Միք Ֆոուլի

Միք Ֆոուլի
Jake Roberts
Միք Ֆոուլի; Jake Roberts
	Ֆոուլին Սան Անտոնիոյի ռազմաբժշկական կենտրոնում
Իրական անուն	Մայքլ Ֆրենսիս Ֆոուլի ավագ; Michael Francis Foley Sr.
Ռինգային անուն(ներ)	Կակտուս Ջեք; Կակտուս Ջեք Մենսոն; Դյուդ Լավ; Ջեք Ֆոուլի; Մենքայնդ; Միք Ֆոուլի
Ընդհանուր տեղեկություններ
Հայտարարվող քաշ	1,88 մ
Հայտարարվող հասակ	130 կգ
Ծննդյան թվական	հունիսի 7, 1965 (61 տարեկան)
Ծննդավայր	Բլումինգթոն, Ինդիանա, ԱՄՆ
Ապրելավայր	Լոնգ Այլենդ, Նյու Յորք, ԱՄՆ
Մարզիչ	Դոմինիկ Դենուչչի
Դեբյուտ	1983
Ամուսին	Կոլետ Քրիստի; (1992-այժմ)
Երեխաներ	4
Կայք	realmickfoley.com

Մայքլ Ֆրենսիս (Միք) Ֆոուլի ավագ^[1]^[3] (անգլ.՝ Michael Francis "Mick" Foley Sr., հունիսի 7, 1965(1965-06-07)^[4], Բլումինգթոն, Ինդիանա, ԱՄՆ), ամերիկացի կիսաակտիվ պրոֆեսիոնալ ըմբշամարտիկ (ռեստլեր), գրող, կատակերգու, հաղորդավար, ակտիվիստ, դերասան և հնչյունավորող, WWE փառքի սրահի անդամ (2013), Պրոֆեսիոնալ ըմբշամարտի փառքի սրահի Ֆրենք Գոթչի անվան մրցանակի դափնեկիր (2010)։

Առավել հայտնի է ամերիկյան «World Wrestling Federation» (WWF, այժմ՝ WWE), «World Championship Wrestling» (WCW), «Extreme Championship Wrestling» (ECW), «Total Nonstop Action Wrestling» (TNA), «National Wrestling Alliance» (NWA), ինչպես նաև բազմաթիվ ճապոնական ռեստլինգ-կազմերպություններում ունեցած ելույթներով։ Ռինգում հանդես է եկել ինչպես իրական անվամբ, այնպես էլ մի շարք տարբեր կերպարներով, որոնցից առավել հիշվողներն են Կակտուս Ջեքը, Դյուդ Լավը և Մենքայնդը։

Մարզական կարիերայում չորս անգամ ճանաչվել է աշխարհի չեմպիոն, ընդ որում՝ երեք անգամ նվաճել է WWF/E և մեկ անգամ՝ TNA աշխարհի ծանրքաշային տիտղոսները։ Աշխարհի ծանրքաշային գոտիներից զատ, 11 անգամ հռչակվել է թիմային վարկածով չեմպիոն (ութ անգամ WWF, երկու անգամ ECW աշխարհի և մեկ անգամ՝ WCW աշխարհի թիմային չեմպիոն), 1 անգամ նվաճել TNA լեգենդների, և մեկ անգամ՝ WWF հարդքոր տիտղոսները։ Տիտղոսային նվաճումներից զատ հայտնի է նաև «Հարդքորի լեգենդ» պատվանունով։

Եղել է հարդքոր ռեստլինգի կարկառուն ներկայացուցիչներից՝ ողջ կարիերայի ընթացքում հանդես գալով խիստ վտանգավոր մենամարտերում, ինչի հետևանքով բազմաթիվ առիթներով կոտրել է քիթը, ծնոտը, ուսը, դաստակը, զրկվել առջևի չորս ատամներից, ստացել երկրորդ և երրորդ աստիճանի մարմնական այրվածքներ և նույնիսկ զրկվել աջ ականջի 2/3-ից^[5]։

Հրատարակել է 4 հուշագրական, 4 մանկական և 2 ժամանակակից գեղարվեստական գիրք։ Հեղինակած ստեղծագործությունները մի քանի անգամ հայտնվել են «Նյու Յորք Թայմսի» բեստսելլերների ցանկում^[6]։

Ծանոթագրություններ

1 2 3 4 5 6 7 8 «Միք Ֆոուլիի». «Ռեստլինգի առցանց աշխարհ». Վերցված է 2008 թ․ ապրիլի 14-ին.
1 2 3 «Միք Ֆոուլի». «WWE». Վերցված է 2010 թ․ հոկտեմբերի 1-ին.
↑ «Միքի Ֆոուլիի կենսագրությունը». «IGN». Արխիվացված է օրիգինալից 2008 թ․ սեպտեմբերի 4-ին. Վերցված է 2008 թ․ մայիսի 20-ին.
↑ Deutsche Nationalbibliothek Record #129447870 // Gemeinsame Normdatei (գերմ.) — 2012—2016.
↑ ««Միք Ֆոուլիի վնասվածքների ցանկ»». Արխիվացված է օրիգինալից 2016 թ․ մարտի 6-ին. Վերցված է 2015 թ․ հոկտեմբերի 31-ին.
↑ Սմիթ, Դինիշա (2001 թ․ մայիսի 22). «Լավ գրչով ըմբիշը». «Նյու Յորք Թայմս». Վերցված է 2015 թ․ հուլիսի 27-ին.

Արտաքին հղումներ

Վիքիպահեստն ունի նյութեր, որոնք վերաբերում են «Միք Ֆոուլի» հոդվածին։

[OWOW-1] 1 2 3 4 5 6 7 8 «Միք Ֆոուլիի». «Ռեստլինգի առցանց աշխարհ». Վերցված է 2008 թ․ ապրիլի 14-ին.

[WWEProfileMickFoley-2] 1 2 3 «Միք Ֆոուլի». «WWE». Վերցված է 2010 թ․ հոկտեմբերի 1-ին.

[IGN-3] «Միքի Ֆոուլիի կենսագրությունը». «IGN». Արխիվացված է օրիգինալից 2008 թ․ սեպտեմբերի 4-ին. Վերցված է 2008 թ․ մայիսի 20-ին.

[_305abcdacafcb196-4] Deutsche Nationalbibliothek Record #129447870 // Gemeinsame Normdatei (գերմ.) — 2012—2016.

[5] ««Միք Ֆոուլիի վնասվածքների ցանկ»». Արխիվացված է օրիգինալից 2016 թ․ մարտի 6-ին. Վերցված է 2015 թ․ հոկտեմբերի 31-ին.

[6] Սմիթ, Դինիշա (2001 թ․ մայիսի 22). «Լավ գրչով ըմբիշը». «Նյու Յորք Թայմս». Վերցված է 2015 թ․ հուլիսի 27-ին.

[1]

[2]

[3]

[4]

[5]

[6]