в Катаре»
  8. ↑ Официальный сайт мечети шейха Зайда Արխիվացված 2013-01-06 Wayback Machine «The largest (located in the main prayer hall and considered one of the world’s largest in a mosque) weighs approximately 12 tons.»

Արտաքին հղումներ[խմբագրել | խմբագրել կոդը]

Վիիքպահեստ
Ստացված է «https://hy.wikipedia.org/w/index.php?title=Շեյխ_Զայիդի_մզկիթ&oldid=9419271» էջից