Ներսես Հակոբյան

Ներսես Հակոբյան
Ծնվել է	1892
Ծննդավայր	Խնածախ, Հայաստան
Մահացել է	1954
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Կրթություն	Շևչենկոյի անվան համալսարան (1916)
Մասնագիտություն	հիգիենիստ, դասախոս և բժիշկ
Կոչում	պրոֆեսոր
Գիտական աստիճան	բժշկական գիտությունների դոկտոր (1937)
Աշխատավայր	Երևանի Մխիթար Հերացու անվան Պետական Բժշկական Համալսարան

Վիքիպեդիայում կան հոդվածներ Հակոբյան ազգանունով այլ մարդկանց մասին։

Ներսես Բաբայի Հակոբյան (1892^[1]^[2], Խնածախ, Հայաստան^[1]^[2] - 1954^[1]^[2], Երևան, Հայկական ԽՍՀ, ԽՍՀՄ^[1]^[2]), բժիշկ, հիգիենիստ։ Բժշկական գիտությունների դոկտոր (1937), պրոֆեսոր (1938)։

Ծնվել է 1892 թվականին Գորիսի շրջանի Խնածախ գյուղում։ Մանկության տարիներն անցել են հայրենի գյուղում։ 1902 թվականին ընդունվել է Բաքվի 3-րդ գիմնազիան։ Դեռևս գիմնազիայում սովորելու տարիներին նա արդեն մտածում էր բժիշկ դառնալու մասին և 1912 թվականին հաջողությամբ ավարտելով գիմնազիան` մեկնել է Ուկրաինա և ընդունվել Կիևի բժշկական ֆակուլտետը։ Համալսարանում սովորելու տարիները համընկել են Ռուսաստանում հեղափոխական վերելքի և Առաջին համաշխարհային պատերազմի արհավիրքների հետ, որն իր ազդեցությունն է ունեցել նրա բարոյական, քաղաքական և հասարակական հայացքների ձևավորման վրա։ 1913 թվականից սկսած մինչ ֆակուլտետը ավարտելը նա ակտիվորեն մասնակցել է քաղաքական, ուսանողական և հասարակական շարժումներին, եղել է ուսանողների խոսքի ազատության և նրանց իրավունքների համար պայքարողների շարքում։

1913-1914 թվականներին, չլինելով հայ դաշնակցական կազմակերպության անդամ, մասնակցել է ուսանողների կազմակերպության հավաքներին։ Կիևում կազմակերպել է հայ ուսանողների գաղտնի խմբակ, որի նպատակն էր մանրամասն ուսումնասիրել պատմությունը և գրականությունը, հատկապես հայ ժողովրդի պատմությունն ու հայ գրականությունը։ Նրա կազմակերպած խմբակը, որի ղեկավարը եղել էր մինչև համալսարանը ավարտելը, պարբերաբար հրավիրել էր պարապմունքներ, որտեղ իր ընկերների հետ նա ելույթներ է ունեցել` վառ պահելով մայր ժողովրդին ծառայելու ցանկությունը և հայրենսիրության զգացմունքը։ Որքան էլ նրան գրավում էր հասարակական և քաղաքական պայքարը, նա` որպես պարտաճանաչ ուսանող, հասկանում էր իր հիմնական նպատակը, որի համար գնացել էր Կիև` բժշկությանը հնարավորին չափով բազմակողմանի տիրապետելն էր։

Ավարտել է Կիևի համալսարանի բժշկական ֆակուլտետը (1916)։ 1932 թվականին՝ Երևանի պետական բժշկական ինստիտուտի ընդհանուր հիգիենայի ամբիոնի, 1934-1954 թվականներին՝ կոմունալ հիգիենայի ամբիոնի վարիչ։ 1934-1938 թվականներին՝ սան-բակտերիաբանական ինստիտուտի, 1945-1949 թվականներին՝ ԵԲԻ տնօրեն։ Աշխատանքները վերաբերում են մթնոլորտային օդի սանիտարական թույլատրելի նորմաների, ջրամատակարարման և թափոնների վնասազերծման հարցերին։ Հակոբյանի անունով է կոչվում (1971-ից) Երևանի ընդհանուր հիգիենայի և պրոֆեսիոնալ հիվանդությունների ԳՀԻ-ն։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 3.

Վիքիդարանն ունի նյութեր, որոնք վերաբերում են «Ներսես Հակոբյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 74)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_a59ac88c1f286cbd-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 3.

[1]

[2]