Յուրի Սարգսյան (ճարտարագետ)

Անվան այլ կիրառումների համար տե՛ս՝ Յուրի Սարգսյան (այլ կիրառումներ)

Յուրի Սարգսյան
Ծնվել է	1941 փետրվարի 9 Հայաստան
Ազգություն	հայ
Մասնագիտություն	ճարտարագետ-մեխանիկոս
Հաստատություն(ներ)	Հայաստանի ազգային պոլիտեխնիկական համալսարան
Ալմա մատեր	Երևանի պոլիտեխնիկական ինստիտուտ
Գիտական աստիճան	տեխնիկական գիտությունների դոկտոր (1975) և պրոֆեսոր (1977)
Պարգևներ	Հայաստանի Հանրապետութեան գիտության վաստակավոր գործիչ «Պատվո նշան» շքանշան և Սուրբ Մեսրոպ Մաշտոցի շքանշան

Յուրի Լևոնի Սարգսյան (փետրվարի 9, 1941(1941-02-09), Երևան, Հայկական ԽՍՀ, ԽՍՀՄ), ճարտարագետ-մեխանիկ։ Տեխնիկական գիտությունների դոկտոր (1975), պրոֆեսոր (1977), ՀՃԱ (1993), ՄՃԱ (1995), ՀՀ ԳԱԱ ակադեմիկոս։

Պրոֆեսոր Լևոն Սարգսյանի որդին է։

Կենսագրություն

1962 թվականին ավարտել է Երևանի պոլիտեխնիկական ինստիտուտը։ 1962 թվականից աշխատում է ՀՊՃՀ-ում։ 1971-1972 թթ.անցել է գիտական փորձառություն Ստենֆորդի և Իլինոյսի համալսարաններում (ԱՄՆ), իսկ 1977-1978 թթ. նույն համալսարաններում աշխատել է որպես հրավիրված պրոֆեսոր։ 1976-1988 թթ. և 2006 թվականից՝ մեքենաների և մեխանիզմների տեսության ամբիոնի վարիչ, 1988-2006 թթ.` ռեկտոր, 1995-1996 թթ., միաժամանակ` ՀՀ ԳԱԱ փոխնախագահ։ 1990-1995 թթ.` ՀՀ ԳԽ պատգամավոր։ 1992-1995 թթ.` ԱԺ սահմանադրական հանձնաժողովի անդամ։ 2006 թվականից միջազգային կենսագրական կենտրոնի (Քեմբրիջի) լավագույն կրթական գործիչ, Հայ կրթական հաստատության (ԱՄՆ) տարվա կրթական գործիչ (2002), ԱՄՆ-ի Նեբրասկա նահանգի պատվավոր քաղաքացի (1972)։

Գործունեություն

Աշխատանքները վերաբերում են մեխանիզմների սինթեզի տեսությանը, ավտոմատացված նախագծմանը, տարածական մեխանիզմների տեսությանը, ռոբոտատեխնիկական համակարգերի մեխանիկային, մեխանիզմների, ռոբոտների և ավտոմատացված համալիրների նոր տիպերի ստեղծմանը։ Սարգսյանի մեխանիզմների սինթեզի տեսության նոր ուղղության՝ ապրոքսիմացիոն կինեմատիկական երկրաչափության հիմնադիրն է։

Պարգևներ, մրցանակներ

• Ամերիկյան ճարտարագետ-մեխանիկոսների ընկերության մրցանակ (1978, տարվա լավագույն աշխատության համար)
• «Փրոքտր ընդ Գեմբլ» ընկերության (1978) հատուկ մրցանակ
• Մեքենաների և մեխանիզմների տեսության միջազգային ֆեդերացիայի (1995) հատուկ մրցանակ
• ՀՀ Անանիա Շիրակացու մեդալ, 1999
• Պատվո նշան շքանշան, 1985
• Սուրբ Մեսրոպ Մաշտոցի շքանշան, 2003
• Հայաստանի Հանրապետության գիտության վաստակավոր գործիչ (2011)։
• ՀՀ վարչապետի հուշամեդալ (2011)։

Երկեր

• Аппроксимационный синтез механизмов, М., 1982.
• Пространственные механизмы, М., 1983 (համահեղինակ)

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 223)։