Միերվալդիս Բիրզե

Միերվալդիս Բիրզե
Ծնվել է	մարտի 3, 1921
Ծննդավայր	Ռույիենա, Լատվիա
Վախճանվել է	հունիսի 6, 2000 (79 տարեկան)
Վախճանի վայր	Ցեսիս, Լատվիա
Մասնագիտություն	գրող և բժիշկ
Քաղաքացիություն	Լատվիա
Կրթություն	Լատվիայի համալսարան
Ուշագրավ աշխատանքներ	Q109894396?
Պարգևներ

Միերվալդիս Բիրզե (լատիշ․՝ Miervaldis Birze, մարտի 3, 1921(1921-03-03), Ռույիենա, Լատվիա - հունիսի 6, 2000(2000-06-06)^[1], Ցեսիս, Լատվիա), լատվիացի գրող, հրապարակախոս, բժիշկ, Հոլոքոստը վերապրած։

Կենսագրություն

Միերվալդիս Բիրզեն ծնվել է 1921 թվականին Ռույիենա քաղաքում։ 1933 թվականին ավարտել է միջնակարգ դպրոցը։ 1940 թվականին Խորհրդային զորքերի Լատվիա մտնելուց հետո միացել է Երիտասարդ կոմունիստների լիգային։ 1941 թվականին գերմանացիների կողմից Լատվիայի օկուպացիայի ժամանակ ձերբակալվել է, հայտնվել է Վալմիերայի բանտում, այնուհետև տեղափոխվել է Սալասպիլսի համակենտրոնացման ճամբար, որտեղ հարկադիր աշխատանք է կատարել։ 1944 թվականի հուլիսին 1,200 անձանց հետ տեղափոխվել է Գերմանիա՝ Բուխենվալդի համակենտրոնացման ճամբար։ 1945 թվականի ապրիլին ճամբարի էվակուացիայի ժամանակ Բիրզեն կարողացել է փախչել։ Փորձել է հայրենիք հասնել Լեհաստանով, որտեղ նրան ձերբակալել են, և նա հայտնվել է Գրոդնոյի ստուգման-զտիչ ճամբարում։ Համակենտրոնացման ճամբարներում անցկացրած ժամանակաշրջանի ապրումներն ու հույզերը տեղ են գտել նրա գրական ստեղծագործություններում, մասնավորապես՝ «Սառույցի տակ էլ գետը հոսում է» վիպակում։

1949 թվականին ավարտել է Լատվիայի համալսարանի բժշկական ֆակուլտետը։ Որպես բժիշկ աշխատել է Ցեսիս քաղաքում։

Մահացել է 2000 թվականին^[2]։

Ստեղծագործություններ

Պատմվածքների առաջին ժողովածուն՝ «Առաջին ծաղիկներ»-ը լույս է տեսել 1956 թվականին։ «Սառույցի տակ էլ գետը հոսում է» (1958, հայերեն, 1963) վիպակի համար արժանացել է ԼԽՍՀ պետական մրցանակի։ Վիպակը հրատարակվել է տարբեր լեզուներով, այդ թվում և հայերեն։ Երեխաների համար գրել է «Ինչպես ծնվեց պատմվածքը» (1961) ժողովածուն։

Ծանոթագրություններ

↑ ^1,0 ^1,1 ^1,2 Library of Congress Authorities — Library of Congress.
↑ Հանուն բարեկամության, «Բալթիական առավոտ», լատվիական պատմվածքների ժողովածու, «Սովետական գրող» հրատարակչություն, 1983

Աղբյուրներ

Rožkalne, Anita; LU literatūras, folkloras un mākslas institūts (2003). Latviešu rakstniecība biogrāfijās (in Latvian). Riga: Zinātne. p. 87. ISBN 9984-698-48-3. OCLC 54799673

Արտաքին հղումներ

Միերվալդիս Բիրզե, «Գետը հոսում է և սառույցի տակ»

[_eae9606b68c01cad-1] 1,0 ^1,1 ^1,2 Library of Congress Authorities — Library of Congress.

[2] Հանուն բարեկամության, «Բալթիական առավոտ», լատվիական պատմվածքների ժողովածու, «Սովետական գրող» հրատարակչություն, 1983

[1]

[2]