Մառի Աթմաճյան
Մառի Աթմաճյան | |
---|---|
Պատկեր:Մառի Աթմաճյան.jpg | |
Ծննդյան անուն | արմտ. հայ.՝ Մարի Աթմաճեան |
Ծնվել է | դեկտեմբերի 5, 1914[1] |
Ծննդավայր | Բաֆրա, Տրապիզոնի վիլայեթ, Օսմանյան կայսրություն[1] |
Վախճանվել է | հունիսի 13, 1999 (84 տարեկան) |
Վախճանի վայր | Mandres-les-Roses, Վալ-դը-Մարն |
Գերեզման | Ancien cimetière de Rosny-sous-Bois |
Մասնագիտություն | բանաստեղծուհի և գրող |
Ազգություն | հայ |
Քաղաքացիություն | Օսմանյան կայսրություն և Ֆրանսիա |
Կրթություն | Դպրոցասէր վարժարան, École Française de Thessalonique? և Փարիզի համալսարան |
Կուսակցություն | Ֆրանսիայի կոմունիստական կուսակցություն |
Աշխատավայր | Ջանք, Մշակույթ, Անդաստան և Ազատ խոսք |
Մառի Աթմաճյան Վիքիդարանում | |
Marie Atmadjian Վիքիպահեստում |
Մառի Միհրանի Աթմաճյան (դեկտեմբերի 5, 1914[1], Բաֆրա, Տրապիզոնի վիլայեթ, Օսմանյան կայսրություն[1] - հունիսի 13, 1999, Mandres-les-Roses, Վալ-դը-Մարն), սփյուռքահայ բանաստեղծուհի, գրական և հասարակական գործիչ։ Բանաստեղծ Սեմայի քույրը։
Կենսագրություն
Նախնական կրթությունը ստացել է Կ. Պոլսի Դպրոցասեր տիկնանց վարժարանում, որտեղ կատարել է գրական առաջին փորձերը։ 1922 թվականին որբերի հոսանքի հետ մեկնել է Հունաստան։ Ավարտել է հայկական նախակրթարանը, մեկ տարի հաճախել Սալոնիկի ֆրանսիական իգական լիցեյը։ 1925 թվականին ընտանիքով տեղափոխվել են Հալեպ, 1928 թվականին՝ Եթովպիա, 1929 թվականից ապրել է Փարիզում։ Այստեղ հետևել է Մարգարիտ Բաբայանի երաժշտական և Սորբոնի համալսարանի գրականության դասընթացներին։
1930-ականների սկզբներից բանաստեղծություններ է տպագրվել «Ջանք» գրական-հասարակական ամսագրում և եղբոր «Մշակույթ» հանդեսում, հետագայում՝ «Անահիտ», «Պայքար», «Լուսաղբյուր», «Հայաստանի կոչնակ», «Բազմավեպ», «Նոր գիր», «Զվարթնոց» և այլ պարբերականներում։ «Տեգրեշենտո» (1939) պիեսում, «Գողգաթայի շուշաններ» (1948), «Աստեղաքաղ» (1951), «Հավիտենական ուղիներ» (1956), «Գաղթաշխարհի երգեր» (1961), «Ոսկի գեղոն» (1967), «Վերջալույսեն առաջ» (1974), «Հավերժական ուղիներով» (1974) բանաստեղծությունների ժողովածուներում պատկերել է սփյուռքահայերի կյանքը, նրանց հայրենաբաղձ ոգորումները։ Երկար տարիներ նախագահել է Ֆրանսահայ գրողների միությունը[2][3]։
Ստեղծագործությունները
- «Տեգրեջենտո» պիես
- «Գողգոթայի շուշանները» բանաստեղծությունների ժողովածու, 1948
- «Աստեղաքաղ» բանաստեղծությունների ժողովածու, 1951
- «Ոսկի զեշուն» բանաստեղծությունների ժողովածու, 1967
- «Հրեղեն աշտարակ» բանաստեղծությունների ժողովածու, 1970
Ծանոթագրություններ
Գրականություն
- Մառի Աթմաճյանի 35-ամյա գրական բերքին առջև, Բեյրութ, 1975։
Արտաքին հղումներ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |