Մովսես Գրիգորյան

Մովսես Գրիգորյան
Ծնվել է	մարտի 6 (19), 1905; Սասիկ
Մահացել է	1995
Քաղաքացիություն	ԽՍՀՄ
Ազգություն	հայ
Մասնագիտություն	փիլիսոփա
Հաստատություն(ներ)	Ռուսաստանի գիտությունների ակադեմիայի փիլիսոփայության ինստիտուտ և ԽՄԿԿ Կենտկոմին առընթեր հասարակական գիտությունների ինստիտուտ
Գործունեության ոլորտ	փիլիսոփայություն և փիլիսոփայության պատմություն
Ալմա մատեր	Մոսկվայի կարմիր պրոֆեսուրայի ինստիտուտ (1934)
Կոչում	պրոֆեսոր
Գիտական աստիճան	փիլիսոփայական գիտությունների դոկտոր (1955)
Տիրապետում է լեզուներին	ռուսերեն
Պարգևներ	; և
Կուսակցություն	ԽՄԿԿ

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Մովսես Մանուկի Գրիգորյան (մարտի 6 (19), 1905^[1], Սասիկ^[1] - 1995), հայ սովետական փիլիսոփա։ Փիլիսոփայական գիտությունների դոկտոր (1955), պրոֆեսոր (1958)։

Կենսագրություն[խմբագրել | խմբագրել կոդը]

Մովսես Գրիգորյանը ծնվել է 1905 թվականի հունիսի (19) 3-ին Սասիկ (Բիթլիսի վիլայեթ) գյուղում։ Տասը տարեկան էր Մովսեսը, երբ բռնել է գաղթի ճանապարհը։ Միջնակարգ դպրոցն ավարտելուց հետո նախկին գրաշարին և Ալավերդու ԼԿԵՄ շրջկոմի քարտուղարին գործուղել են սովորելու Անդրկովկասի կոմունիստական համալսարանում։ 1926 թվականին ավարտել է Անդրկովկասի կոմունիստական համալսարանը, նույն թվականին ընդունվել ԽՄԿԿ շարքերը, ղեկավարել է ՀԼԿԵՄ Կենտկոմի ագիտբաժինը, եղել է ՀԿԿ Նոր Բայազետի գավկոմի քարտուղար։ 1930 թվականին ընդունվել է Մոսկվայի կարմիր պրոֆեսուրայի ինստիտուտը, որը հաջողությամբ ավարտելուց հետո 1934 թվականին ընդունվել է ասպիրանտուրան։ Աշխատել է ԽՍՀՄ ԳԱ փիլիսոփայության ինստիտուտում, որպես ավագ գիտական աշխատող։

Մասնակցել է Հայրենական մեծ պատերազմին։ Բանակում խմբագրել է «Հայրենիքի փառքի համար», «Առաջ դեպի հաղթանակ», «Առաջ հանուն հայրենիքի» թերթերը։ Հյուսիսային Կովկասից մինչև Բեռլին է ձգվել ռազմի ճանապարհը։ Պարգևատրվել է Կարմիր աստղի և «Հայրենական մեծ պատերազմի» 2-րդ աստիճանի շքանշաններով, արժանացել է «Մարտական ծառայության համար», «Կովկասի պաշտպանության համար», Գերմանիայի դեմ տարած հաղթանակի համար և բազմաթիվ այլ մեդալների և շնորհակալագրերի^[3]։ (1949-1995) դասախոսել է ԽՄԿԿ ԿԿ-ին կից հասարակական գիտությունների ակադեմիայում։ ԽՍՀՄ պետական մրցանակի դափնեկիր (1944, «Փիլիսոփայության պատմության» I և II հատորներին աշխատակցելու համար)։ Աշխատությունները վերաբերում են արևմտաեվրոպական և ռուսական փիլիսոփայության պատմությանը։ ԽՄԿԿ անդամ՝ 1926 թվականից։

Պարգևներ[խմբագրել | խմբագրել կոդը]

Կարմիր աստղի շքանշան
Հայրենական մեծ պատերազմի 2-րդ աստիճանի շքանշան
«Մարտական ծառայության համար» մեդալ
«Կովկասի պաշտպանության համար» մեդալ
Գերմանիայի դեմ տարած հաղթանակի համար մեդալ
ԽՍՀՄ պետական մրցանակի դափնեկիր

Երկեր[խմբագրել | խմբագրել կոդը]

«17-րդ դարի անգլիական մատերիալիզմը»։ Հ. 2-րդ, 1941։
«Լյուդվիգ Ֆոյերբախ»։ Հ. 3-րդ, Մոսկվա, 1943։
Английский материализм XVII в․
История философии, т․ 2, [М․], 1941;
Мировоззрение Н․ Г․ Чернышевского, в кн․ Чернышевский Н․ Г․, Избр․ философские соч․, т․ 1, [М․], 1950.
Чаадаев и его философская система, в сб․։ Из истории философии, в․ 2, М․, 1958.
Курс лекции по истории атеизма, 2 изд․, М․, 1974․

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 227)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_8baea7d37e8f3a30-2] 2,0 ^2,1 ^2,2 Չեխիայի ազգային գրադարանի կատալոգ

[3] Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:

[1]

[2]

[3]