Մայքլ Քանինգհեմ
Մայքլ Քանինգհեմ | |
|---|---|
 | |
| Ծնվել է | նոյեմբերի 6, 1952[1][2][3][…] (71 տարեկան) |
| Ծննդավայր | Ցինցինատի, Օհայո, ԱՄՆ |
| Մասնագիտություն | գրող, սցենարիստ, վիպասան, համալսարանի դասախոս, բանաստեղծ և կինոսցենարիստ |
| Քաղաքացիություն |  ԱՄՆ |
| Կրթություն | Սթենֆորդի համալսարան, Այովայի համալսարան և La Cañada High School? |
| Ժանրեր | սիրավեպ |
| Անդամակցություն | Արվեստների և գիտությունների ամերիկյան ակադեմիա |
| Աշխատավայր | Բրուքլինի քոլեջ |
| Պարգևներ | |
Ներշնչվել է
| |
| Կայք | michaelcunningham.com |
 Michael Cunningham Վիքիպահեստում | |
Մայքլ Քանինգհեմ (անգլ.՝ Michael Cunningham, նոյեմբերի 6, 1952[1][2][3][…], Ցինցինատի, Օհայո, ԱՄՆ), ամերիկացի արձակագիր և մանկավարժ։ 1999 թվականին արժանացել է Պուլիտցերյան մրցանակի։
Կենսագրություն[խմբագրել | խմբագրել կոդը]
Մայքլ Քանինգհեմը ծնվել է 1951 թվականի նոյեմբերի 6-ին Օհայո նահանգի Ցինցինատի քաղաքում։ Ապագա գրողի մանկությունն անցել է Կալիֆոռնիայի Փասադենա քաղաքում։ 1975 թվականին Քանինգհեմը Սթենֆորդի համալսարանում ստացում է անգլիական գրականության բակալավրի աստիճան, իսկ հինգ տարի անց ավարտում է Այովայի համալսարանի մագիստրատուրան։
Տպագրվել սկսել է 1970-ականների վերջերից. նրա պատմվածքները հայտնվում են ամերիկյան ճանաչված գրական պարբերականների էջերում («The New Yorker», «Atlantic Monthly», «Paris Review»): 1989 թվականին Քանինգհեմի «Սպիտակ հրեշտակ» («White Angel») պատմվածը, որը հետագայում դարձավ «Աշխարհի ծայրում գտնվող տունը» վեպի գլուխներից, ընդգրկվեց ամենամյա ամերիկյան լավագույն պատմվածքների ժողովածուում։
1990 թվականին հրատարակվում է նրա առաջին ճանաչված վեպը՝ «Աշխարհի ծայրում գտնվող տունը» («A Home At the End Of the World»): 2004 թվականին վեպն էկրանավորեց Մայքլ Մայերը։ Ֆիլմում գլխավոր դերակատարը Քոլին Ֆարելն է։
Երկրորդ վեպը՝ «Միս ու արյուն» («Flesh and Blood», 1995), ընտանեկան սագա է ԱՄՆ տարագրության մասին։ Այս վեպում գրողի ուշադրությանն են արժանանում ինքնաորոնումը, այլընտրանքային մշակույթը, ավանդական ընտանիքի կազմաքանդումը, համասեռամոլությունը և այլն։
Երրորդ և ամենահայտնի վեպը՝ «Ժամերը» լույս է տեսնում 1998 թվականին։ Գրքի երեք հերոսուհիներից մեկը հենց Վիրջինիա Վուլֆն է` 1923 թվականին իր վեպը շարադրելիս, մյուսը 1990-ականների վերջին Նյու Յորքում բնակվող Կլարիսա Վոնն է, որի մականունը Վիրջինիա Վուլֆի հերոսուհու անունն է (միսսիս Դելոուեյ), իսկ երրորդ կինը 1949 թվականին Լոս Անջելեսում ապրող Լորա Բրաունն է, որը կարդում է «Միսսիս Դելոուեյ» վեպը։ «Ժամերը» Վիրջինիա Վուլֆի «Միսսիս Դելոուեյ» վեպի նախնական անվանումն է։ Վեպը հայերեն է թարգմանվել և հրատարակվել 2020 թվականին[5]։ 2002 թվականին բիտանացի կինոռեժիսոր Սթիվեն Դոլդրին հաջողությամբ էկրանավորեց համանուն ֆիլմը, որում գլխավոր դերակատարներն էին Նիկոլ Քիդմանը («Օսկար»), Ջուլիան Մուրը, Մերիլ Սթրիփը։ Քանինգհեմը ֆիլմում հայտնվում է մի էպիզոդիկ դրվագում։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Մայքլ Քանինգհեմ» հոդվածին։ |
| ||||||||||||||||
- Նոյեմբերի 6 ծնունդներ
- 1952 ծնունդներ
- Ապրող անձինք
- Օհայոյում ծնվածներ
- Սթենֆորդի համալսարանի շրջանավարտներ
- Այովայի համալսարանի շրջանավարտներ
- Գուգենհայմի կրթաթոշակառուներ
- Անձինք այբբենական կարգով
- Գրողներ այբբենական կարգով
- 20-րդ դարի ամերիկացի տղամարդ գրողներ
- 21-րդ դարի ամերիկացի տղամարդ գրողներ
- Ամերիկացի արձակագիրներ
- Ամերիկացի բանաստեղծներ
- Ամերիկացի գրողներ
- Ամերիկացի սցենարիստներ
- Ամերիկացի վիպասաններ
- ԼԳԲՏ վիպասաններ
- Պոստմոդեռնիստ գրողներ
- Պուլիցերյան մրցանակակիրներ