Նորայր Հաջիյան
| Նորայր Հաջիյան | |
|---|---|
| հուլիսի 17, 1976 - ապրիլի 5, 2016 (39 տարեկան) | |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Մահվան վայր | Թալիշ, Թարթառի շրջան, Ադրբեջան |
| Մարտեր/ պատերազմներ | Արցախա-ադրբեջանական ռազմական գործողություններ |
| Պարգևներ | |
Նորայր Հաջիյան, (հուլիսի 17, 1976, Բաքու, Ադրբեջանական ԽՍՀ, ԽՍՀՄ - ապրիլի 5, 2016, Թալիշ, Թարթառի շրջան, Ադրբեջան) ապրիլյան քառօրյա պատերազմի հերոս։
Կենսագրություն[խմբագրել | խմբագրել կոդը]
Նորայր Հաջիյանը ծնվել է 1976 թվականի հուլիսի 17-ին Բաքվում։ 1988 թվականին ընտանիքի հետ տեղափոխվել է Երևան։ Նորայրը սովորել է Ստեփանակերտի Մեսրոպ Մաշտոց համալսարանի տնտեսագիտության ֆակուլտետը։ 1992 թվականի դեկտեմբերից մինչև 1995 թվականի օգոստոսի վերջերն անդամագրվել է տարբեր կամավորական ջոկատների։ Այդ ջոկատների մեջ էին մտնում «Արամո-114» ԵԿ գումարտակը, Կորյուն Ղումաշյանի ԵԿ գումարտակը, «Արծիվ-24» ԵԿ ջոկատը։ Մասնակցել է Կոռնիձոր և Շուռնուխ գյուղերի պաշտպանությանը։ Ակտիվ մասնակցություն է ցուցաբերել Լաչինի (այժմ` Բերձոր), Քելբաջարի (այժմ` Քարվաճառ), Օմարի բարձունքի, Ղուբաթլուի, Մարտակերտի ինքնապաշտպանական մարտերին։ 1997-1998 թվականներին ժամկետային զինծառայության է անցել ԼՂՀ Ասկերանի շրջանում։ Երկար տարիներ աշխատել է «Ղարաբաղ-Տելեկոմ» ՓԲԸ-ում, իսկ վերջին տարում՝ ԼՂՀ գյուղի և գյուղատնտեսության աջակցության հիմնադրամում[1]։
Մարտական գործողություներ[խմբագրել | խմբագրել կոդը]
2016 թվականի ապրիլի 2-ին Նորայրը առաջիններից էր, ով կամավոր մեկնեց Արցախ։ Մասնակցել է Թալիշի ուղղությամբ ընթացող մարտական գործողություններին։ Ապրիլի 4-ի լույս 5-ի գիշերը, թեժ մարտերի ընթացքում զոհվել է հերոսի մահով։ ԼՂՀ Նախագահի հրամանագրով (հետմահու) պարգևատրվում է «Մարտական ծառայություն» (05.04.2016թ.) մեդալով։
Մրցանակներ[խմբագրել | խմբագրել կոդը]
- «Դրաստամատ Կանայան» (04.05.2007 թվական)
- «Վազգեն Սարգսյան» (14.09.2011 թվական)
- ԼՂՀ «Մայրություն» մեդալ (09.05.2009 թվական)
- ՀԿ «Մայրական երախտագիտություն» մեդալ (09.05.2009 թվական)
- ՀՀ «Արամազդ» հուշամեդալ
- «Մարտական ծառայություն» մեդալ (05.04.2016 թվական)
Հուղարկավորություն[խմբագրել | խմբագրել կոդը]
Հոգեհանգիստը տեղի է ունեցել 2016 թվականի ապրիլի 6-ին ժամը 17:00-ին, իսկ հուղարկավորությունը՝ 2016 թվականի ապրիլի 7-ին, ժամը 13:00-ին Երևանում ։