Յուրի Բարսեղով

Յուրի Բարսեղով ռուս.՝ Юрий Барсегов
Ծնվել է	մարտի 7, 1925(1925-03-07) Թիֆլիս, ԽՍՀՄ
Մահացել է	օգոստոսի 6, 2008(2008-08-06) (83 տարեկանում) Մոսկվա, Ռուսաստան
Գերեզման	Տրոեկուրովյան գերեզմանատուն
Մասնագիտություն	փաստաբան
Հաստատություն(ներ)	Համաշխարհային տնտեսության և միջազգային հարաբերությունների ինստիտուտ
Գործունեության ոլորտ	Միջազգային իրավունք
Ալմա մատեր	Միջազգային հարաբերությունների Մոսկվայի պետական ինստիտուտ
Գիտական աստիճան	իրավաբանական գիտությունների դոկտոր և իրավաբանական գիտությունների դոկտոր
Տիրապետում է լեզուներին	ռուսերեն
Պարգևներ	«Կովկասի պաշտպանության համար» մեդալ և «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ

Յուրի Գեորգիի Բարսեղով (Բարսեղյան, մարտի 7, 1925(1925-03-07), Թիֆլիս, ԽՍՀՄ - օգոստոսի 6, 2008(2008-08-06), Մոսկվա, Ռուսաստան), իրավագիտության դոկտոր, միջազգային իրավունքի պրոֆեսոր, դիվանագետ, Հայոց ցեղասպանության վերաբերյալ բազմաթիվ ուսումնասիրությունների հեղինակ։ ՄԱԿ-ի Գլխավոր քարտուղարի տեղակալի հատուկ օգնական, ՄԱԿ-ի քարտուղարություն (1971 թվականից):

Կենսագրություն

Ծնվել է Թիֆլիսում 1925 թվականին։ 1950 թվականին ավարտել է ԽՍՀՄ ԱԳՆ Միջազգային հարաբերությունների պետական ինստիտուտը։ Հետագայում ղեկավարել է Մոսկվայում գործող միջազգային իրավունքի և քաղաքագիտության հայկական ինստիտուտը։

Հայտնի է նրա կողմից խմբագրված «Հայոց ցեղասպանություն. Թուրքիայի պատասխանատվությունը և միջազգային հանրության պարտավորությունը։ Փաստաթղթեր և մեկնաբանություններ» երեքհատորյակը։

2000 թվականին Յուրի Բարսեղովը պարգևատրվել էր Մխիթար Գոշ մեդալով, իսկ 2008 թվականին արժանացել է Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակին։

Յուրի Բարսեղովը մահացել է 2008 թվականի օգոստոսի 6-ին, Մոսկվայում:

Անդամակցություն

• ՄԱԿ-ի միջազգային իրավունքի հանձնաժողովի անդամ
• ՀՀ ԳԱԱ-ի արտասահմանյան անդամ
• Միջազգային ծովային իրավունքի ասոցիացիայի անդամ
• Ռուսաստանի միջազգային իրավունքի ասոցիացիայի անդամ

Պարգևներ

• ՀՀ Նախագահի մրցանակ (2008)
• Մխիթար Գոշի մեդալ (2000)
• Մեսրոպ Մաշտոցի շքանշան, ԼՂՀ (2000)
• «1941-1945 թվականների Հայրենական մեծ պատերազմում Գերմանիայի դեմ տարած հաղթանակի համար» մեդալ
• «Կովկասի պաշտպանության համար» մեդալ

Երկեր

• Мировой океан: Право, политика, дипломатия, М., 1983.
• Геноцид армян – преступление против человечества: О правомерности термина и юридической квалификации, Е., 1990.

Արտաքին հղումներ

• [1] Յուրի Բարսեղովի կենսագրությունը և աշխատությունները armenianhouse.org-ում